ရှေးရှေးတုန်းကတော့
နယ်ချဲ့တွေက ကျွန်ပြုဖို့ ကျွန်တော်တို့ဆီကိုလာတယ်။
ဒီဘက်ခေတ်မှာတော့
ကျွန်ခံဖို့ ကျွန်တော်တို့ကိုယ်တိုင် ခရီးထွက်ရတယ်။
လူဖြစ်ပေမယ့် ရွေးချယ်ခွင့်က မရှိခဲ့ဘူး အမေရယ်။
ကျွန်တော့် အဖြစ်က
အိပ်မက်ထဲက ကမ္ဘာကို
ကျွန်ရွာမှာမှ သွားရှာမိတဲ့ အဖြစ်။
သေရင် မြေကြီးဆိုတာကတော့ မှန်ပါတယ်။
ရှင်ရင်တော့ မစို့မပို့ငွေလေးက ကျွန်တော်တို့ အတွက်ရွှေထီးပေါ့။
တရွာပြောင်းပေမယ့် သူကောင်းတော့ မဖြစ်ခဲ့ပါဘူး။
ကျွန်ပဲဖြစ်ခဲ့တယ်။
ကြောက်ရင်လွဲ ရဲရင်မင်းဖြစ်သတဲ့။
ကျွန်တော်… အမေနဲ့ညီမလေးတွေအတွက် ရဲခဲ့ပါတယ်။
ကျွန်ပဲ ဖြစ်နေသေးတယ် အမေ။
ကျွန်တော့်ရဲ့ရဲရင့်မှုတွေကပဲ နေရာလွဲခဲ့လို့လား။
ကိုယ့်အခွင့်အရေးကို သိဖို့နေနေသာသာ
တစ်ချို့သူငယ်ချင်းတွေဆို ကိုယ့်အသက်ဘယ်လောက်ရှိမှန်းတောင် မသိရှာဘူး။
တချို့ကလေးတွေဆို မြန်မာ နာမည်တောင် မရှိရှာဘူး။
ဘော့(စ်) ဆိုသူတွေ ပေးတဲ့နာမည်တွေပဲ ရှိကြတယ်။
အမေပြောတော့ အလုပ်လုပ်ရင် ကြီးပွါးမယ်ဆို။
အလုပ်လုပ်လေ ပိုခိုင်းလေလေပဲ အမေ။
ကျွန်ဖြစ်လေလေပဲ အမေရဲ့။
လူအချင်းချင်းဆိုတဲ့ အသိ
သူတို့မှာ မရှိဘူး အမေ။
သွေးစုပ်ဖို့ပဲ သူတို့သိတယ်။
အမေရယ်
ကျွန်တော်လည်း အစကတော့
ချစ်သူရဲ့မျက်နှာသုတ်ပုဝါလောက် ဖြစ်ဖို့မှန်းပြီးထွက်ခဲ့တာပေါ့။
အခု ဖြစ်လာတာက အားလုံးရဲ့ခြေသုတ်ပုဆိုး
မရှိသေးတဲ့ အစွယ်တောင် ကျိုးခဲ့ပြီ်။
ခုတော့
ကျွန်တော့် အသည်းနှလုံးကလည်း
ကျွန်အချင်းချင်တောင်
ပြန်မစုပ်ချင်တဲ့ သရက်စေ့ တစေ့ပေါ့။
ကိုယ့်ကိုယ်ကို ကျွန်လို့သုံးလို့ 
မငိုလိုက်ပါနဲ့အမေရယ်။
သူတို့ဒေါသလေးတစ်ချက်ထွက်ရုံနဲ့ 
ရာဘာခင်းထဲ ရက်ရက်စက်စက် အသတ်ခံရနိုင်တာဆိုတော့
ကျွန်တော်တို့ အသက်တချောင်းက
ရာဘာပင် တပင်လောက်တောင်တန်ဖိုးမရှိဘူးအမေ။
သူတို့ အချစ်တော် ကြောင်တကောင်လောက်တောင် တန်ဖိုးမရှိဘူး။
ဒါကို ကိုယ့်ကိုယ်ကို သခင်လို့ 
မျက်လုံးစုံမှိတ်ပြီး ကြွေးကြော်နေရမှာလား။
အနာရှိတာကိုလက်ခံမှ ဆေးထည့်လို့ရမှာပေါ့ အမေ။
လူတွေ ပြောတော့
မြန်မာ အချင်းချင်း ရိုင်းပင်းတယ်ဆို။
ကောင်းတဲ့သူတွေလည်း အများကြီးရှိပါတယ်။
တချို့ကတော့ တော်တော့်ကိုဆိုးတယ်။
ကျွန်တော်တို့ရွှေလို့့ခြုံငုံခေါ်နေတဲ့အထဲက တစ်ချို့ကပဲ
အချင်းချင်း ရောင်းစားနေကြတာ အမေ။
တိုင်းပြည်မီးလောင်လို့ 
အချင်းချင်းချနင်းရက်တာလား။
ဘာပဲဖြစ်ဖြစ် သူတို့လူစိတ်မရှိတာကတော့
သေချာပါတယ်။
ရွှေဆိုတဲ့ စကားလုံးက
အကုန်လုံးနဲ့တော့မတန်ဘူး အမေ။
သူတို့ကို ရွှေစာရင်းထဲက ကျွန်တော်ထုတ်တယ်။
ဟိုတလောက စာအုပ်ထဲမှာ ဖတ်လိုက်ရတယ်အမေ။
လင်ကွန်းဆိုတဲ့ သူက ကျွန်စနစ် ပပျောက်အောင်လုပ်ပေးခဲ့သတဲ့။
ဘယ်မှာ ဟုတ်လို့လဲ အမေရယ်။
သားတို့ကိုလာကြည့်စမ်းပါ။
သူလုပ်နိုင်ခဲ့တာ သူ့နိုင်ငံကွက်ကွက်လေးပဲ
သူ့ကိုလေးစားပေမဲ့
ကျွန်တော်တို့အတွက်တော့ သူက
သမိုင်းတင်လောက်အောင် မစွမ်းသေးပါဘူးအမေရယ်။
လူ့အဖြစ်က ရခဲတယ်ဆို။
ရခဲတာပဲ ကောင်းပါတယ် အမေ။
ကျွန်တော် လူမဖြစ်ချင်တော့ဘူး။
ကျွန်တော် ငှက်တွေကို ငေးကြည့်မိတယ် အမေ။
ငှက်အချင်းချင်း အမျိုးအနွယ်မတူလို့ ရက်စက်ကြတာမရှိဘူးအမေ။
ငှက်တွေမှာ ပြည်တွင်းစစ်မရှိဘူး။
ငှက်တွေမှာ ဘာသာရေး အဓိကရုဏ်းတွေ မရှိဘူး။
ငှက်တွေမှာ ကိုယ့်အသိုက်အမြုံကို ဗိုလ်ကျပြီး အတင်းရွှေ့ခိုင်းတာမျိုး မရှိဘူး။
ငှက်တွေ ကံဆိုးမိုးမှောင်ကျပြီး လှောင်အိမ်ထဲမှာ နေရရင်တောင်
သူတို့သခင်က သူတို့ကို အချစ်နဲ့လှောင်ထားတာ။
ကျွန်တော်တို့ကတော့ အမုန်းနဲ့လှောင်ထားခြင်းခံရတယ်။
မေတ္တာ အရမ်းငတ်တယ် အမေရယ်။
ကမ္ဘာ့ခေါင်းဆောင်တွေကလည်း
ကျွန်တော်တို့ငိုသံတွေ ဘယ်လောက်ကျယ်ကျယ်
အမျိုးသားအကျိုးစီးပွါးဆိုတဲ့ စကားလုံးအောက်မှာ
နားမကြားကြဘူး ထင်ပါရဲ့။
လူ့အခွင့်အရေးဆိုတဲ့ ပန်းဟာ
ဖိနှိပ်သူတွေရဲ့နှုတ်ခမ်းမှာ မပွင့်ဘူး အမေ။
ကျွန်စနစ်ဟာ
စာရွက်ပေါ်မှာတောင်မှ
မပပျောက်သေးပါဘူး အမေရယ်။
ရေးသူ...ကိုကောင်းကင်ကို
မှတ်ချက်..ရေးသူက လက်မှတ်မထိုးထားပါ။ Email ကနေရပါတယ်။ ဖတ်စေချင်လို့ ပါ။
Thursday, December 18, 2008
ကျွန်
Subscribe to:
Post Comments (Atom)
2 comments:
ကျွန်တော့် ကဗျာ ဖြစ်ကြောင်း လာအကြောင်းကြားတာပါခင်ဗျာ။ ဗွီအိုအေကလည်း လွှင့်ခဲ့ဖူးပါတယ်။ဖြန့် ဝေပေးလို့ ကျေးဇူးနော်။ အာဇာနည်ကို အမြဲအားပေးနေတယ်ဗျာ။ နောက်လည်း ကြိုက်တာရှိရင် ခွင့်မတောင်းပဲနဲ့ လည်း ယူသုံးနိုင်ပါတယ်။ လူတွေကို မျက်စိဖွင့်ပေးနေတဲ့ အာဇာနည်ကို လေးစားလျက်ပါ။
http://kaungkinko.myanmarbloggers.org/2008/01/blog-post_22.html
original link လေးပါခင်ဗျာ
ကျေးဇူးပြု၍...
မူလကဗျာရှင် ကပုံနှိပ်တော့မည် ဖြစ်ပါသောကြောင့်...postတွင်
ကလောင်အမည်လေးတင်ပေးပါ၇န်
လေးစားစွာဖြင့်
Post a Comment