ရန်ကုန်မြို့ သင်္ကြန်အကြတ်နေ့ တွင် ဗုံးပေါက်ကွဲမှုကြောင့် သေဆုံးခဲ့ရသူများတွင် လူလတ်ပိုင်းနှင့် အသက်ကြီးသူ အများဆုံး ပါဝင်

ရန်ကုန်မြို့ သင်္ကြန်အကြတ်နေ့ တွင် ဗုံးပေါက်ကွဲမှုကြောင့် သေဆုံးခဲ့ရသူများတွင် လူလတ်ပိုင်းနှင့် အသက်ကြီးသူအများဆုံးပါဝင် ကြောင်း သတင်းရရှိပါသည်။

သင်္ကြန်အကြတ်နေ့တွင် ရန်ကုန်မြို့ ကန်တော်ကြီးပတ်လမ်း (ကန်ရိပ်သာလမ်း) ပေါ်ရှိ X2Oရေကစားမဏ္ဍပ်ရှေ့တွင် ဖြစ်ပွားခဲ့သော ဗုံးသုံးလုံးပေါက်ကွဲမှုကြောင့် လူ (၈)ဦး သေဆုံးခဲ့ပြီး ဒဏ်ရာရသူ (၁၇၀)ဦး ရှိခဲ့ကြောင်း တရားဝင်ထုတ်ပြန်ချက်အရ သိရသည်။

ဧပြီလ ၁၆ ရက်နေ့အထိ အမျိုးသား ၃၉ ဦး၊ အမျိုးသမီး ၁၆ ဦး ဒဏ်ရာမှသက်သာ၍ ဆေးရုံမှ ဆင်းသွားခဲ့ကြောင်းနှင့် လက်ရှိအချိန်တွင် အမျိုးသား ၈၆ ဦး၊ အမျိုးသမီး ၂၉ ဦး ရန်ကုန်ဆေးရုံကြီး၌ ဆက်လက် ဆေးကုသမှုခံယူလျက်ရှိကြောင်း သိရှိရပါသည်။

သေဆုံးသူရှစ်ဦးတွင် အသက်အကြီးဆုံးမှာ ၆၇ နှစ်ဖြစ်ပြီး အငယ်ဆုံးမှာ ၂၄ နှစ် ဖြစ်ကာ ကျန်သေဆုံးသူများမှာ အသက် ၃၀ ကျော်နှင့် ၄၀ကျော်များဖြစ်ကြောင်း သိရှိရပါသည်။

ဗုံးပေါက်ကွဲမှုဖြစ်စဉ်ကြောင့် သေဆုံးခဲ့ကြရသူများ

အမည် အသက် နေရပ်လိပ်စာ
ဒေါ်နီနီသိန်း ၆၇ မင်္ဂလာတောင်ညွန့်မြို့နယ်
ဦးခင်မောင်လေး ၆၁ မင်္ဂလာတောင်ညွန့်မြို့နယ်
ဒေါ်ဌေးဌေးရီ ၄၅ တောင်ဥက္ကလာပမြို့နယ်
ကိုကြင်အောင် ၃၇ ဗဟန်းမြို့နယ်
မသီတာပြုံး ၃၅ သင်္ကန်းကျွန်းမြို့နယ်
ဦးသန့်စင်သိန်း ၃၂
မင်္ဂလာတောင်ညွန့်မြို့နယ်
ကိုအောင်ကိုကိုမောင် ၃၀ မင်္ဂလာတောင်ညွန့်မြို့နယ်
ကိုစိုးဝင်း ၂၄ မင်္ဂလာတောင်ညွန့်မြို့နယ်
http://www.news-eleven.com/index.php?option=com_content&view=article&id=2715:2010-04-17-14-28-54&catid=42:2009-11-10-07-36-59&Itemid=112