ဇလပ်မေ
တနင်္လာနေ့၊ ဒီဇင်ဘာလ 15 2008
အိုက်ဇော။ ။ ၂ဝ၁ဝ ခုနှစ်တွင် ကျင်းပမည်ဆိုသော မြန်မာစစ်အစိုးရ၏ ရွေးကောက်ပွဲကို လက်မခံကြောင်း ချင်းလက်နက်ကိုင် သူပုန်အဖွဲ့ဖြစ်သည့် ချင်းအမျိုးသားတပ်ဦး - CNF က ယနေ့ ပြောဆိုသည်။
ယခုလ ၈ ရက်နေ့မှ ၁၃ ရက်နေ့အထိ အိန္ဒိယ-မြန်မာ နယ်စပ်တနေရာတွင် ကျင်းပခဲ့သည့် စတုတ္ထအကြိမ်မြောက် ညီလာခံတွင် ဆုံးဖြတ်ခဲ့ကြောင်း CNF က ယနေ့တွင် ထုတ်ဖော်ပြောဆိုခြင်း ဖြစ်သည်။
"အခု နိုင်ငံရေးမှာ တကယ့်ကို စိန်ခေါ်မှုတွေ အကြီးအကျယ် ရင်ဆိုင်နေရတယ်။ အပြောင်းအလဲတွေလည်း ရှိလာနိုင်ပါတယ်။
အဲဒီအတွက်ကြောင့် ၂ဝ၁ဝ ရွေးကောက်ကို ကျနော်တို့အနေနဲ့ ဘယ်လိုတုံ့ပြန်မလဲဆိုတာကို အတော်လေး အရေးကြီးပါတယ်။ အဲဒီအပေါ်မှာပဲ ပြည်သူတွေအားလုံးက ဒီရွေးကောက်ပွဲရလဒ်ကို ကြိုတင်စဉ်းစားပြီးတော့ ဆင်ခြင်ဆုံးဖြတ်ကြပါလို့ ပြောချင်ပါတယ်" ဟု CNF အထွေထွေအတွင်းရေးမှူး Paul Sitha က မဇ္ဈိမကို ပြောသည်။
ချင်းအမျိုးသားများအနေဖြင့် နိုင်ငံရေးပါတီများ ထူထောင်ခြင်း သို့မဟုတ် တသီးပုဂ္ဂလအနေနှင့် ၂ဝ၁ဝ ရွေးကောက်ပွဲ၌ ပါဝင်မည်ဆိုလျှင် ထိုသူများအနေဖြင့် ချင်းပြည်သူလူထု၏ ဆန္ဒကို အမှန်တကယ် ဖြည့်ဆည်း ဖော်ထုတ်နိုင်ရန် ကြိုးပမ်းသင့်ကြောင်း ညီလာခံက တိုက်တွန်းလိုက်သည်။
CNF က နအဖ စစ်အစိုးရ၏ နိုင်ငံရေးမြေပုံကို လက်မခံကြောင်းနှင့် တိုင်းရင်းသားလူမျိုးများ၊ ဒီမိုကရေစီ အင်အားစုများနှင့် စစ်အစိုးရ ပါဝင်သည့် သုံးပွင့်ဆိုင် တွေ့ဆုံဆွေးနွေးပွဲကိုသာ ကျင်းပစေလိုကြောင်း ပြောဆိုသည်။
Paul Sitha က "နအဖ ရဲ့ လမ်းပြမြေပုံကို ကျနော်တို့အနေနဲ့ ဆက်လက်ကန့်ကွက်နေမှာဖြစ်တယ်။ အဲဒီလိုပဲ အတိုက်အခံတွေဘက်ကလည်း ဝိုင်းဝန်းပါဝင်ပေးကြပါလို့ အထူးပြောချင်ပါတယ်" ဟု ပြောသည်၊၊
မူလအခြေခံ ရပိုင်ခွင့်များအပေါ် မတရားဖိနှိပ် ချုပ်ချယ် တားမြစ်မှုများကြောင့် ချင်းအမျိုးသားများစွာသည် နိုင်ငံရပ်ခြား တိုင်းပြည်သို့ ထွက်ခွာနေရခြင်းသည် ချင်းအမျိုးသား တည်တံ့ရေးနှင့် အမျိုးသားလုံခြုံရေး ထိပါးနေသဖြင့် စိုးရိမ်မကင်းဖြစ်ကြောင်းနှင့် ဤကိစ္စကို ပြည်တွင်းပြည်ပ ချင်းအမျိုးသားထုတရပ်လုံးက စုပေါင်းလက်တွဲကာ ဖြေရှင်းရန် လိုအပ်သည့် အမျိုးသားရေး ပြဿနာဖြစ်ကြောင်း ညီလာခံက ဆုံးဖြတ်ခဲ့သည်။
တိုင်းရင်းသားလူမျိုးများ ကိုယ်ပိုင်ပြဋ္ဌာန်းခွင့် ရရှိရေးနှင့် အမျိုးသား တန်းတူမှုကို အခြေခံသည့် ဖက်ဒရယ် ပြည်ထောင်စု တည်ဆောက်ရေးအတွက် လက်နက်ဆွဲကိုင် တိုက်ပွဲဝင်နေသည့် CNF ကို ၁၉၈၈ ခုနှစ် မေလတွင် ဖွဲ့စည်းခဲ့ပြီး၊ ချင်းအမျိုးသား တော်လှန်ရေးတပ်မတော် - CNA ထားရှိကာ အိန္ဒိယ-မြန်မာနယ်စပ် တောတွင်းတွင် အခြေစိုက် လှုပ်ရှားနေသည်။
ယခုကျင်းပသည့် စတုတ္ထအကြိမ် ညီလာခံက ဥက္ကဋ္ဌအဖြစ် Zing Cung ၊ ဒုဥက္ကဋ္ဌ (၁) Thomas Thangnou ၊ ဒုဥက္ကဋ္ဌ (၂) Thang Yen ၊ အထွေထွေအတွင်းရေးမှူး Paul Sitha အပါအဝင် ဗဟိုအလုပ်အမှုဆောင် ကော်မတီဝင် ၉ ဦးနှင့် ဗဟိုကော်မတီဝင် ၁၃ ဦးကို ရွေးချယ်တင်မြှောက်ခဲ့သည်။
CNF ညီလာခံကို ၅ နှစ်လျှင် တကြိမ် ကျင်းပလာခြင်းဖြစ်သည်။
Monday, December 15, 2008
၂၀၁၀ ရွေးကောက်ပွဲကို လက်မခံဟု CNF ပြော
Subscribe to:
Post Comments (Atom)
No comments:
Post a Comment