လွှတ်တော်စည်းမျဉ်း အချိန်ကိုက် ထုတ်ပြန်မှု နည်းလမ်းမကျ
By ဦးကျော်အောင်လွင် အင်္ဂါ, 11 ဇန်နဝါရီ 2011
မြန်မာစစ်အစိုးရက ဒီလကုန်မှာ လွှတ်တော်စခေါ်မယ်လို့ ကြေညာပြီး လွှတ်တော်ဆိုင်ရာ ဥပဒေ၊ နည်းဥပဒေတွေကိုလည်း အချိန်ကိုက်ပြီး ကြေညာလိုက်တဲ့အတွက် ပြည်နယ်လွှတ်တော် ကိုယ်စားလှယ်တွေ အပါအ၀င် လွှတ်တော်ကို တက်ရောက်ကြမယ့် ကိုယ်စားလှယ်တွေ အဆင်သင့် မဖြစ်သေးတဲ့ အခြေအနေတွေနဲ့ ထပ်ပြီး ကြုံနေရပါတယ်။ ရွေးကောက်ပွဲ ကျင်းပခဲ့တုန်းကလည်း ဒီလိုပဲ ကမန်းကတန်း အဖြစ်မျိုး နိုင်ငံရေးပါတီတွေ ကြုံခဲ့ရပြီးပါပြီ။ အဆင်သင့်မဖြစ်ဘဲ လွှတ်တော်ကို သွားကြမယ့်သူတွေအတွက် သတိထားစရာတွေ အများကြီး ရှိနေတဲ့အကြောင်း မြန်မာ့အရေးကို အနီးကပ် လေ့လာ စောင့်ကြည့်နေတဲ့ အမေရိကန် ပြည်ထောင်စုရောက် ချင်းအမျိုးသား ဒေါက်တာ အန်ဒရူး ငွန်ကျုံးလျန်က ပြောပါတယ်။ အပြည့်အစုံကို ဒေါက်တာ အန်ဒရူးနဲ့ ဆက်သွယ်မေးမြန်းထားတဲ့ ကိုကျော်အောင်လွင်က တင်ပြပေးထားပါတယ်။
အခု ဇန်န၀ါရီလ ၃၁ ရက်နေ့ကျရင် လွှတ်တော်ခေါ်မယ်လို့ ကြေညာလိုက်တဲ့ အခါမှာ ပြည်နယ်လွှတ်တော် အစည်းအဝေးတွေ ကျင်းပတဲ့အခါ တက်ရောက်ကြမယ့် တိုင်းရင်းသား လွှတ်တော် ကိုယ်စားလှယ်တွေ အနေနဲ့ အဆင်သင့် မဖြစ်ကြသေးဘူးလို့ ကြားပါတယ်။ ဆရာအန်ဒရူးကလည်း ဒီကိစ္စတွေကို စောင့်ကြည့်နေတဲ့သူဆိုတော့ နောက်ဆုံး ဘယ်လိုသိထားပါလဲခင်ဗျ။
“ကျနော် သိထားသလောက်ကတော့ ပြည်နယ်လွှတ်တော် ခေါ်နိုင်ဖို့အတွက် ပြည်နယ်လွှတ်တော် အဆောက်အဦးတို့၊ ပြီးတော့ အဲဒီပြည်နယ် အသီးသီးကနေ ရွေးကောက်ခံတဲ့ ကိုယ်စားလှယ်တွေအတွက် နအဖဘက်က ပြင်ဆင်မှုတွေ အခုချိန်ထိ ကောင်းကောင်းမွန်မွန်လုပ်တာ မသိရသေးပါဘူး။ ကျနော်သိထားတာတော့ ချင်းပြည်နယ်မှာဆိုရင် ပြည်နယ်လွှတ်တော် အဆောက်အဦးအတွက် အရင်တုန်းက ပ၀တရုံးရဲ့ အဆောက်အဦးကို သူတို့ ပြန်သုံးမယ်လို့ ပြောတယ်။
“အခုချိန်ထိ ၂၀၁၀ ရွေးကောက်ပွဲမှာ ရွေးကောက်ခံရတဲ့ ပြည်နယ်လွှတ်တော် အမတ်အသီးသီးအတွက် အိမ်ရာ နေရာထိုင်ခင်းတို့၊ လစာတို့၊ အကျိုးခံစားခွင့်တို့၊ အဲဒါမျိုးတွေ အားလုံးကို နအဖဘက်က လုပ်ထားတာ ဘာမှ မရှိသေးဘူး ဆိုတာတော့ ကျနော် လွန်ခဲ့တဲ့ ၇ ရက်အတွင်းက ရထားတဲ့ သတင်းအရ သိရပါတယ်။
“ပြီးတော့ ပြည်နယ်တွေ အားလုံး အသီးသီးက သူတို့အတွက် အခုချိန်ထိ မှတ်သားလောက်တဲ့ ပြင်ဆင်မှု သူတို့လုပ်ထားတာ ကျနော် မကြားရပါဘူး။ သူတို့ ပြင်ဆင်မှု လုပ်နေတာ နေပြည်တော်မှာရှိတဲ့ ပြည်ထောင်စုလွှတ်တော်၊ အမျိုးသားလွှတ်တော်၊ ပြည်သူ့လွှတ်တော် အဲဒါအတွက်ပဲ ပြင်ဆင်မှု သူတို့က အားသွန်ခွန်စိုက် လုပ်နေတယ်။ ကျန်တဲ့ဟာတွေ ပြည်နယ်နဲ့ တိုင်းဒေသကြီးတွေအတွက် လက်ရှိ အာဏာရနေတဲ့ နအဖအနေနဲ့ လုပ်ထားတာ မရှိပါဘူး။”
ရက် ၂၀ လောက်ကျမှ လွှတ်တော်စမယ့်ရက်ကို ကြေညာတာ၊ ဆွေးနွေးကြရမယ့် ဥပဒေ၊ နည်းဥပဒေတွေကို ထုတ်ပြန်တာဟာ အချိန်ကပ်ပြီး ကြေညာတယ်လို့ ပြောရမလား၊ လုံလောက်တဲ့ အချိန်လို့ ပြောရမလားခင်ဗျ။
“စစ်အုပ်ချုပ်ရေးကနေ ဒီမိုကရေစီ မကျတကျ၊ လွှတ်တော်စနစ်ကို ရွေးကောက်ပွဲအပြီး ရက် ၉၀ အတွင်း အသွင်ပြောင်းရမှာဆိုတော့ ရက် ၂၀ အတွင်းမှာ ဒါတွေကို ပြည်သူလက်ထဲ အရောက် ထုတ်ပြန်တယ်ဆိုတာ ကျနော့်အမြင်မှာတော့ ဖြစ်သင့်ဖြစ်ထိုက်တဲ့အရာ မဟုတ်ပါဘူး။ ဘာလို့လဲဆိုတော့ အခြေခံဥပဒေကို အတည်ပြုပြီးကတည်းက အသွင်ကူးပြောင်းရေး တာဝန်ကို ယူထားတဲ့ နအဖက အချိန်ယူပြီးတော့ ရေးဆွဲ ထုတ်ပြန်ထားသင့်တဲ့ အရာလို့ ကျနော်ကတော့ မြင်ပါတယ်။
“နောက်ပြီးတော့ ဒီလို အချိန်ကပ်ပြီး ထုတ်ပြန်လိုက်တော့ ပြည်သူ့လွှတ်တော်၊ အမျိုးသားလွှတ်တော်၊ တိုင်းဒေသကြီးများ၊ ပြည်နယ်များ၊ ကိုယ်ပိုင်အုပ်ချုပ်ခွင့်ရ ဒေသများအတွက် ဥပဒေပြုခြင်း လုပ်ငန်းတွေကို လုပ်ဆောင်ရာမှာ အနှောင့်အနှေး ဖြစ်စေမှာ ဖြစ်တယ်။ မရှိမဖြစ် ဥပဒေပြုရမယ့် ကိစ္စရပ်တွေမှာ နှောင့်နှေး ကြန့်ကြာခြင်းဟာ တိုင်းပြည်တခုလုံးရဲ့ ဆိုးကျိုးဖြစ်တယ်။”
လွှတ်တော်ဆိုင်ရာ ဥပဒေ၊ နည်းဥပဒေတွေကို အချိန်ကပ်ပြီးမှ အသိပေးရတဲ့ အတွက်ကြောင့်မို့ လွှတ်တော် ကိုယ်စားလှယ်တွေအတွက် ဘယ်လိုအခက်အခဲတွေ ဖြစ်လာလိမ့်မယ်လို့ ထင်ပါလဲခင်ဗျ။ ဘာတွေ သတိထားစရာတွေ ရှိပါမလဲခင်ဗျ။
“အရေးကြီးတဲ့အရာတွေ များလွန်းတော့ ဘယ်ဟာကို ရှေ့တန်းတင်မလဲဆိုတာ ပြောရ တော်တော်ခက်နေပါတယ်၊ မြန်မာပြည်မှာ။ ဒါပေမဲ့ ကျနော့်အမြင်မှာတော့ ၂၀၁၀ အတွင်း ပြည်ထောင်စု ဘတ်ဂျက်လက်ကျန် ဘယ်လောက်ရှိတယ်၊ ၂၀၁၁ အတွင်းမှာ ရရှိနိုင်ခြေရှိတဲ့ အခွန်ဘဏ္ဍာငွေတွေကို ထည့်တွက်ပြီးတော့ ၂၀၁၁ အတွက် ပြည်ထောင်စုဘတ်ဂျက်၊ ပြည်နယ်ဘတ်ဂျက်၊ တိုင်းဒေသကြီးများဘတ်ဂျက်၊ ကိုယ်ပိုင်အုပ်ချုပ်ခွင့်ရ ဒေသများ ဘတ်ဂျက်၊ စတာတွေကို လွှတ်တော် စဖွင့်ကတည်းက လွှတ်တော်အမတ်တွေ အသီးသီးက ရေးဆွဲရမှာ ဖြစ်တယ်။
“ဒီလိုလုပ်ခြင်းအားဖြင့် နှစ်ပေါင်း ၄၈ နှစ်အတွင်း တိုင်းသူပြည်သားတွေ မသိနိုင်တဲ့ ပြည်ထောင်စု ဘဏ္ဍာငွေတွေကို ဘယ်နေရာမှာ ဘယ်လောက်သုံးစွဲတယ် ဆိုတာ ကျနော်တို့က သိလာမှာဖြစ်တယ်။ ဒီဟာတွေ လုပ်ဖို့ဆိုတာ ရက် ၂၀ အတွင်းမှာ လုပ်ဖို့ရနိုင်တဲ့ကိစ္စ မဟုတ်ဘူး။ အဲဒါက ပြဿနာ။
“ဒုတိယအချက်က ၀န်ကြီးဌာနတွေ အသီးသီး ပေါ်လာမယ်။ အဲဒီဝန်ကြီးဌာန အသီးသီးအတွက် ဘတ်ဂျက်တွေ ဆွဲရမယ်၊ ပြည်နယ်တွေ၊ တိုင်းဒေသကြီး၊ ကိုယ်ပိုင်အုပ်ချုပ်ခွင့်ရ ဒေသတွေ အတွက်လည်း ပြည်ထောင်စုက သတ်မှတ် ပေးအပ်လိုက်တဲ့ ဘတ်ဂျက်တွေ၊ ပြီးတော့ သူတို့ရဲ့ ၂၀၁၀ လက်ကျန် ဘဏ္ဍာငွေ အသီးသီးတွေ အပေါ်မှာ မူတည်ပြီးတော့ တိုင်းပြည်တခုလုံးအတွက် လိုအပ်တဲ့ ဥပဒေပြုခြင်း လုပ်ငန်းတွေကို ပြုနိုင်ဖို့အတွက် အဲဒီ ဥပဒေပြုတဲ့ နည်းဥပဒေတွေ မနေ့တနေ့ကမှ ထုတ်ပြန်ပြီးတော့ ရက် ၂၀ ပဲ အချိန်ပေးတယ် ဆိုတာကတော့ တော်တော်ကို မဖြစ်သင့်တဲ့ကိစ္စလို့ ကျနော်ကတော့ မြင်ပါတယ်။”
အဆင်သင့်မဖြစ်ဘဲ လွှတ်တော်တက်ရမယ့် အခြေအနေဟာ နိုင်ငံရေးအရ ဘယ်လိုသတိထားစရာတွေ ရှိပါမလဲ။
“ဥပဒေပြုမယ့် သူတွေက သူတို့ ဘယ်လိုနည်း၊ ဘယ်လိုဟန်နဲ့ ဥပဒေပြုရမယ် ဆိုတဲ့ဟာကို အချိန် လိုအပ်သလို မရတဲ့အတွက် သူတို့မှာ ၂၀၁၁ ဖြစ်ဖြစ်၊ ၅ နှစ်အတွင်းမှာ သူတို့ ဥပဒေပြုစရာတွေကို အချိန်မီ မလုပ်နိုင်တဲ့ အခါကြတော့ တတိုင်းပြည်လုံးက နစ်နာစရာ ရှိပါတယ်။
“ဒုတိယအချက်က လွှတ်တော်အသီးသီးကို တက်မယ့်သူတွေ အနေနဲ့ သတိထားစရာ အများကြီး ရှိပါတယ်။ ဘာလို့လဲဆိုတော့ နှစ်ပေါင်း ၄၈ လုံးလုံး မရှိခဲ့တဲ့နေရာကို ကျနော်တို့ ၀င်သွားတော့မယ်ဆိုတော့ ၂၀၁၀ မှာ ရွေးကောက်ခံတဲ့ အမတ်တွေ အားလုံးဖြစ်ဖြစ်၊ စစ်တပ်က ခန့်အပ်လိုက်တဲ့ စစ်ဗိုလ်အမတ်တွေ အားလုံးဖြစ်ဖြစ်၊ ဘယ်သူပဲဖြစ်ဖြစ် တိုင်းပြည်မျက်နှာကို ကြည့်ပြီးတော့ ပူးတွဲလုပ်ဆောင်နိုင်ဖို့ ဆိုတဲ့ ဆန္ဒ ရှိဖို့လိုတယ်။
“စစ်ဗိုလ်အမတ်တွေ အားလုံးလည်း မကောင်းတဲ့သူတွေ မဟုတ်သလို ပြည်သူက ရွေးလိုက်တဲ့သူတွေ အားလုံးလည်း အကုန်ကောင်းတယ် မဟုတ်ပါဘူး။ ပြည်သူတွေ ဘာကို လိုလားတောင့်တနေတယ် ဆိုတာကို နားလည်ပြီးတော့ ပြည်သူ့ကိုယ်စားပြု အမတ်ကောင်းတယောက်ပီပီ တာဝန်ကျေပြွန်စွာ လုပ်ဆောင်နိုင်ဖို့ အခြေခံဆန္ဒ ထားဖို့၊ အခြေခံဆန္ဒ ရှိဖို့က အရေးကြီးတယ်။ အဲဒီအပေါ်မှာပဲ တဖြည်းဖြည်းနဲ့ တတ်ကျွမ်းတဲ့သူတွေ၊ သိတဲ့သူတွေ ဗမာပြည်မှာ အများကြီး ရှိပါတယ်၊ ဥပဒေနဲ့ ပတ်သက်တဲ့သူတွေ၊ အဲဒါတွေရဲ့ အကူအညီ ယူပြီးတော့ တဖြည်းဖြည်းနဲ့ စစ်မှန်တဲ့ ဒီမိုကရေစီ စနစ်ကို အသွင်ကူးပြောင်းဖို့၊ သွားဖို့ လိုအပ်တယ်လို့ ကျနော်ကတော့ မြင်ပါတယ်။”
မြန်မာ့အရေး လေ့လာသုံးသပ်သူ အန်ဒရူး ငွန်ကျုံးလျန် ပြောပြသွားတာ ဖြစ်ပါတယ်။Rest of your post
Wednesday, January 12, 2011
လွှတ်တော်နည်းလမ်းမကျခဲ့ တာ အနှစ် ၆၀ ကျော်ခဲ့ပြီဘဲ
နိယာမ အရတော့ တိုင်းပြည်နိမ့် ကျ ဆင်းရဲလေ ဘိန်းတိုးထွက်လေ။
ဘိန်းထွက်ချိန် ရက်ပိုင်းအတွင်း ဘိန်းဈေး ၂ ဆ နီးပါးတက်
Wednesday, 12 January 2011 17:05 သျှမ်းသံတော်ဆင့်
၂၀၁၀ - ၂၀၁၁ ခုနှစ် ဘိန်းထွက်ရာသီ ဖြစ်သည့် လွန်ခဲ့သည့်နှစ် ဒီဇင်ဘာလကုန်ပိုင်းမှ ယခုနှစ် ဂျန္န၀ါရလဆန်းပိုင်း အထိ ရက်ပိုင်းအတွင်း ဘိန်းစိမ်းဈေးများ ၂ ဆခန့် တက်လာကြောင်း အကြားအမြင်များသည့် သျှမ်းပြည်(မြောက်ပိုင်း) ဒေသခံများ အဆိုအရ သိရသည်။
ဘိန်းမည်း (ဓါတ်ပုံ - သျှမ်းသံတော်ဆင့်)
မူရင်းဘိန်းထွက်နေရာများ၌ ဒီဇင်ဘာလကုန်ပိုင်းက ဘိန်းစိမ်းတစ်ပိဿာ ကျပ် ၃ သိန်းခွဲ ၀န်းကျင်ဈေးပေါက်ပြီး ဂျန္န၀ါရလဆန်းပိုင်းတွင် တစ်ပိဿာကျပ် ၅ သိန်းအထိ ထိုးတက်လာကြောင်း သိရသည်။
ထိုသို့ ဈေးတက်လာရခြင်းမှာ ဘိန်းဝယ်ယူ သိုလှောင်သူ များပြားလာပြီး ၀ယ်လိုအားများလာ၍ ဖြစ်ကြောင်း လားရှိူး ဒေသခံတစ်ဦးက သျှမ်းသံတော်ဆင့်သို့ ပြောသည်။
“ဒီရက်ပိုင်းအတွင်းမှာပဲ ဘိန်းဈေးက ၂ ဆနီးပါးထိုးတက်သွားတယ် ဘိန်းစထွက်တဲ့အချိန် ဒီဇင်ဘာလကုန်ပိုင်းက တစ်ပိ ဿာ ၃ သိန်းဝန်း ကျင်ပေါက်တယ် အခုဇန်န၀ါရီလ ၁၀ရက်လောက်အတွင်း ၅ သိန်းဝန်းကျင် ဖြစ်လာတယ် ဒါက ဘိန်းထွက်တဲ့ဒေသပေါက်ဈေး ပေါ့နော် သိုလှောင်မှုများပြားလာလို့ဖြစ်တယ် သိုလှောင်နိူင်ရင် အမြတ်များများရတော့ ဘိန်းဝယ် လိုအား များလာတာပေါ့ ” ဟု သူက ဆိုသည်။
သိုလှောင်ထားသည့် ဘိန်းအဟောင်းသည် ဘိန်းအသစ်ထက် အရည်အသွေး ပိုမိုကောင်းမွန်ပြီး ဘိန်းရှားပါးချိန်တွင် ဈေး ကောင်းရကြောင်း သိရသည်။
“ဘိန်းအဟောင်းက ဘိန်းအသစ်ထက် အရသာပိုကောင်းတယ် အဆီထွက်နှုန်းကောင်းတယ် သုံးစွဲတဲ့သူတွေအနေနဲ့ ဘိန်း အသစ်ထက် အဟောင်းကို ပိုကြိုက်ကြတယ်” ဟု နောက်ထပ်ဒေသခံတစ်ဦးက ပြောသည်။
ဘိန်းစိမ်းကို အခြားမူးယစ်ဆေးဝါးများ ထုတ်လုပ်ရာတွင် ကုန်ကြမ်းပစ္စည်းအဖြစ် အသုံးပြုသည့် အပြင် အဆီချက်၍လည်း သုံးစွဲကြကြောင်း သိရသည်။
ယခုနှစ် သျှမ်းပြည် (မြောက်ပိုင်း) အတွင်း ဘိန်းစိုက်ပျိုးမှုသည် ယခင်နှစ်ထက်ပိုမိုများပြားကာ နေရာအနှံ့မိုးရွာသွန်းခဲ့သဖြင့် ဘိန်းခင်းများ အထွက် ကောင်းကြောင်း သိရသည်။
မူးယစ်ဆေးဝါးများအနက် သုံးစွဲမှုအများဆုံးမှာ ယာဘ (ခေါ်) စိတ်ကြွရူးသွပ်ဆေးပြားဖြစ်ပြီး ဒုတိယအနေဖြင့် ဘိန်းဖြူနှင့် ဘိန်းမည်းတို့ကို သုံးစွဲကြကြောင်း သိရသည်။Rest of your post
ပြည်သူတွေခမျာ ကျားကြောက်သော်လည်း ရှင်ကြီးအားမကိုရဲ
မူဆလင် ဓါးပြများ သောင်းကျန်းနေသဖြင့် ဘူးသီးတောင်တွင် ဗုဒ္ဓဘာသာကျေးရွာများ ပြိုပျက်မည့် အနေအထားဖြင့် ရင်ဆိုင်နေရ
1/11/2011
ရခိုင်ပြည်နယ် ဘူးသီးတောင် တောင်ပိုင်းတွင် မူဆလင် ဓါးပြများ အထူး သောင်းကျန်းနေရာ ဗုဒ္ဓဘာသာ ကျေးရွာများ ပြိုပျက်မည့် အနေအထားနှင့် ရင်ဆိုင်နေကြရကြောင်း ကျေးရွာသားများက နိရဉ္စရာသို့ ပြောကြားသည်။
“ အခု ကျွန်တော်တို့ တိုင်းရင်းသား ဗုဒ္ဓဘာသာတွေအတွက် လုံခြုံမူ မရှိတော့ဘူး။ ပိုက်ဆံ ချမ်းသာတဲ့ သူတွေက မြို့တွေကို ပြောင်းရွှေ့ကြနဲ့ ဒီအတိုင်းဆိုရင် ဗုဒ္ဓဘာသာ ရွာတွေ အကုန်လုံး ပျက်စီးသွားနိုင်ပါတယ်။ အနီးအနားမှာ တည်ရှိနေတဲ့ နစက တပ်ဖွဲ့တွေကလည်း လုံခြုံရေး လုံးဝ မပေးနိုင်တဲ့ အပြင် တိုင်ကြား သူတွေကို ရိုက်တာနက်တာ သတ်ပုတ်တာတွေလည်း ရှိနေပါတယ်”ဟု ကျေးရွာ လူကြီး တစ်ဦးက ပြောသည်။
buthindaw
လွန်ခဲ့သော ဇန္န၀ါရီလ ၁ ရက်နေ့ ညဉ့် ၁၂ နာရီတွင် ဘူးသီးတောင်မြို့နယ်Rest of your post
ထိအောင် မပစ်နိုင်ဘဲ မကောင်းသူထိပ် ကောင်းသူထိပ် ပစ်နေတော့။
ထိုင်းက မြန်မာကို ကန့်ကွက်စာပို့ ဧရာဝတီ Tuesday, 11 January 2011 19:39
ကရင်ပြည်နယ်အတွင်း တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA) နှင့် ဖြစ်ပွားသော တိုက်ပွဲများတွင် နအဖတပ်က ပစ်ခတ်မှုကြောင့် ထိုင်းနယ်မြေပေါ်သို့ လက်နက်ကြီး ကျည်များ ကျရောက်မှုနှင့် ပတ်သက်ပြီး ထိုင်းအာဏာ ပိုင်များက ယနေ့ ကန့်ကွက်စာ ပေးပို့ကြောင်း သိရသည်။
DKBA-dec-20-2010
၂၀၁၀ ဒီဇင်ဘာလ အတွင်းက နအဖ တပ်မှ သိမ်းဆည်းရမိသော လက်နက်ကြီး ကျည်များနှင့်အတူ တွေ့ရသည့် ဖလူးစခန်းရှိ DKBA တပ်မဟာ (၅) မှ တပ်ဖွဲ့ဝင်များ (ဓာတ်ပုံ - ဧရာဝတီ)
ယင်းစာကို ထိုင်း-မြန်မာ နယ်ခြား ကော်မတီမှ တဆင့် မြန်မာ စစ်အစိုးရထံသို့ ပေးပို့ခဲ့ခြင်း ဖြစ်ကြောင်း ထိုင်းသတင်းဌာန တခုဖြစ်သည့် Manager သတင်းဌာန၏ အင်တာနက် စာမျက်နှာတွင် ဖော်ပြထားသည်။
မြန်မာအစိုးရ တပ်များသည် DKBA တပ် များနှင့် တိုက်ခိုက်ခဲ့ရာ ယမန်နေ့က ထိုင်းနိုင်ငံ မဲဆောက် မြို့နယ် မယ့်ကိုကင်း ကျေးရွာအနီးသို့ လက်နက်ကြီး ကျည်များ ကျရောက် ပေါက်ကွဲခဲ့ သကဲ့သို့ ပြီးခဲ့သည့် တနင်္ဂနွေ နေ့ကလည်း ထိုင်းနိုင်ငံ နယ် နိမိတ် အတွင်း လက်နက်ကြီး ကျည်များ ကျရောက် ပေါက်ကွဲခဲ့ကြောင်း ထိုင်းနိုင်ငံ မဲဆောက်မြို့ အခြေစိုက် အမှတ် ၄ စစ် ဒေသမှူး၏ တင်ပြချက်များကို ကိုးကား၍ Manager က ရေးသားထားသည်။
ထို့ကြောင့် မြန်မာအစိုးရ တပ်များအနေနှင့် DKBA ကို တိုက်ခိုက်ရာတွင် လည်းကောင်း၊ လက်နက်ကြီးများ ပစ်ခတ်ရာတွင် လည်းကောင်း ထိုင်းနိုင်ငံ ဘက်ခြမ်းသို့ ထိခိုက်မှု မရှိစေရေး အတွက် ဆင်ခြင်ပေးရန် တောင်းဆိုသည့်စာ ပေးပို့ရခြင်း ဖြစ်ကြောင်း သိရှိရသည်။
ယမန်နေ့နှင့် တနင်္ဂနွေနေ့က ဖြစ်ပွားသည့် နှစ်ဘက်တိုက်ပွဲတွင် စစ်ဆင်ရေးကွပ်ကဲမှု ဌာနချုပ်(စကခ)၁၂ လက်အောက် ခံ နအဖ တပ်ဖွဲ့ဝင်များက DKBA တပ်ဖွဲ့များရှိသည်ဟု ယူဆရသည့် နေရာများသို့ လက်နက်ကြီး ကျည်များ ရာနှင့်ချီ၍ ပစ် ခတ်ရာ ထိုင်း နယ်နိမိတ်အတွင်း အလုံး ၂၀ ခန့် ကျရောက် ပေါက်ကွဲခဲ့ကြောင်း ထိုင်းစစ်တပ်ဘက်က ပြောဆိုထားသည်။
နောက်ဆုံးရရှိသည့်သတင်းများအရ ယနေ့နံနက်ပိုင်းကလည်း ကရင်ပြည်နယ် မြ၀တီခရိုင် ဖလူးဒေသအတွင်း DKBA တပ်များစစ်ရေးလှုပ်ရှားသည့်နေရာများသို့ နအဖ တပ်များက လက်နက်ကြီး ကျည် ၁၂ လုံးခန့် ပစ်ခတ်မှုရှိကြောင်း၊ ရင်ဆိုင်တိုက်ပွဲများဖြစ်ပွားခြင်းမရှိကြောင်း သိရသည်။
ယခု ဖြစ်ပွားနေသည့် စစ်ပွဲတွင် နအဖ ဘက်မှ စကခ ၁၂ လက်အောက်ခံတပ်ရင်း ၅ ရင်းပါရှိသည်ဟု DKBA က ပြော သည်။
ဖလူးတပ်စခန်းထိုင် DKBA စစ်ဆင်ရေးမှူး ဗိုလ်မှူးဆန်းအောင်က"ဒီလ ၉-၁၀ ရက်တိုက်ပွဲမှာ နအဖ ဘက်က တနေ့ကို လက်နက်ကြီးအလုံး ၁၀၀ ကျော်သုံးပြီးတိုက်တယ်၊ ကျနော်တို့ဘက်က ခံစစ်ရှင်ပြောက်ကျားနည်းနဲ့ပဲ ပြန်တိုက်တယ်"ဟု ပြောသည်။
တနင်္ဂနွေနေ့က စတင်သည့် ၂ ရက်တာတိုက်ပွဲသည် DKBA နှင့် နအဖ တပ်များအကြား နှစ်လကျော်ကြာဖြစ်ပွားလျက်ရှိသည့် တိုက်ပွဲကာလအတွင်း အပြင်းထန်ဆုံး တိုက်ပွဲဖြစ်သည် ဟုလည်း ဆိုသည်။
အဆိုပါတိုက်ပွဲတွင် DKBA အဖွဲ့မှ ၁ ဦးဒဏ်ရာရရှိပြီး ၂ ဦးကျဆုံးကာ နအဖ ဘက်မှ ဗိုလ်မှူးတဦး အပါအ၀င် ၈ ဦးဒဏ်ရာ အပြင်းအထန်ရရှိခဲ့သဖြင့် ၎င်းတို့ကို ထိုင်းဘက်ခြမ်းမှတဆင့် မဲဆောက်မြို့ကိုဖြတ်ကာမြ၀တီမြို့သို့ သယ်ဆောင်သွားသည် ဟု ထိုင်း နယ်ခြားစောင့် တပ်မှူးတဦးက ပြောသည်။
နယ်စပ်တိုက်ပွဲများတွင် ဒဏ်ရာရရှိသည့် နအဖ တပ်ဖွဲ့ဝင်များကို ထိုင်းဘက်ခြမ်းမှတဆင့် မြ၀တီသို့သယ်ဆောင်ခြင်းကို မြန်မာဘက်မှ အကူအညီတောင်းသည့်အတွက် မဲဆောက်-မြ၀တီ မြို့နယ်အဆင့် နယ်ခြားကော်မတီက စီစဉ်ပေးရခြင်း ဖြစ်သည်ဟု သိရသည်။
ပြီးခဲ့သည့် နှစ်ဘက်တိုက်ပွဲများအတွင်း ထိခိုက် ဒဏ်ရာရ သေဆုံးမှုများနှင့်ပတ်သက်ပြီး သီးခြားအတည်ပြုချက် ရယူနိုင်ခြင်း မရှိသေးပါ။
မြ၀တီမြို့ခံ အစိုးရ၀န်ထမ်း တဦးက"တနင်္ဂနွေ တနင်္လာ နှစ်ရက်ဖြစ်တဲ့ ဖလူးတိုက်ပွဲမှာ အစိုးရ ဘက်ကလည်း ထိတာရှိတယ်၊ အဲဒီလို တိုက်ပွဲကြီးတွေဖြစ်တော့ မြ၀တီတမြို့လုံး ထိတ်လန့်နေကြတယ်"ဟု ပြောသည်။
ရွေးကောက်ပွဲ ကျင်းပနေစဉ် နိုဝင်ဘာလ ၇ ရက် နှင့် ၈ ရက်နေ့က မြ၀တီမြို့နယ် အပါအ၀င် ဘုရားသုံးဆူမြို့နှင့်ကြာအင်း ဆိပ်ကြီးမြို့နယ်များတွင် စစ်အစိုးရတပ်နှင့် DKBA တပ်မဟာ ၅ တို့ တိုက်ပွဲများ စတင်ဖြစ်ပွားခဲ့ပြီးနောက် နေ့စဉ် နီးပါး တိုက်ပွဲများ ဆက်တိုက် ဖြစ်ပွားလျက်ရှိသည်။Rest of your post
Tuesday, January 11, 2011
အေးဗျာ ပြည်သူပိုင်သံယံဇာတတွေကတော့ လက်နက်ကိုင် နအဖ အကြိုက်ပေါ့
မြန်မာနိုင်ငံ အလယ်ပိုင်း ဓာတ်ငွေ့သိုက်ကြီး တွေ့ရှိဟု စစ်အစိုးရ ပြော --သောမတ်စ် မောင်ရွှေ | အင်္ဂါနေ့၊ ဇန်နဝါရီလ ၁၁ ရက် ၂၀၁၁ ခုနှစ် ၁၂ နာရီ ၄၁ မိနစ်
ချင်းမိုင် (မဇ္ဈိမ)။ ။ မြန်မာနိုင်ငံတွင် ရေနံနှင့် ဓာတ်ငွေ့ရှာဖွေ တူးဖော်မှုများ ပြုလုပ်နေသော တရုတ်နိုင်ငံ SIPC မြန်မာရေနံ ကုမ္ပဏီ လီမိတက်က မကွေးတိုင်း ပထိုးလုံဒေသတွင် ဓာတ်ငွေ့ ၉ဝ၉ ဘီလျံကုဗပေနှင့် ရေနံဓာတ်ငွေ့ရည် စည်ပေါင်း ၇.၆ သန်း ထွက်ရှိနိုင်မည့် ရေနံမြေတခုကို တွေ့ရှိခဲ့ကြောင်း စစ်အစိုးရပိုင် မီဒီယာများက ကြာသပတေးနေ့တွင် ကြေညာခဲ့သည်။
ဤအချက်မှန်ကန်ပါက စစ်အစိုးရက ပြည်တွင်းစီးပွားရေးတွင် နိုင်ငံခြား ရင်းနှီးမြှုပ်နှံမှုများကို စတင်ဖွင့်ပေးခဲ့သည့် ၁၉၈၈ ခုနှစ်နောက်ပိုင်း အကြီးဆုံး ကုန်းတွင်းပိုင်း ဓာတ်ငွေ့သိုက် တွေ့ရှိမှု ဖြစ်လာမည်။
ယခုသတင်းကို အင်္ဂလိပ်ဘာသာဖြင့် ထုတ်ဝေသော မြန်မာ့အလင်း သတင်းစာတွင် မျက်နှာဖုံးသတင်းအဖြစ် ဖော်ပြထားသည်။
SIPC မြန်မာရေနံကုမ္ပဏီ လီမိတက်သည် စစ်အစိုးရပိုင် မြန်မာ့ရေနံနှင့် ဓာတ်ငွေ့လုပ်ငန်း MOGE နှင့် ဆိုင်နိုပက် အင်တာနေရှင်နယ် ရေနံရှာဖွေရေးနှင့် ထုတ်လုပ်ရေး ကော်ပိုရေးရှင်း SIPC တို့ ပူးတွဲလုပ်ကိုင်နေသည့် ဖက်စပ်လုပ်ငန်းဖြစ်ပြီး အဆိုပါ ဆိုင်နိုပက်မှာ တရုတ်နိုင်ငံ ဆိုင်နိုပက်အုပ်စုက လုံးဝပိုင်ဆိုင်သည့် လုပ်ငန်းခွဲတခု ဖြစ်သည်။
သို့သော် အဆိုပါတွေ့ရှိမှုသတင်းကို ရေနံဓာတ်ငွေ့ လုပ်ငန်းလောကတွင် လုပ်ဆောင်လေ့ရှိသည့်အတိုင်း သီးခြား လွတ်လပ်သော တတိယအဖွဲ့အစည်းတခု၏ အတည်ပြုမှုကိုမူ မရရှိသေးပါ။
ဤလုပ်ငန်းမှ ထွက်ရှိသော အထွက်ပစ္စည်းများ၏ ၆ဝ % ကို မြန်မာနိုင်ငံက ရရှိမည်ဖြစ်ပြီး ကျန်ရေနံဓာတ်ငွေ့များကို တရုတ်နိုင်ငံသို့ ပိုက်လိုင်းသွယ်၍ ပေးပို့မည်ဟု မြန်မာတိုင်းမ်ဂျာနယ်က နိုဝင်ဘာလတွင် သတင်းပေးပို့ခဲ့သည်။
ရေနံဓာတ်ငွေ့ပိုက်လိုင်းများမှ ဒေါ်လာဘီလျံပေါင်းများစွာ ရရှိမည်ဟု တရုတ်နိုင်ငံက မျှော်လင့်နေ
မြန်မာနိုင်ငံ ရေနံဓာတ်ငွေ့ကဏ္ဍတွင် တရုတ်နိုင်ငံသည် အဓိကရင်းနှီးမြှုပ်နှံသည့် နိုင်ငံဖြစ်ပြီး ထွက်ရှိလာသော ရေနံနှင့် ဓာတ်ငွေ့များကို အများဆုံးသုံးမည့် နိုင်ငံမှာလည်း တရုတ်နိုင်ငံပင် ဖြစ်ဖွယ်ရှိသည်။
တရုတ်ကုမ္ပဏီတခုဖြစ်သော CNOCC လီမိတက်သည် မြန်မာနိုင်ငံ ရခိုင်ကမ်းရိုးတန်းမှ တရုတ်နိုင်ငံ အနောက်တောင်ဘက် ယူနန်ပြည်နယ်အထိ ရေနံနှင့် ဓာတ်ငွေ့ပိုက်လိုင်း နှစ်လိုင်းကို ဆောက်လုပ်နေသည်။
ဤကုမ္ပဏီအုပ်စုသည် တရုတ်နိုင်ငံတွင် ကမ်းလွန်ရေနံနှင့် ဓာတ်ငွေ့ အများဆုံး ထုတ်လုပ်သော ကုမ္ပဏီအုပ်စုဖြစ်သည်။
ဤပိုက်လိုင်း ပြီးစီးသွားပါက အာဖရိကနှင့် အရှေ့အလယ်ပိုင်းဒေသမှ တင်သွင်းလာသော ရေနံစိမ်းများကို စရိတ်သက်သာ လျင်မြန်စွာဖြင့် တရုတ်နိုင်ငံသို့ တင်ပို့ပေးနိုင်လိမ့်မည်ဟု မျှော်လင့်ရသည်။
ယခုလောလောဆယ်တွင်မူ အာဖရိကနှင့် အရှေ့အလယ်ပိုင်းဒေသမှ တင်သွင်းလာသော ရေနံစိမ်းများကို မလက္ကာရေလက်ကြားမှတဆင့်သင်္ဘောဖြင့် သယ်ယူနေရသည်။
အဆိုပါပိုက်လိုင်းသည် ၂ဝ၁၃ ခုနှစ်တွင် ပြီးစီးမည်ဟု မျှော်လင့်ရပြီး မြန်မာနိုင်ငံအဖို့လည်း ပိုက်လိုင်းဖြတ်သန်းခ အမြောက်အမြား ရရှိလိမ့်မည်။ သို့သော် အဆိုပါ ငွေများသည် စစ်အစိုးရနှင့် ၎င်းတို့နှင့် ပလဲနံပသင့်သော လူရင်းလူယုံများ၏ အိတ်ကပ်ထဲသို့သာ ရောက်ရှိသွားလိမ့်မည်ဟု လူ့အခွင့်အရေး တိုက်ပွဲဝင်သူများက စိုးရိမ်နေကြသည်။
လူ့အခွင့်အရေးအဖွဲ့တခုဖြစ်သော မြေကမ္ဘာအခွင့်အရေး အင်တာနေရှင်နယ် ERI နှင့် မြန်မာနိုင်ငံတွင်း လုပ်ငန်းများ လုပ်ကိုင်နေသော နိုင်ငံစုံ စွမ်းအင်ကုမ္ပဏီကြီးများအကြား ဖြစ်ပွားခဲ့သော အမှုတွင် တင်ပြခဲ့သည့် အထောက်အထား စာရွက်စာတမ်းများအရ စစ်အစိုးရသည် ၁၉၈၉ ခုနှစ်မှ ၂ဝဝ၉ ခုနှစ်အတွင်း ကမ်းလွန်ဓာတ်ငွေ့ ရောင်းချခြင်းမှ ဝင်ငွေ အမေရိကန် ဒေါ်လာ ၅ ဘီလျံနီးပါးမျှ ရရှိခဲ့ကြောင်း သိရှိရသည်။
အဆိုပါ ဓာတ်ငွေ့ရောင်းချရငွေများကို မြန်မာနိုင်ငံ အမျိုးသား ရသုံးမှန်းခြေစာရင်းတွင် ထည့်သွင်းဖော်ပြခြင်း မပြုဘဲ စင်္ကာပူဘဏ်များဖြစ်သော ပင်လယ်ရပ်ခြား တရုတ်ဘဏ် ကော်ပိုရေးရှင်း OCBC နှင့် DBS အုပ်စုတို့တွင် အပ်နှံထားသည်ဟု ERI က စွပ်စွဲထားသည်။
ထိုသို့ ဓာတ်ငွေ့ရောင်းချရမှုမှ ရရှိသည့် ရန်ပုံငွေများကို သိုဝှက်ထားရာတွင် ယင်းတို့ ပါဝင်ပတ်သက်သည်ဟူသော စွပ်စွဲချက်ကို အဆိုပါ စင်္ကာပူဘဏ်နှစ်ခုလုံးက လူသိရှင်ကြား ငြင်းဆိုထားသည်။
Rest of your post
စစ်မှုထမ်းဥပဒေကြောင့် တင်းမာမှု တိုးလာနိုင်
မဇ္ဈိမသတင်းဌာန | အင်္ဂါနေ့၊ ဇန်နဝါရီလ ၁၁ ရက် ၂၀၁၁ ခုနှစ် ၁၇ နာရီ ၅၆ မိနစ်
ချင်းမိုင်(မဇ္စိ္ဈမ) ။ ။ အရွယ်ရောက်ပြီးသူတိုင်းကို စစ်မှုထမ်းရန် ဆင့်ခေါ်ခွင့်ရှိသော ပြည်သူ့စစ်မှုထမ်း ဥပဒေကို စစ်အစိုးရက ပြဋ္ဌာန်းလိုက်ရာ စစ်အစိုးရနှင့် တိုင်းရင်းသား လက်နက်ကိုင်အဖွဲ့များ အကြား တင်းမာမှု ပိုတိုးလာစေနိုင်ကြောင်း တိုင်းရင်းသား ခေါင်းဆောင်များနှင့် နိုင်ငံရေးလေ့လာသူများက ပြောသည်။
မဇ္ဈိမက လက်ခံရရှိထားသော နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ၏ မနှစ် နိုဝင်ဘာလ ၄ ရက်နေ့စွဲဖြင့် ထုတ်ပြန်သည့် ပြည်သူ့စစ်မှုထမ်း ဥပဒေ အမှတ် ၂၇/၂၀၁၀ ပြန်တမ်းမိတ္တူအရ အသက် ၁၈ နှစ်မှ ၃၅ နှစ်ကြား အမျိုးသားများနှင့် အသက် ၁၈ နှစ်မှ ၂၇ နှစ်ကြား အမျိုးသမီးများကို ၂ နှစ်အထိ စစ်မှုထမ်းရန် ဆင့်ခေါ်နိုင်သည်ဟု ပါရှိသည်။
စစ်မှုထမ်းဆင့်ခေါ်ရန် တိုင်းဒေသကြီး သို့မဟုတ်
pantann
ပြည်သူ့စစ်မှုထမ်း ဥပဒေ ပြန်တမ်းမိတ္တူ
ပြည်နယ်အဖွဲ့၊ ခရိုင်အဖွဲ့နှင့် မြို့နယ်အဖွဲ့များကို လိုအပ်သလို ဖွဲ့စည်းနိုင်ခွင့် ဥပဒေက ခွင့်ပြုထားသည်။
ဆရာဝန်၊ အင်ဂျင်နီယာစသဖြင့် အတတ်ပညာတရပ်ရပ်ဖြင့် အသက်မွေးဝမ်းကြောင်း နေထိုင်သူ အမျိုးသားဖြစ်လျှင် အသက် ၁၈ နှစ်မှ ၄၅ နှစ်အတွင်း၊ ကျွမ်းကျင်သူ အမျိုးသမီးဖြစ်လျှင် အသက် ၁၈ နှစ်မှ ၃၅ နှစ်မပြည့်ခင်အထိ ဆင့်ခေါ်နိုင်သည်ဟု ပါရှိသည်။
ကျွမ်းကျင်သူ စစ်မှုထမ်း အမျိုးအစားတွင် ၃ နှစ်အထိ ဝင်ရောက်စစ်မှုထမ်းရန် ဆင့်ခေါ်နိုင်သည်ဟု ပါရှိသည်။
ထို့အပြင် အရေးပေါ်အခြေအနေတွင် အစိုးရအနေဖြင့် စစ်မှုထမ်းကာလကို ၅ နှစ်အထိ သတ်မှတ်နိုင်ခွင့်လည်း ပေးထားသည်။
ရပ်ကွက်အာဏာပိုင်များက မိမိကျေးရွာအုပ်စု သို့မဟုတ် ရပ်ကွက်တွင် နေထိုင်သူများအနက်မှ ဒီဇင်ဘာ ၃၁ ရက်နေ့တွင် စစ်မှုထမ်းရမည့် အရွယ်ရောက်သူများ စာရင်းကို နှစ်စဉ် ဇန်နဝါရီ ၁ ရက်နေ့အရောက် ပြည်သူ့စစ်မှုထမ်း ဆင့်ခေါ်ရေး မြို့နယ်အဖွဲ့ကို ပို့ရမည် ဖြစ်သည်။
သာသနာ့ဝန်ထမ်းများ၊ အိမ်ထောင်သည် အမျိုးသမီးများ၊ ကိုယ်လက်အင်္ဂင်္ါ မသန်စွမ်းသူများ၊ တပ်မတော် ဆေးစစ်ဆေးရေး ဘုတ်အဖွဲ့က ပြည်သူ့စစ်မှုထမ်းရန် မသင့်လျော်ကြောင်း သတ်မှတ်ထားသူများ၊ ဆင့်ခေါ်ရေး ဗဟိုအဖွဲ့က အမိန့်ထုတ်ပြန်၍ ကင်းလွတ်ခွင့်ပြုထားသူများ စစ်မှုထမ်းခြင်းမှ ကင်းလွတ်စေရမည်ဟု ဆိုထားသည်။
သို့သော် နိုင်ငံဝန်ထမ်းများ၊ ပညာသင်ကြားနေသူများ၊ အခြားစောင့်ရှောက်သူ မရှိသော မိအိုဖအိုများကို ပြုစုလုပ်ကျွေးနေသူများ၊ မူးယစ်ဆေးဝါး ဖြတ်ရန် ဆေးကုသမှု ခံယူနေသူများနှင့် ထောင်ဒဏ်ကျ ခံနေသူများသည် သက်ဆိုင်ရာ တပ်မတော် ဆေးစစ်ဆေးရေးဘုတ်အဖွဲ့၏ ထောက်ခံချက်ဖြင့် ယာယီရွှေ့ဆိုင်းနိုင်သည်ဟု ဖော်ပြထားသည်။
ပြည်သူ့စစ်မှုထမ်း ဥပဒေကြောင့် အဖွဲ့အင်အားကို ထိခိုက်လာနိုင်သည်ဟု အင်အား ၁ သောင်းခန့်ရှိမည် ခန့်မှန်းထားသော ကချင်လွတ်လပ်ရေးအဖွဲ့ အရာရှိများက စိုးရိမ်နေကြသည်။
စစ်အစိုးရနှင့် ဆက်ဆံရေး ယိုယွင်းသွားသော ကေအိုင်အို၏ လက်နက်ကိုင်တပ်တွင် အသက် ၁၈ နှစ်မှ ၄၅ နှစ်အကြား စစ်သည်အင်အားက ၉၀ ရာခိုင်နှုန်းရှိနိုင်သည်ဟု ကချင်အရာရှိတဦးက ပြောသည်။
စစ်မှုထမ်း ဥပဒေသစ်မှာ တိုင်းရင်းသား လက်နက်ကိုင် တပ်ဖွဲ့များကို တိုက်ခိုက်ရန် အင်အားတိုးချဲ့ခြင်းသာ ဖြစ်သည်ဟု ကရင်အမျိုးသား အစည်းအရုံး(KNU)မှ တွဲဘက် အတွင်းရေးမှူး ဗိုလ်မှူး စောလှငွေက ပြောသည်။
“ပြဿနာတွေ အများကြီးဖြစ်လာနိုင်တာပေါ့။ စစ်အာဏာရှင် တည်မြဲဖို့အတွက် တိုင်းရင်းသားတွေကို သတ်ဖြတ်ဖို့အတွက် ထုတ်တယ်လို့ မြင်တယ်။ … အတင်းအဓမ္မ စစ်သားစုဆောင်းရေးတွေ ဖြစ်လာနိုင်မယ်”ဟု ဗိုလ်မှူးစောလှငွေက ပြောသည်။
စစ်ဆင်ရေးကာလများတွင် ပေါ်တာဆွဲခွင့်ကို တရားဝင်ဖြစ်အောင် ပြုလုပ်လိုက်ခြင်း ဖြစ်သည်ဟု မြန်မာ့အရေး လေ့လာသူ ဦးဘိုဘိုကျော်ငြိမ်းက သုံးသပ်သည်။
“ဒီဥပဒေက တတိုင်းပြည်လုံးနဲ့ ဆိုင်တယ်လို့ ရေးမထားဘူး။ သူက တိုင်း၊ ပြည်နယ်၊ ခရိုင် ဒါမှ မဟုတ်ရင် အောက်မှာ မြို့နယ်အလိုက် အရေးပေါ်အခြေအနေပေါ် မူတည်ပြီးတော့ ဒီဥပဒေကို ပြဋ္ဌာန်းနိုင်တယ်။ အကယ်၍ မြန်မာပြည်ကြီးမှာ အေးချမ်းနေတယ်၊ ဥပမာ ကရင်ပြည်နယ်မှာ စစ်ဖြစ်တယ်ဆိုရင် ကရင်ပြည်နယ် တခုထဲ လုပ်လိုက်လို့ ရတယ်။ ရှင်းအောင်ပြောရရင် ပေါ်တာကို တရားဝင် ဆွဲလို့ရအောင် လုပ်လိုက်တာပဲ”ဟု ဦးဘိုဘိုကျော်ငြိမ်းက ပြောသည်။
ရဲအရေးပိုင်ခွင့်ရှိသော ပြည်သူ့စစ်မှုထမ်း ဥပဒေအရ စစ်မှုထမ်းရန်ရှိသော်လည်း ပျက်ကွက်သူကို ထောင်ဒဏ် ၃ နှစ်ထိ အပြစ်ပေးခွင့်နှင့် ဟန်ဆောင်ကာ တိမ်းရှောင်လွှဲဖယ်လျှင် ထောင်ဒဏ် ၅ နှစ်ထိ အပြစ်ပေးရန် သတ်မှတ်ထားသည်။
ထို့ပြင် ပါရဂူဘွဲ့ရသူများ၊ အသက်မွေးဝမ်းကျောင်းဆိုင်ရာ ဘွဲ့ရသူများကို အရေးပေါ် ပြန်တမ်းဝင် အရာရှိအဖြစ် ခန့်အပ်နိုင်သည်ဟုလည်း ဆိုထားသည်။
တခြားနိုင်ငံများ၏ ရန်ပြုလာမှုပေါ်မူတည်၍ ထုတ်ပြန်ရမည်ဖြစ်ပြီး လက်ရှိ မြန်မာပြည် အခြေအနေအရ ပြည်ပရန်လည်းမရှိသဖြင့် တိုင်းပြည်အတွက် စည်းလုံးညီညွတ်မှုရယူပြီးမှ အဆိုပါ ဥပဒေများကို ထုတ်ပြန်ရမည်ဖြစ်ကြောင်း အမျိုးသား ဒီမိုကရေစီ အဖွဲ့ချုပ် ဒုဥက္ကဋ္ဌ ဦးတင်ဦးက ပြောသည်။
“တိုင်းပြည်မှာ တကယ်လုပ်သင့်တာက စည်းလုံးညီညွတ်မှုရအောင် ယုံကြည်မှုရအောင် လုပ်ကိုင်ပေးနိုင်တဲ့ အခြေအနေကျရင် ဒီကစ္စဆွေးနွေးသင့်တယ်။ လုပ်ကိုင်သင့်တယ်ဗျာ၊ ခုတော့ ပြည်ပရန်ဖြစ်လာဖို့ မရှိဘဲနဲ့ လုပ်နေတာက အင်မတန် စဉ်းစားစရာကောင်းတဲ့ အချက်ပါဘဲ”ဟု သူက မဇ္စိ္ဈမကို ပြောသည်။
သို့သော် လေ့လာသူများက ကောင်းကျိုးအားဖြင့် စစ်ပညာတတ်မြောက်သူ များလာနိုင်သည်ဟု ပြောသည်။
အစိုးရသစ် မပေါ်ပေါက်မီ ပြဋ္ဌာန်းလိုက်ခြင်းက စစ်အစိုးရ မလိမ့်တပတ်လုပ်ခြင်းဟု မြန်မာ့အရေးလေ့လာသူ ဦးဌေးအောင်က ပြောသည်။
“စစ်အစိုးရက မလိမ့်တပတ် လုပ်ထားတာမျိုး တွေ့တယ်လေ။ မဆလခေတ်တုန်းက အခြေခံ ဥပဒေ ရေးဆွဲပြီးရင် လူထုကို ၃ ကြိမ် ချပြရတယ်။ လူထုကနေ အမျိုးသား ညီလာခံထဲမှာ ဆွေးနွေးရမယ်။ …သူ့အတွက် လျှို့ဝှက်ပြီး ကလိမ်ကကျစ်လုပ်မယ့် အကြောင်းအရာ တခုခုတော့ ရှိနေလိမ့်မယ်ထင်တယ်”ဟု ဦးဌေးအောင်က ပြောသည်။
စစ်အစိုးရက အရန်တပ်ဖွဲ့ဲ့ဥပဒေ ကိုလည်း နိုဝင်ဘာလ ၄ ရက်က ထုတ်ပြန်ထားသည်။ စစ်မှုထမ်းတဦး စစ်မှုထမ်းခြင်းမှ နုတ်ထွက်ခွင့် သို့မဟုတ် အငြိမ်းစားယူခွင့် ရရှိသည့်နေ့ရက်မှစ၍ ၅ နှစ်ထိ အရန်တပ်ဖွဲ့တွင် စစ်မှုထမ်းရမည် ဖြစ်သည်။
ကိုယ်ပိုင်ပြဋ္ဌာန်းခွင့်အတွက် တောင်းဆိုထားသော တိုင်းရင်းသားအဖွဲ့များ၏ လက်နက်ကိုင်တပ်များကို တပ်မတော်အောက်သို့ ထည့်သွင်းမည့် နယ်ခြားစောင့်တပ်ပြောင်းရေး အစီအစဉ် မအောင်မြင်ဖြစ်နေ၍ စစ်အစိုးရနှင့် ယခင်အပစ်ရပ် တိုင်းရင်းသားအဖွဲ့များအကြား ဆက်ဆံရေး ယိုယွင်းနေဆဲ ဖြစ်သည်။
Rest of your post
အမျိုးကောင်းသမီးများသို့ အင်တာနက် မင်းသမီး မဖြစ်ရအောင် ကာကွယ်ဆေး
နာမည်ကြီးချင်လို့၊လူသိများချင်လို့ (ဒါမှမဟုတ်) ၀ါသနာအရ ကိုယ့်ပုံကိုယ်တင်တာဆိုရင်တော့ လုပ်ပါ။ ကျွန်တော်တို့လဲ ကြည့်ရှု အားပေးပါ့မယ်။ ဒါပေမယ့် တချို့ဆို ရိုးရိုးသားသား နေတာကို ချောင်းရိုက်ခံရတာတို့၊ ကိုယ့်ချစ်ချစ်နဲ့ လွပ်လွပ်လပ်လပ်နေတာကို မှတ်တမ်းတင်ခံရတာတို့ကတော့ မဖြစ်သင့်ပါ။ အဆိုးဝါးဆုံးကတော့ ကိုယ့်ချစ်သူကို ယုံမှတ်လို့ ပုံအပ်မိကာမှပဲ ကျောချမှ ဓါးပြမှန်း သိရတဲ့ကိစ္စပါ။ ကိုယ့်ချစ်သူကကို ဖော်ကောင်လုပ်ပြီး အင်တာနက်ပေါ် တင်ပေးတာပါ။ ဒီကိစ္စကို အမျိုးသမီးများ ကျပ်ကျပ် သတိထား စေချင်တယ်။ တချို့ဆို ဒီကိစ္စကြောင့် အလုပ်အကိုင်ထိခိုက်၊ ပတ်ဝန်းကျင်မှာ မျက်နှာမပြရဲအောင် ဖြစ်ရပါတယ်။ ဒါတွေရဲ့ အရင်းခံက တော့ မသိနားမလည်မှု၊ နည်းပညာ မကျွမ်းကျင်မှုကြောင့်ဆိုတာ တွေ့နေရပါတယ်။အမျိုးကောင်းသမီးများအနေနဲ့ ဒီလို အဖြစ်မျိုးတွေက ရှောင်လွဲနှိုင်အောင် နည်းလမ်းကောင်းလေးတွေ ပေးချင်တယ်။ ကျွန်တော်က ကွန်ပျူတာသင်တန်းဆရာ တစ်ယောက်ပါ။ ပြီးတော့ ပညာရှင်အဆင့် ဓါတ်ပုံ၊ဗီဒီယို ၇ိုက်ကူးသူ တစ်ယောက်ပါ။ ဒါကြောင့် ကျွန်တော်ပေးတဲ့နည်းလမ်းတွေက အမတို့ ညီမတို့ အရှက်နဲ့ သိက္ခာကို တတ်နှိုင်သလောက် ကာကွယ်ပေးနှိုင်မယ်လို့လဲ ထင်ပါတယ်။
၁။ ဘယ်သူ့ကိုမျှ မယုံပါနဲ့ဘယ်လောက်ပဲ ချစ်ချစ် ၊ ဘယ်လောက်ပဲ ရင်းနှီးနှီး လွပ်လွပ်လပ်လပ် နေတာကို မှတ်တမ်းတင် မခံပါနဲ့ ။ သူကိုယ်တိုင်က စိတ်ချရသော်လဲ သူ့ကိုယ်တိုင်မသိလိုက်ပဲ သူဆီက ကိုယ့် ဓါတ်ပုံကို သူများခိုးသွားတာမျိုး ခံရတတ်ပါတယ်။
၂။ ကိုယ်ကိုယ်တိုင်လဲ မှတ်တမ်း မတင်ပါနဲ့ကိုယ့် ကိုယ်လုံး ဘယ်လောက်လှသလဲ သိချင်ရင် မှန်ထဲမှာ ပဲ စိတ်တိုင်းကျ ကြည့်ပါခင်ဗျာ။ ဓါတ်ပုံရိုက် မကြည့်ပါနဲ့ ။ အဲဒါလဲ အွန်လိုင်း မင်းသမီးဖြစ်ဖို့ လမ်းစပါ။
၃။ကင်မရာထဲမှာ ၊ ကွန်ပျူတာထဲမှာ ဖျက်ပစ်လိုက်ပြီ(delete)ဆိုတိုင်း လဲ စိတ်မချပါနဲ့ ကင်မရာထဲမှာ ၊ ကွန်ပျူတာ ထဲမှာ ဖျက်လိုက်ပြီ ဆိုတိုင်းလဲ စိတ်ချရတာ မဟုတ်ပါ။ အစွမ်းထက်သော recovery software မြောက်များစွာရှိနေပါတယ်။ အဲဒီ့ဆော့ဝဲတွေဟာ လွန်ခဲ့တဲ့ တစ်နှစ် ၊ နှစ်နှစ်လောက်က ဖျက်ထားတဲ့ ဓါတ်ပုံ ဗီဒီယို တွေကို အလွယ်တကူ ပြန်လည်ရှာပေးနှိုင်ပါတယ်။ ကွန်ပျူတာပြင်ဆရာတိုင်းလိုလို လုပ်တတ်ပါတယ်။ ကို့ကင်မရာနဲ့ စိတ်ကြိုက်ရိုက်ကြည့်တယ် ။ ပြီးတော့ ဖျက်ပစ်လိုက်တယ် ဆိုပေမယ့် သာမန်ကျွမ်းကျင်သူတစ်ယောက်ဟာ ဒါတွေကို အလွယ်တကူ ပြန်လည်ရယူနှိုင်တာကို လုံးဝ မမေ့ပါနဲ့။
၎။ အင်တာနက်ဆိုင်မှာ ကိုယ့်ကွန်ပျူတာ နဲ့သုံးရင်လဲ သတိထားပါ။အင်တာနက်ဆိုင်မှာ ကိုယ့်လက်တော့ နဲ့သုံးရင် ကိုယ့်လက်တော့ ထဲက အချက်အလက်ကို အင်တာနက်ဆိုင်က အလွယ်တကူ ၀င်ရောက်ကြည့်ရှု ကော်ပီကူးထားနှိုင်တယ်ဆိုတာ သိထားပါ။ အင်တာနက်ဆိုင်တွေမှာ ဆိုင်မှာ ရှိတဲ့ကွန်ပျူတာတွေကို ကောင်တာက အလွယ်တကူထိမ်းချုပ်နှိုင်အောင် network စနစ်တစ်မျိုး ချိတ်ဆက်ထားတတ်ပါတယ်။ကိုယ်က အဲဒီဆိုင်မှာ အင်တာနက် သုံးတယ်ဆိုရင် ကိုယ်ကလဲ အဲဒီစနစ်ထဲကို အလိုလို ရောက်သွားပါ တယ်။ဒါဆိုရင် အင်တာနက်ဆိုင်ကောင်တာကနေ ကိုယ့်ကွန်ပျူတာကို နက်ဝါ့ကနေ ၀င်ရောက်ကြည့်ရှုနှိုင်ပါတယ်။ ဒါကြောင့် အင်တာနက်ဆိုင်မှာဆိုင်မှာသုံးမယ့် ကိုယ့်လက်တော့မှာ အရေးကြီးတဲ့ ကိုယ့်ပုံတွေ ထည့်မထားပါနဲ့။
၅။ နည်းပညာကို အထင်မသေးပါနဲ့ကိုယ့်လက်တော့ထဲမှာ ပုံတွေထည့်မထားပါနဲ့. မလုံခြုံပါဘူးဆိုတော့ နဲနဲနားလည်တဲ့ ကိုကိုမမတွေက share ပေးမထားရင်ရပါတယ်လို့ ဆိုကြတယ် ၊ ဟုတ်ကဲ့ နည်းပညာကို အထင်မသေးပါနဲ့ခင်ဗျား ၊ ကိုယ့်ထက်ပိုတော်တဲ့ ဆရာကြီးတွေရှိနေသေးတယ်ဆိုတာလဲ မေ့မထားပါနဲ့။cracker တို့ hacker တို့ဆိုတာ အလကားပေးထားတဲ့ နာမည်တွေ မဟုတ်ပါဘူး။ သူတို့ရဲ့ စွမ်းဆောင်ရည်က ပြောမယုံ ကြုံဖူးမှသိလောက်အောင် မြင့်တတ်ပါတယ်။ ဒါကြောင့်ကိုယ့်ဘက်က စိတ်ချရအောင် သတိရှိတာ အကောင်းဆုံးပါ။
၆။ အင်တာနက်မှာ တွေ့တဲ့သူကို မယုံပါနဲ့အင်တာနက်က တော်ကီ ကိုကိုတို့ကပဲ အပြောကောင်းသလား၊အွန်လိုင်းမမတွေကပဲ အညှာ လွယ်သလားမသိပါ။ vzo chat လို ဟာမျိုးနဲ့ ချွတ်ပြ၊ လှန်ပြတဲ့ မမတွေ ၊ ညီမတွေ ရဲ့ပုံ များ အင်တာနက်ပေါ်မှာ တွေ့နေရပါတယ်။(ကျွန်တော် အသုံးရိုင်းသွားရင် ခွင့်လွှတ်ပါ) ၀မ်းနည်းစရာကောင်းတာက ပါးကွက်ကျားနဲ့ ထမီနဲ့ ဗမာမလို့ ထင်းခနဲသိသာတဲ့ ပုံတွေပါ အများကြီးပါလာတာပါ။ ကြေးစားတွေပါလို့ ပြောရအောင်လဲ အိမ်မှာ ကိုယ်ပိုင်အင်တာနက်လိုင်းနဲ့ ကိုယ်ပိုင်ကွန်ပျူတာနဲ့ သုံးနှိုင်တဲ့အ ဆင့်က ကြေးစားမဟုတ်နှိုင်ပါ။ ဖြစ်နှိုင်ခြေရှိတာက အွန်လိုင်းကိုကိုကလဲ အပြောကောင်း၊ညီမလေးတို့ကလဲ သဒ္ဓါလွန်တယ်ထင်ပါတယ်။ မယုံကြပါနဲ့ ညီမလေးတို့ရယ်။ ကိုယ့်ကို တကယ်ချစ်တဲ့သူဆိုတာ နှစ်ယောက်ချင်း ဆိတ်ကွယ်ရာမှာ မှားချင်မှားမယ် ၊ အဲဒီလို ဗြောင်ကြီးတော့ မတောင်းဆိုပါဘူး။ အဲ ….. ကိုယ့်သိက္ခာကို ရင်းရဲတယ်ဆိုရင်တော့ လုပ်ပေါ့။(vzo က အရုပ်တွေ အသံတွေ မှတ်ထားလို့ ရတယ်ဆိုတာလဲ သတိရပါ။)
၇။ ခိုးအရိုက်ခံရခြင်းမှ ကာကွယ်ဖို့ …….ခိုးအရိုက်ခံရခြင်းမှ ကာကွယ်ဖို့ ဆိုရင် ကိုယ်မရင်းနှီး မကျွမ်းဝင်တဲ့နေရာမှာ (ဟ်ာတယ်၊ တည်းခိုခန်း ၊ပန်းခြံ) စတဲ့နေရာတွေမှာ လွပ်လွပ်လပ်လပ် မနေပါနဲ့ ။သတိရှိပါ။ကင်မရာတွေ အကြောက်ဆုံး ၊ အားနည်းချက်တစ်ခု ကတော့ အမှောင်ပါ ။ ဘယ်လောက်ကောင်းတဲ့ ကင်မရာမဆို အလင်းရောင်အားနည်းသောနေရာမှာ အဆင်မပြေနှိုင်ပါ။ ဒါကြောင့် စိတ်မချရသော နေရာများတွင် လွပ်လွပ်လပ်လပ် (ဥပမာ အ၀တ်အစားလဲတာ)နေရတော့မယ်ဆိုရင် လုံးဝ မှောင်သွားအောင်လုပ်ပါ။ ဒါဆို ကင်မရာတွေ မတတ်နှိုင်တော့ပါ။ အမှောင်ထဲမှာ ရိုက်နှိုင်တယ်ဆိုတဲ့ (night shot)ဆိုတဲ့ ကင်မရာတွေတောင် အနဲဆုံး အနီရောင် ရောင်စဉ်လေး လင်းမှ အလုပ်ဖြစ်တာပါ။
၈။ spy camera တွေကို တတ်နှိုင်သမျှ ရှာပါအခုခေတ်မှာ သုံးသောင်းလောက်ဆို spy camera တစ်လုံး ရနှိုင်ပါတယ်။ ဒါကြောင့် စိတ်မချရတဲ့ နေရာတွေမှာဆို spy camera တတ်ထားမထား တတ်နှိုင်သလောက် ရှာပါ။ ဒါ ကိုကိုတွေ ၊ ဦးဦးတွေ အတွက်လဲ အရေးကြီးပါတယ်။ တော်ကြာ ကိုယ်တောင်မသိပဲ နာမည်ကြီး အွန်လိုင်းမင်းသား ဖြစ်သွားနှိုင်ပါတယ်။ များသောအားဖြင့် ကင်မရာ တွေကို မြင်ကွင်းကျယ်ကျယ်ရအောင် ဒေါင့်တွေမှာ တတ်ထားတတ်ပါတယ်။ သေသေချာချာရှာပါ။ အခန်းအပြင်မှာတတ်ထားပြီး မတ်စေ့ လောက်အခန်းကို ဖောက်ထားတာမျိုးလဲ လုပ်တတ်ကြပါတယ်။ မသင်္ကာဖွယ်ရာ အပေါက်တွေကို ဒေါင့်တွေ မျက်နှာကျက်တွေမှာ သေချာ ရှာပါ။ဘာမှမတွေ့ဘူးဆိုပြီးလဲ စိတ်ချမနေပါနဲ့ ၊ လိုအပ်ရင် အမှောင်ကို အကာအကွယ်ယူပါ။ အဲ super market တွေက အ၀တ် လဲ ခန်းတွေမှာလဲ ရှိတတ်တယ်နော် ။ လုံခြုံရေးအတွက်တတ်ရတာပါဆိုပဲ ။
၉။ ဘာကြောင့်ပဲ ဖြစ်ဖြစ် အွန်လိုင်း မင်းသား မင်းသမီး ဖြစ်သွားပြီဆိုရင်ရောရှက်ပြီး ငြိမ်မနေပါနဲ့ ၊ သိပ်မပျံ့သေးမှီ တားဆီးပါ။ sex ၀က်ဆိုက်တော်တော်များများဟာ user က တောင်းဆိုလို့ရှိရင် အချက်အလက်တွေ ဖျက်ပေးပါတယ်။ ကို့ပုံ ပါနေတာ သေချာရင် အဲဒီဝက်ဆိုက်ကို အကြောင်းကြားပြီး ဖျက်ခိုင်းပါ။ အဲဒီလို အကြောင်းကြားလို့ ဖျက်ပေးတာ သုံးခါ လေးခါတွေ့ဖူးပါတယ်။
၁၀။ ကိုယ်ချင်းစာပါ။ တွေ့ဖူးပါတယ်။ အမျိုးသားနဲ့ အမျိုးသမီး တွဲရိုက်ထားတဲ့ ပုံတွေမှာ အမျိုးသားကိုယ်တိုင်က တင်တာဆိုတော့ သူုမျက်နှာတော့ သူဖျက်ထားတာတွေ့ဖူးတယ်။ ဒါ ကိုယ်ချင်းမစာတာပါ။ မလုပ်ပါနဲ့ဗျာ သူတို့က ကျွန်တော်တို့ထက်ပိုရှက်တတ်တာပေါ့။ ကိုတောင် ရှက်တတ်သေးရင် သူများအရှက်ကွဲ အကျိုးနဲဖြစ်အောင် မလုပ်သင့်ပါဘူး ။ ဒါ စေတနာဗလဗွနဲ့ မျှဝေတတ်တဲ့ ကိုယ်ချင်းမစာတဲ့ အမျိုးသားတွေ အတွက်ပါ။ ခိုးလဲ မရိုက်ကြပါနဲ့ …။ကိုယ့်ကို ချစ်လို့ အလိုလိုက်ထားတဲ့သူကိုလဲ မျက်နှာလွဲ ခဲပစ် မလုပ်သင့်ပါ။ ဇတ်လမ်းအသစ်တင်ချင်တယ်ဆိုရင်လဲ ကြေးစားအဆင့်ထဲမှာ အရိုက်ခံတဲ့ သူတွေ ရှိပါတယ်။သူတို့ နဲ့ လှုပ်ရှားပေါ့။ နောက်ဆုံးအဆင့် မျက်နှာလေးဖျက်ပေးတာပဲ ဖြစ်ဖြစ်တော့ မဖြစ်မနေလုပ်ပေးကြပါ။
အင်တာနက်ဆိုတာဟာ လူ့အကျိုးသယ်ပိုးဖို့ ပေါ်ပေါက်လာတာပါ။ ဒါကို အကျိုးမရှိတဲ့ နေရာမှာ သူများအကျိုးထိခိုက်အောင် မလုပ်ကြ ပါနဲ့။ (ဒါက sex website တွေကို မကြည့်ပါနဲ့လို့ ပြောတာမဟုတ်ပါ။ တော်ကြာ ကိုကိုတို့က စိတ်ဆိုးနေဦးမယ်။ အမျိုးကောင်းသမိးများ ကို ညှာတာဖို့ ပြောတာပါ။ နာမည်ကြီးချင်လို့တို့ ၊ ၀ါသနာအရတို့ ဆိုတဲ့ photo တွေ ဗီဒီယိုတွေ ဆိုရင်တော့ ရောင်းသူ ၀ယ်သူ အသံတူရင် ပြီးတာပါပဲဗျာ။)စေတနာဖြင့်
forward mail မှ ရပါသည်။ မူရင်းရေးသူ ကို မသိပါ ။