မလိမ္မာတခါမိုက်တဲ့ အရာရှိများ ...................

အခု ကျနော်တင်ပြပေးမှာက တပ်မတော် (ရေ) မှာ ဖြစ်ပျက်ခဲ့ တဲ့ မထူးခြားသော်လည်းဆန်းပြားတဲ့ ဖြစ်ရပ်ကလေးတခု အ ကြောင်းပါ။ မထူးခြားဘူးဆိုတာက ဒီလိုကိစ္စမျိုးတွေကတပ်မ တော်ထဲမှာ ထူးခြားဖြစ်စဉ်မဟုတ်ဘဲ ဖြစ်ရိုးဖြစ်စဉ် ဓမ္မတာဖြစ်ရပ်မျိုးတွေဖြစ်နေလို့ပါ။

သို့သော်လည်း ဆန်းပြားတယ်လို့ ဆို လိုက်တာကတော့ ယခုဖြစ်စဉ်မှာ ပါဝင်ပတ်သတ်နေတဲ့အရာရှိ တွေအပေါ်အရေးယူကိုင်တွယ် ဆုံးဖြတ်ချက်ချလိုက်ပုံကကြားသိလိုက်ရသူအပေါင်းကို မအံ့ဩဘဲ မနေနိုင်လောက်အောင် ဆန်းကြယ်နေတဲ့အချက်ကြောင့်ပါ။

ဖြစ်ပျက်ပုံကဒီလိုပါ။

၂၀၀၁ ခုနှစ်အတွင်းတခုသောနေ့လယ်ခင်းမှာ သတင်းအရ ရန်ကုန်မြို့အတွင်း မူးယစ်ဆေးဝါးဖြန့်ဖြူးရောင်းချနေတဲ့ အုပ်စုတခုက်ို ဖမ်းဆီးဖို့ ရန်ကုန်တိုင်းဒုစရိုက်နှိမ်နှင်းရေး ရဲ တပ်ဖွဲ့ (ဒန) တပ်ဖွဲ့ဝင်တွေတပ် ဖြန့်လှုပ်ရှားနေပါတယ်။ အဲဒီအချိန်မှာ စားသောက်ဆိုင် တခုရှေ့မှာ ဆိုင်ကယ်တစီးထိုးရပ်လာပြီးကျောပိုးအိတ်နဲ့ လူရွယ်တဦးဆိုင်ထဲကို ၀င် ရောက်လာကာ စားပွဲဝိုင်းလွတ်တခုမှာ
ထိုင်ရင်း တစုံတဦးကိုစောင့်ဆိုင်းနေပါတယ်။

ဆိုင်ထဲမှာ အသင့်စောင်ကြည့်နေတဲ့ ရဲထောက်လှမ်းရေတွေက သူ့ကိုမသကာင်္လို့ ရှာဖွေစစ်ဆေးကြည့်တဲ့အခါ ကျောပိုးအိတ်အတွင်မှာ ဘိန်းဖြူထုပ်အချို့ လျှို့ဝှက်ယူဆောင်လာတာကို ဖမ်းဆီးရမိလိုက်ပါတယ်။

ဆက်လက် ရှာဖွေကြည့်တဲ့အခါ အဲဒီ လူရွယ်ကိုင် ဆောင်ထားတဲ့ Identity Card ဟာတပ်မတော်အရာရှိ စီစစ်ရေးကဒ်ပြားဖြစ်နေပြီး အ ရာရှိအသုံးအဆောင်ပစ္စည်းအချို့ကိုလည်း ထပ်မံတွေ့ရှိရတာကြောင့် ရဲထောက်လှမ်း ရေးတွေမျက်လုံးပြူးမျက်ဆံပြူး ဖြစ်သွားရပါတယ်။

ဒီလိုနဲ့ အမှုကို ရဲကဆက်မကိုင် တော့ဘဲ နယ်မြေခံ စစ်ဘက်ထောက်လှမ်းရေး(ဗိုလ်တထောင်မြို့နယ် သံလျှက်စွန်းအ ခြေပြု အမှတ် (၁၄)
စစ်ထောက်လှမ်းရေးတပ်ဖွဲ့) ကို လွှဲပြောင်းပေးလိုက်ပါတယ်။

ထောက်လှမ်းရေး (၁၄) တပ်ဖွဲ့ဝင်တွေက ဖမ်းဆီးထားတဲ့လူရွယ်ကို သူတို့ရဲ့ စစ်ကြောရေးဌာနသို့ ခေါ်ဆောင်သွားပြီး ဆက်လက်စစ်ဆေး မေးမြန်းပါတယ် ဖမ်းဆီခံလိုက်ရသူလူရွယ်က သံလျင်မြို့နယ် ဆိပ်ကြီးမှာရှိတဲ့ ရေတပ်လေ့ကျင့်ရေးဌာနချုပ် (ရလခ) (ယခု
အခေါ် အမှတ် (၁) ရေတပ် လေ့ကျင့်ရေးကျောင်း။ ရလရ – ၁) မှာ ဦးစီးအရာရှိ (တတိယတန်း) စစ်ရေး A3 တာဝန်ထမ်းဆောင်နေတဲ့ ဗိုလ်ကြီးနေလင်းအောင်ဖြစ်ပါတယ်။

ထောက်လှမ်းရေး တပ်ဖွဲ့ဝင်တွေက ရလခ အရာရှိရိပ်သာလူပျိုဆောင်မှာရှိတဲ့ ဗိုလ်ကြီးနေလင်းအောင်ရဲ့အခန်းကို သွားရောက် ရှာဖွေ စစ်ဆေးတော့ အသုံးပြုပြီးသား ဆေးထိုးအပ်အချို့နဲ့ မသင်္ကာဖွယ် စီးကရက်တိုအချို့ကို ထပ်မံသိမ်းဆည်းရမိတယ်လို့ ဆိုပါတယ်။

ဗိုလ်ကြီးနေလင်းအောင်ကို တရက်မျှ စစ်ကြောပြီးတဲ့နောက် အမှုနဲ့ ပတ်သတ်တဲ့ ကွင်းဆက်တွေ ထပ်မံပေါ်ထွက်လာပါတယ်။ နောက်တနေ့ ညနေနဲ့ ညပိုင်းမှာ ရေတပ်ကအရာရှိသုံးဦးကို ထပ်မံဖမ်းဆီးလိုက်ပါတယ်။ သူတို့တတွေကတော့ သံလျင်မြို့ သီလ၀ါ အ
ခြေစိုက် ဗျူဟာစစ်ဆေးယာဉ်စုအုပ်ချုပ်မှု လက်အောက်ခံ စစ်ရေယာဉ် – ၅၅၁ ရဲ့ စစ်ရေယာဉ်မှူးဖြစ်သူ ဗိုလ်မှူး ကံလှတင်ထွန်း ဗိုလ်တထောင်မြို့နယ် သံလျှက်စွန်းမှာရှိတဲ့ အ မှတ် (၃၆) စစ်ရေယာဉ်စု- အကူအုပ်မှူးဖြစ်သူ ဗိုလ်မှူးသိုက်စိုးအောင်နဲ့ သံလျှက်စွန်း မှာရှိတဲ့ ရေတပ်ပင်မပစ္စည်းထိန်းတပ်၊ တပ်ခွဲ (၃)တပ်ခွဲမှူး ဗိုလ်ကြီးသက်လွင်တို့ ဖြစ်ပါ တယ်။

ဗိုလ်မှူး ကံလှတင်ထွန်း ဆိုသူက ကာကွယ်ရေးဦးစီးချုပ် (လေ) ဒုတိယ ဗိုလ်ချုပ်ကြီးတင်ထွန်းရဲ့ သား ဖြစ်ပါတယ်။ ဗိုလ်မှူးသိုက်စိုးအောင်က သစ်တောရေးရာ ဒုတိယ၀န်ကြီး ဗိုလ်မှူးကြီးသိုက်ထွန်းရဲ့သားလို့သိရပါတယ်။ ဗိုလ်ကြီး သက်လွင်ကတော့
ရဲချုပ် ဟောင်း သူရဖေအောင် ရဲ့သားဖြစ်ပါတယ်။ အမှုဖြစ်ပွားချိန်မှာ ရဲချုပ်သူရဖေအောင် ဆုံး ပါးသွားတာ နှစ်ကာလ အတန်ကြာပြီ ဖြစ်ပေမဲ့ အာဏာပိုင်အသိုင်းအ၀ိုင်းအတွင်းမှာ သူ့ ရဲ့ အရှိန်ဇာလွှမ်းမိုးအမြစ်တွယ်ဆဲပါ။

ကျနော် စောစောကပြောခဲ့သလို စစ်ခေါင်းဆောင်ကြီးတွေရဲ့ သားသမီးတွေ မူးယစ်ဆေးဝါးသုံးစွဲတယ်ဆိုတဲ့ ဖြစ်ရပ်သတင်းတွေဟာ စစ်တပ်အသိုင်းအ၀ိုင်းအတွင်းမှာ ထူးဆန်းထွေတလာ ဋီကာချဲ့ပြီး ပြောစရာမလိုတဲ့ ကြုံတွေ့နေကျ ကြားနေကျ သမရိုးကျ ကိစ္စရပ်
တွေပါ။ လူကြီးသားသမီးတွေ မူးယစ်ဆေးဝါးသုံစွဲမှုကြောင့် အိပ်ယာထဲမှာအိပ်ပျော်နေရင်း သေဆုံးသွာတာတွေ၊ မတော်တဆ ယာဉ်တိုက်မှုဖြစ်ပြီး သေဆုံးမှုတွေ၊ AIDS ဖြစ်ပြီးတပ်ကအနားယူသွားရတဲ့ အရာရှိတွေအကြောင်း မကြာခဏဆိုသလို ကြားကြားနေရ ပေမဲ့မှုးယစ်ဆေးသုံးစွဲလို့ ဖမ်းဆီးအရေးယူခံရတာမျိုးတော့ မကြားဘူးသလောက်ပါပဲ။

စစ်တပ်မှာ အရာရှိအသိုင်းဝုိင်းကို “ကျီးမျိုး” တွေလို့ ခေါ်ဝေါ်ကြပါတယ်။ တဦးချင်းအကျိုးစီးပွားအရ သူတို့အချင်းချင်းမတည့်ပေမဲ့ အကြောင်းကိစ္စရှိလာတဲ့အခါအားလုံးအသံတူ ၀ိုင်းအာကြပြီး အသွေးတူအရောင်တူချင်း ဖေးမကာကွယ်ပေးတာကိုဆိုလိုတာပါ။
အထူးသဖြင့် လူကြီးတွေနဲ့ ပတ်သက်တဲ့အသိုင်းအ၀ိုင်းကြားမှာ ပိုပြီးဆိုးပါ တယ်။

ကျနော်တို့ ဟိုင်းကြီးကျွန်း ပမ္မ၀တီရေတပ်စခန်းဌာနချုပ်မှာ ရှိကတည်းက ဗိုလ်ကြီးသက်လွင် ဆေးစွဲနေတာပါ။ အဲဒီတုံးက သူဟာအမှတ် (၂၂) ရေတပ်ပစ္စည်းထိန်း တပ်မှာဒုတပ်မှုးတာဝန်ယူထားပြီး တပ်ကိစ္စတွေမှာ စိတ်ဝင်စားမှု အားနည်းတာကြောင့်တပ်မှူးဖြစ်သူက အားကိုးအားထားပြုမရပဲ အလုပ်သမားခေါင်းသဖွယ် သဘောထား ကြောင်းပြောဆိုတာ ကြားဖူးပါတယ်။ တခါမှာတော့ အထက်ဌာနကို ပေးပို့တဲ့စာတွေကိုအမှာအမှန်မစစ်ဆေးဘဲ လက်မှတ်ထိုးပေးလိုက်တာကြောင့် ဌာနချုပ်မှူးက ခေါ်ယူပြီး ဆူပူကြိမ်းမောင်းပါတယ်။

၎င်းအရာရှိ ဆေးစွဲနေတာကိုသိကြောင်း၊ ဖခင်ဖြစ်သူ၏ မျက် နှာကိုထောက်ထား၍သာ အရေးမယူခြင်းဖြစ်ကြောင်း၊ ဒီထက်ပိုပြီး ဆိုးလာပါက မဖြစ်မနေအရေးယူရတော့မယ်ဖြစ်ကြောင်း ခြိမ်းခြောက်ပြောဆိုပါတယ်။

ဗိုလ်ကြီးသက်လွင်ကတော့ သတိအနေအထားကို အနိုင်နိုင်ထိန်းကာ မျက်လုံကလေးအစင်းသားနဲ့ ခပ်မဆိတ်နားထောင်နေပါတယ်။
သြ၀ါ ဒပြီးဆုံးလို့ ဌာနချုပ်မှူးကို အလေးပြုပြီး နောက်လှည့်ပြန်အထွက်မှာ ကိုယ်ဟန်အနေအထား ယိမ်းယိုင်ပျက်ယွင်းသွား ပြီး
ခါးကြား မှာ ထိုးထားတဲ့ ၀ီစကီပုလင်းပြား ပြုတ်ကျမလို ဖြစ်သွားရကြောင်းဌာနချုပ်မှူးရုံး ခန်းအပေါက်စောင့် တပ်ထိန်းစစ်သည်က ကျနော်တို့ကိုပြောပြဖူးပါတယ်။

ဗိုလ်မှူးကံလှတင်ထွန်းလည်း ဒီပုံစံပါပဲ။ အဲဒီတုန်းက သူဟာ ထောက်ပံ့ရေးရေယာဉ်(၆၁၀) ရဲ့ စစ်ရေယာဉ်မှူးပါ။ ရဲဘော်တွေလဲ ပျော်သလိုနေ ငါလည်း ငါ့စည်းစိမ်ကိုလွတ် လွတ်လပ်လပ်ခံစားမယ်ဆိုတဲ့ သဘောကြောင့် သူ့ သဘောင်္မှာ တာဝန်ကျတဲ့စစ်သည်
တွေကတော့ ပျော်ရွှင်ပုံရပါတယ်။ “ဗိုလ်ကံနဲ့ဆိုရင် ငါတို့ဘ၀ ငြိမ်းချမ်းတယ်” ဆိုတဲ့ ပြောစကားတွေလဲကြားရပါတယ်။ အဲဒီအချိန်က ဗိုလ်ချုပ်ကြီး တင်ထွန်းဟာ လက်ရှိ တာ ၀န်ထမ်းဆောင်နေဆဲမို့ သူ့ကိုတော့ဌာနချုပ်မှူးက အထူးတလည် ခေါ်ယူဆုံးမတာ
မ တွေ့ရပါဘူး။ ရေတပ်ထဲက ဆေးစွဲ အရာရှိအုပ်စုထဲမှာ ဗိုလ်မှူး ကံလှတင်ထွန်းက ခေါင် ချုပ်လို့ ဆိုပါတယ်။

ယခုလို မူးယစ်ဆေးဝါးသုံးစွဲမှု၊ ဖြန့်ဖြူးရောင်းချမှုနဲ့ပတ်သက်လို့ တရားဝင်စုံစမ်းစစ်ဆေး မှုတွေ ပြုလုပ်ရတာဟာ တပ်မတော်ကြီး ထောက်လှမ်းရေးရဲ့အစီရင်ခံစာ အထက်ဌာန ကို ရောက်ရှိသွားပြီး မဖုံးနိုင်မဖိနိုင်အခြေအနေဖြစ်သွားလို့ပါ။ နို့မဟုတ်ရင် ပိုနေမြဲကျား နေမြဲ အခြေအနေတိုင်း ဘယ်လောက်ကြာအောင် စခန်းသွားနေမလဲ မပြောနိုင်ပါ။

ခုတော့ အရာရှိလေးဦးကို သံလျှက်စွန်း ရေတပ်အရာရှိရိပ်သာမှာ အကျယ်ချုပ်နှင့်ထား ပြီး အမှုစစ်ဆေးနေရပေပြီ။ အမှုကလည်း သက်သေထင်ရှားခိုင်လုံနေပြီမို့ တဦးလျင်ထောင်ဒဏ်ဘယ်လောက် ကျခံရနိုင်တယ်ဆိုတဲ့ ကောလဟာလ ခန့်မှန်းပြောဆိုသံတွေ လည်း
ပြန့်လွင့်နေပေပြီ။ အားလုံးက စိတ်ဝင်တစားနဲ့ စောင့်ကြည့်အကဲခတ် လေ့လာနေ ပြီးထင်မြင်ချက်၊ ဝေဖန်ချက်တွေ အမျိုးမျိုးပေးနေတဲ့ အမှုကိစ္စကြီးဟာ စုံစမ်းစစ်ဆေးမှု ကာလ ပြီးဆုံးသွားတဲ့အခါမှာ တိကျပြတ်သားတဲ့ ဆုံးဖြတ်ချက်တရပ် ထွက်ပေါ်လာပါ တယ်။

အဲဒါကတော့ ပထမဆုံး ဖမ်းဆီးခံရသူ ဗိုလ်ကြီးနေလင်းအောင် တယောက်သာ ထောင်ဒဏ်ချမှတ် ခံရပြီး ကျန်အရာရှိသုံးဦးကိုတော့ တပ်မတော်တွင် ဆက်လက်စစ်မှု ထမ်းဆောင်ရန် မသင့်လျော်သဖြင့် မိဘများထံ ပြန်လည်အပ်နှံလိုက်ကြောင်း စစ်တရား ရုံးအဖွဲ့က
ဆုံးဖြတ်လိုက်ခြင်းပါ။

တပ်မတော် (ရေ) မှာ ကြုံတောင့်ကြုံခဲ စစ်ဆေးစီရင်တဲ့ အမှုကနေ မလျော်ကန် ကျော်မကောင်း ကြားမကောင်း ထွက်ပေါ်လာတဲ့ ဆုံးဖြတ်ချက်ကြောင့် ကြားရသူအပေါင်း ပါးစပ် အဟောင်းသားနဲ့ တအံ့တသြဖြစ်ကုန်ကြရပါတယ်။ အမြင်မတော်တာ ကြုံတွေ့ရတိုင်း ဒိုး
ကနဲဒေါက်ကနဲ ဒဲ့တိုးပြောဆိုတတ်သူ ဧရာဝတီ ရေတပ်စခန်းဌာနချုပ် ဒုဌာနချုပ်မှူး ဗိုလ် မှူးကြီး သာဆန်း ကတော့ အောက်ပါအတိုင်း မှတ်ချက်ပြုပါတယ် …

“ကောင်းရောကွာ…ရဲဘော်လေးတွေ ဆေးခြောက်ရှူတာမိရင် ထောင်ချပြီး ထုတ်ပစ် တယ်။ အခုအရာရှိတွေ ဘိန်းဖြူချတာမိတော့ မိဘရပ်ထံ ပြန်လည်အပ်နှံတယ်တဲ့။ အဲဒီ အရာရှိတွေဟာ အသက် (၁၈) နှစ် ပြည့်ပြီးလို့ တပ်ထဲဝင်လာပြီး အရာရှိလုပ်သက် တောင်
ဘယ်နှစ်နှစ်ရှိနေပြီလဲ ဒီလိုမျိုးလုပ်လို့ရစတမ်းဆိုရင် ငါလည်း ဘိန်းဖြူချမယ် ငါ့ မိဘလက်ထဲ အရောက်ပြန်ပို့ပေးမလား” တဲ့ ....

ဒီလို ဒီလို မကျေမနပ်ပေါက်ကွဲသံ၊ တိုးတိုးကြိတ်ကြိတ် ဝေဖန်သံတွေနဲ့ တဖြည်းဖြည်းဝေးကွာသွားတဲ့ အရာရှိသုံးဦးကတော့ မိဘရဲ့ အေးမြတဲ့မေတ္တာရိပ်အောက်မှာ တည်တည်ငြိမ်ငြိမ်နဲ့ ဘ၀ရှေ့ရေးအတွက် အားမာန်တွေ မွေးမြူရင်း…။

တပ်ကြပ်ကြီး-နေမင်းသူ 
Burma Navy,
http://www.facebook.com/l/0c147SbaSwa615M9Svpbyayjlww;www.naytthit.net/

*The Comments*

*ကျော် *
ဗိုလ်ကြီးသက်လွင် ၂၂ မှာ တာ ၀န်ကျတုံးက ကျွန်တော်လည်းရုံးမှာ ရှိနေတယ်။ မနက်၉နာ၇ီလောက် ထဲ က အိမ်သာထဲ ၀င်သွားတာ….ညနေလောက်ကျမှ အားလုံးက သတိ ထား မိလို့  အိမ်သာကို ရိုက်ဖျက်ပြီး ဆွဲထုတ်၇တယ်။ ဆေးခြောက်နဲ့ အ၇က် ၂ပင်လိန်ပြီး အိမ်သာထဲ မှာ မှောက်နေတာ …ရွာထဲ က ဆ၇ာဝန်တွေ ဆို လည်း သူ က အနိုင်ကျင့်တတ်တယ်။ သူ လို ချင်တဲ့ ဆေး တွေ မူး မူး နဲ့ အတင်းတောင်းတယ်…အ၇ာရှိဆို တော့ပေး၇တာပေါ့…ဟိုင်းကြီး မှာ နေတဲ့ စက်လှေသူ ဌေး မောင်မောင်နိုင်ဆို၇င်သူ့ ကို တော်တော်စိတ်ညစ်တယ်….ဆိုင်ကယ်ငှားပြီး ပြန်မပေးဘဲ ထားတာ၁လ ၂လကြာတဲ့ အထိအောင် ငှားပြီးစီးတဲ့ သူ မျိုးတပ်မတော်ဥပဒေ ကလည်း လို၇င်လို သလို မလို ၇င်မလို သလို ဖြတ်ညှပ်ကပ်တာကတော့သိပ်မထူးဆန်းပါဘူး…တပ်မတော်အ၇ာရှိတွေ ထဲ မှာလည်း စစ်တပ်ကို ရွံမုန်းနေတဲ့ သူတွေ အများကြီး ရှိပါတယ်…ဘက်လိုက်မှု..တ၇ားမမျှ တမှု..စတာတွေကြောင့်ပေါ့
ဒုတိယဗိုလ်မှူးကြီး အောင်ကို ကို အကြောင်းဖြစ်နိုင်၇င်ေ၇းစေချင်တယ်…သူ လည်းဆန်းပြားတဲ့ လူးဆိုးကြီးပေါ့

*နေမင်းသူ *
ဗကသက်လွင်အကြောင်းအမှတ်ရသူတွေရှိနေသေးပါလား..ဒုမှူးကြီး အောင်ကိုကိုက မရခမှာ။ကျွန်တော်က ပရခမှာပဲနေဖူးတာဆိုတော့ သူ့အကြောင်းသိပ်မသိဘူးဗျာ.. ဒါပေမယ့်မရခမှာ သူ့ကြောင့်လားတော့မသိဘူး ဗိုလ်ကြီးကျော်စွာဖြူ အသက်ဆုံးရှုံးသွားတာ
ကြားလိုက်ရတယ။်

*laypyay *
ခွဲမှုးသင်တန်းတွေမှာ အေနဲ့ မိသွားတဲ့အရာ၇ှိတွေအကြောင်းကြားဖူးတယ်

*နေမင်းသူ *
တပ်ခွဲမှူးသင်တန်းအတွက်ဆေးစစ်တုန်း အေမိသွားသူ တွေထဲက တစ်ဦးကတော့
ဗိုလ်မှူးကြီးအေးဖေရဲ့သား ဗိုလ်ကြီး ကျော်ရဲဆိုသူပါပဲ…..

*Moe Kyaw Thu *
ဗိုလ် ချုပ် စိန် ထွား သား တော် မောင် လေး အ ကြောင်း လေး မေ့  နေ ကျ ဦး မယ်

*နေမင်းသူ *
ခုလိုအသိပေးတာကျေးဇူးတင်ပါတယ်။ ဒါပေမယ့် ကျွန်တော်က ကိုယ်သိထားသူတွေအကြောင်းကိုပဲ ရေးနိုင်တာပါ။ စိတ်မရှိပါနဲ့နော်။
အခြားအကြောင်းတွေလည်း သိထားသူတွေက ရေးကြရင်ကောင်းမှာပဲ …

*၃၃၃ *
ဗမကံလှတင်ထွန်းကို အရေးယူလိုက်တာကတော့ မြန်မာ့ဆိပ်ကမ်းအာဏာပိုင်ရုံးမှာ ရေကြောင်းပြအရာရှိ အဖြစ်ခန့်အပ်လိုက်တာပါ၊ ဗခစိန်ထွားမှာ သားရှိတယ်မကြားမိပါ၊ သားမက်ပဲရှိတာပါ။
*Moe Kyaw Thu *

ဟုတ် ပါ့ ဗျာ Custom က လတ် စား ပြီး ထောင် ကျ သွား တဲ့ သ မက် တော် လေး အ ကြောင်း ပါ
http://www.facebook.com/note.php?saved&¬e_id=186503961362441#!/notes/san-maung/-/186503961362441