ကြာသပတေးနေ့၊ 18 ဒီဇင်ဘာလ 2008 သျှမ်းသံတော်ဆင့်
ယာဉ်ထိန်းရဲဦးရေနည်းပါးသော သျှမ်းပြည်အရှေ့ပိုင်းတွင် နအဖကုန်းလမ်းပို့ဆောင်ရေးဌာနမှ မော်တော်ဆိုင် ကယ်လိုင်စင်အသစ် ထုတ်ပေးပြီးနောက်ပိုင်း ယာဉ်တိုက်မှုပိုမိုများပြားလာကြောင်း ထိုင်းနယ်စပ်သတင်း ရပ်ကွက် ကဆိုသည်။
ယခုနှစ်လည်ပိုင်းက မော်တော်ဆိုင်ကယ် လိုင်စင်လက်ခံလုပ်ပေးပြီးနောက်ပိုင်း သျှမ်းအရှေ့တွင် ဆိုင်ကယ် အ စီးရေ အဆမတန်များပြားလာကာ ယာဉ်ထိန်းရဲ ၁၀ ယောက်ကျော်သာရှိသဖြင့် ယာဉ်မောင်းများ ယာဉ်စည်းကမ်း စောင့်ထိန်းမှု အားနည်းခြင်း၊ လမ်းဆုံလမ်းခွ မီးပွိုင့်တပ်ဆင်မှုမရှိခြင်းတို့ကြောင့် ယာဉ်တိုက်မှုနေ့စဉ် ဖြစ်ပွါးလျှက် ရှိကြောင်း
ဒေသခံများ၏ပြောပြချက် အရ သိရပါသည်။
“ကျနော်တို့မြို့မှာ အရင်တုန်းကဆိုရင် ယာဉ်တိုက်မှု တလတခါတောင် ဖြစ်တောင့်ဖြစ်ခဲ၊ အခုဟာ တပတ်တခါ အနည်းဆုံးဘဲ၊ ဆိုင်ကယ်လိုင်စင်ထုတ်ပေးပြီးတဲ့နောက်ပိုင်း ဆိုင်ကယ်အစင်းရေတော်တော်များလာတယ်။ ယာဉ် စည်းကမ်းလမ်းစည်းကမ်း နားမလည်ကြတဲ့ ဆယ်ကျော်သက်တွေ ခရစ်စမတ်စ်/နှစ်သစ်ကာလမှာခြေကျိုးလက် ကျိုး ဆေးရုံရောက် အသက်ပျောက်ကြမှာ မြင်ယောင်ပြီး အရမ်းစိတ်ပူရတယ်ဗျာ”- ဟု လူငယ်တဦး၏ ဖခင် အသက် ၅၀ ကျော် မိုင်းဖြတ်မြို့ခံ အစိုးရ၀န်ထမ်းတဦးက ဆိုပါသည်။
ပြည်သူ့အကျိုး အမှန်တကယ်သယ်ပိုးလိုသည့် ယာဉ်ထိန်းရဲများ တိုးချဲ့ခန့်ထားပေးရန်၊ လာဘ်စားသည့် အခွင့် အရေးသမား ရဲများကို စီစစ်၍ ထိုက်သင့်သောပြစ်ဒဏ်ပေးရန်၊ ဒေသခံဘာသာစာပေ/စကားဖြင့် ယာဉ်စည်းကမ်း၊ လမ်းစည်းကမ်းများဆိုင်ရာ ပညာပေးသင်တန်းများ လက်ကမ်းစာစောင်များဝေငှပေးခြင်းဖြင့် ပြဿများကိုဖြေရှင်း ပေးရန် နိုင်ငံတော်အစိုးရအားတင်ပြလိုကြောင်း၎င်းကဆိုပါသည်။
“ကျိုင်းတုံမြို့ရှိ သျှမ်းရှေ့ပြည်နယ်ရဲဌာနထဲမှာ တကယ့်ယာဉ်ထိန်းရဲ က ၁၆ ယောက်ဘဲရှိတယ်။ အားလုံးက ကျိုင်းတုံမှာဘဲ ထိုင်တယ်။ ကျန်တဲ့မြို့တွေမှာ အရံယာဉ်ထိန်းရဲတွေဘဲ၊ တာချီလိတ်မှာ အရင်က ၆ ယောက်ရှိ တယ်။ တယောက်ထွက်သွားတော့ အခု ၅ ယောက်ဘဲကျန်တယ်။ အဲဒါလဲ အရံယာဉ်ထိန်းရဲဘဲ ”- ကျိုင်းတုံမြို့ ပြည်နယ်ရဲ ရုံးအရာရှိမိသားစုနှင့် ရင်းနှီးသူ အသက် ၄၀ ကျော် ကုန်သည်တဦးက ဆိုပါသည်။
ကျိုင်းတုံမြို့တွင် မော်တော်ဆိုင်ကယ် အစင်းရေ ၃ သောင်းကျော်၊ တာချီလိတ်တွင် ၁ သောင်းကျော် နှင့်အခြား နယ်မြို့တို့တွင် အနည်းဆုံး ဆိုင်ကယ်အစင်းရေထောင်ချီကို ကညနက လိုင်စင်ခွန်လက်ခံဆောင်ရွက် ထားပေး ကြောင်း၊ လိုင်စင်မထုတ်ပေးခင်ရှိသည့် အစင်းရေနှင့်ပေါင်းပါက သိန်းချီရှိကြောင်းသိရ၏။ ယခင်က ကျိုင်းတုံမြို့ တွင်း ပျှမ်းမျှတပတ်တခါသာ ယာဉ်တိုက်မှုဖြစ်ပွါးတတ်သော်လည်း ယခုအခါ အနည်းဆုံးတစ်နေ့တခါဖြစ်ပွါး နေ ကြောင်း၊ လူစည်ကားသော ထိုင်း-မြန်မာနယ်စပ် တာချီလိတ်တွင် တစ်ရက်လျှင် (နေ့နှင့်ည) အနည်းဆုံး ယာဉ် တိုက်မှု ၁ ကြိမ်မှ ၅ ကြိမ်အထိ ဖြစ်လာကြောင်း၎င်းကဆက်လက်ပြောပြ၏။
ယခုနှစ်မေလ မြန်မာပြည်တောင်ဘက်ခြမ်း ဧရာဝတီမြစ်ဝကျွန်းပေါ်ဒေသသို့ နာဂစ်မုန်တိုင်းတိုက်ခတ်ပြီး နောက် ပိုင်း စစ်အစိုးရက နာဂစ်ရံပုံငွေ အကြောင်းပြချက်ဖြင့် ရန်ကုန်မြို့မှလွှဲ၍မြို့တိုင်းနီးပါး မော်တော်ဆိုင်တစီးလျှင် အနည်းဆုံး ကျပ်တစ်သိန်း မှ ၄ သိန်းကျော်အထိကောက်ကာ ဆိုင်ကယ်လိုင်စင်အသစ် ထုတ်ပေးခဲ့သည်။
သို့သော် နိုင်ငံရေးလေ့လာသူများက “၂၀၁၀ ရွေးကောက်ပွဲအတွက် စစ်အစိုးရ ပိုက်ဆံမလုံလောက်လို့ နာဂစ် နာမည်နဲ့ ဆိုင်ကယ်ခွန် ထုတ်ပေးတာလည်းဖြစ်နိုင်တာဘဲ” ဟုလည်း သုံးသပ်ပြောဆိုကြသည်။
Thursday, December 18, 2008
အရှေ့ပိုင်းသျှမ်းပြည် ယာဉ်ထိန်းရဲဦးရေအလွန်နည်း ယာဉ်တိုက်မှုများလာ
Subscribe to:
Post Comments (Atom)
No comments:
Post a Comment