ဘုရားသုံးဆူနယ်စပ်ပြဿနာ သဘောတူညီမှုရရှိ

မင်းထက်အောင် ၊ ကောင်းဝါ ဒုတိယ-ဝါဆို လဆန်း ၁၊ ၁၃၇၂။ ဇူလိုင် ၁၂၊၂၀၁၀။
ယခုရက်ပိုင်းအတွင်းဖြစ်ပေါ်ခဲ့သော ဘုရားသုံးဆူဒေသ ထိုင်းမြန်မာနယ်စပ်အငြင်းပွားမှုပြဿနာ ကိစ္စရပ်များ နှစ်ဖက်သဘောတူညီမှုများရရှိခဲ့ကြသဖြင့် ပြေလည်မှုရရှိခဲ့သည်။

ဘုရားသုံးဆူဒေသ၊ ထိုင်းမြန်မာနှစ်နိုင်ငံနယ်ခြားကော်မတီဥက္ကဌများ တွေ့ဆုံဆွေးနွေးခဲ့ကြပြီး နေ့လည်စာစားပွဲတစ်ရပ်ကို ထိုင်းဒေသစံတော်ချိန် ယမန်နေ့နံနက် (၁၁) နာရီတိတိတွင် ထိုင်းနိုင်ငံ၊ ကန်ချပူရီခရိုင်၊ စံခလပူရီမြို့အနီးရှိ BASINI ENTERPRISE Co.Ltd. ရုံးခန်းအတွင်းနှစ်ရီကြာခန့် ကျင်းပခဲ့ရာ သဘောတူညီမှုရရှိခဲ့ခြင်းဖြစ်ကြောင်း တက်ရောက်ခဲ့သူ ထိုင်းဝန်ထမ်းတစ်ဦး ပြောကြားခဲ့သည်။
ဘုရားသုံးဆူဒေသ၌မြန်မာတို့ကွန်ကရိလမ်းခင်းနေပုံ

“မြန်မာတို့ခင်းထားတဲ့ကွန်ကရိလမ်းကို သူတို့ဆက်ပြီးမလုပ်တော့ဘူး၊ အခုခင်းပြီးတဲ့ကွန်ကရိတွေ ပြန်ဖျက်ဖို့ကိုတော့ ထိုင်းတို့က ငွေကြေးအကုန်အကျခံရမယ်” ဟု အဆိုပါထိုင်းဝန်ထမ်းက ဆက်ပြောသည်။

သို့ရာတွင် မည်သည့်နေ့ရက်တွင် ခင်းကျင်းပြီးသော ကွန်ကရိများ စတင်ဖျက်ဆီးမည်ကို မသိရသေးဟု ဆိုပါသည်။
မြန်မာကုန်သည်တစ်ဦးက “ ကုန်သည်တွေဆီက ငွေကောက်ယူပြီး ဒီလမ်းကိုခင်းခဲ့တာ၊ တကယ်လို့ပြန်ဖျက်မယ်ဆိုရင် အလကားငွေဖြုန်းတီးပစ်တာပဲ” ဟု ပြောသည်။

လမ်းပြင်အလုပ်သမားတစ်ဦးအဆိုအရ ယခုလုပ်လက်စလမ်းကုန်ကျစရိတ်မှာ ထိုင်းဘတ်ငွေသုံးသိန်းကျော်ခန့်ကုန်ကျခဲ့ပြီး ကျပ်ငွေသိန်းတစ်ရာခန့် မြန်မာတို့အဆုံးရှုံးခံရမည် ဖြစ်သည်။
ထို့အတူ မြန်မာတို့ပိတ်ထားသော နယ်စပ်မလွယ်ပေါက်များကိုလည်း ယမန်နေ့တွင် ပုံမှန်ပြန်ဖွင့်ပေးသည့်အတွက် မြန်မာအလုပ်သမားများနှင့် ထိုင်းကုန်စည်ကားများ ယခင်ကဲ့သို့ ပြေးဆွဲနေသည်။

ထိုင်းမြန်မာနယ်စပ် ဘုံဆိုင်မြေ No Man Land ဧရိယာအတွင်း မြန်မာအာဏာပိုင်များ မီတာ ၅၀၀ ခန့်ရှိ ကွန်ကရိလမ်းတစ်ခု ပြုလုပ်ခဲ့သည်ကို ထိုင်းတို့တားမြစ်သဖြင့် မြန်မာဖက်မှ နယ်စပ်မလွယ်ပေါက်များကို ထိုသို့ပိတ်ခဲ့ရခြင်းဖြစ်သည်ဟု သတင်းများတွင် ဖေါ်ပြကြသည်။

သို့သော်လည်း ယခင်လေးနှစ်ကြာပိတ်ထားဆဲ တရားဝင်ကုန်သွယ်ရေးပင်မဂိတ်ကြီးအား ဆက်လက်ပိတ်ထားဆဲဖြစ်သည်။

ထိုင်း-မြန်မာနယ်စပ်တလျောက် တာချီလိတ်မှကော့သောင်းအထိ ကီလိုမီတာ ၂၇၀၀ ကျော်ခန့်ရှည်လျှားစွာ ထိစပ်နေပြီး နယ်ခြားမှတ်တိုင်များ အတိအကျမသတ်မှတ်နိုင်သေးပေ။

နယ်ခြားမှတ်တိုင်မျဉ်းကြောင်းများ သတ်သတ်မှတ်မှတ်မရှိသဖြင့် ထိုင်း-မြန်မာနယ်စပ်တလျှောက် နှစ်နိုင်ငံဒေသအာဏာပိုင်များအကြား နယ်မြေနှင့်ပတ်သက်၍ မကြာခဏအငြင်းပွားမှုများ ဖြစ်ပေါ်နေသည်ကို ကြားသိနေရသည်။
Rest of your post