ဝေဖန်မှုကြောင့် ကြန့်ကြာမှုဖြစ်ရကြောင်း ဦးဥာဏ်ဝင်းက ပြော

ဖနိဒါ | ဗုဒ္ဓဟူးနေ့၊ မေလ ၁၂ ရက် ၂၀၁၀ ခုနှစ် ၁၈ နာရီ ၂၇ မိနစ် .
ချင်းမိုင် (မဇ္ဈိမ) ။ ။ မြန်မာအာဏာပိုင်များနှင့် အမေရိကန်ကိုယ်စားလှယ်များ တိုက်ရိုက် တွေ့ဆုံ ညှိနှိုင်းမှုများ ကြံ့ကြာမှုရှိနေသည်မှာ စစ်အစိုးရ၏ လုပ်ရပ်များကို ဝေဖန်ပုတ်ခတ်မှုများ ပြုလုပ်သောကြောင့် ဖြစ်သည်ဟု နိုင်ငံခြားရေးဝန်ကြီး ဦးဥာဏ်ဝင်းက ပြောသည်။

အိုဘားမားအစိုးရက ယခင်နှစ်နှောင်းပိုင်းက ချမှတ်သည့် ထိတွေ့ဆက်ဆံရေး မူဝါဒအသစ်အရ မြန်မာနိုင်ငံသို့ မေလ ၉ ရက်နှင့် ၁ဝ ရက်နေ့များတွင် သွားရောက်ခဲ့သော အရှေ့အာရှနှင့် ပစိဖိတ်ဒေသရေးရာ အမေရိကန် လက်ထောက် နိုင်ငံခြားရေးဝန်ကြီး မစ္စတာ ကာတ့်ကမ့်ပ်ဘဲလ် (Kurt Campbell) က မြန်မာအာဏာပိုင်များနှင့် တွေ့ဆုံခွင့်ရရန် ညှိနှိုင်းရာတွင် “ခက်ခဲမှုနှင့် ကြံ့ကြာမှု” ရှိကြောင်း ထုတ်ဖော် ပြောဆိုခဲ့သည်ကို ဦးဥာဏ်ဝင်းက တုန့်ပြန်ခြင်းဖြစ်သည်။

“အချို့သော Delegates များအနေဖြင့် မိမိတို့နှင့် တွေ့ဆုံဆွေးနွေးရာတွင် မြန်မာနိုင်ငံ၏ ဆောင်ရွက် မှုများအပေါ် ပြစ်တင်ရှုတ်ချမှု၊ ဝေဖန်ပုတ်ခတ် ပြောဆိုမှုများသာ ပြုလုပ်တတ်ကြကြောင်း၊ ထိုကဲ့သို့ ထပ်တလဲလဲ ပြောလာသော ဧည့်သည်ကို လက်ခံရန် ဝန်လေးသည်မှာ သဘာဝပင် ဖြစ်ကြောင်း၊ အပြုသဘောအမြင်ဖြင့် တွေ့ဆုံမည်ဆိုပါက အခက်အခဲ မရှိနိုင်ကြောင်း” ဦးဥာဏ်ဝင်း၏ ပြောစကားကို ကိုးကား၍ ယနေ့ထုတ် စစ်အစိုးရသတင်းစာများတွင် ဖော်ပြသည်။

မစ္စတာ ကမ့်ပ်ဘဲလ်သည် ယခုလ ၉ ရက်တွင် ပြန်ကြားရေးဝန်ကြီး ဦးကျော်ဆန်းဦးဆောင်သည့် နအဖ ပြောရေးဆိုခွင့် အာဏာပိုင်အဖွဲ့၊ နိုင်ငံခြားရေးဝန်ကြီး၊ သိပ္ပံနှင့် နည်းပညာဝန်ကြီး၊ ရွေးကောက်ပွဲ ကော်မရှင် ဥက္ကဌ၊ အလုပ်သမားဝန်ကြီး၊ ကြံ့ဖွံ့အသင်း အထွေထွေ အတွင်းရေးမှူးတို့နှင့် နေပြည်တော်၌ တွေ့ဆုံပြီး ရွေးကောက်ပွဲဆိုင်ရာများကို ဆွေးနွေးမေးမြန်းမှုများ ပြုလုပ်ခဲ့သည်။

ဝန်ကြီးဦးဥာဏ်ဝင်းက “အချို့သော Delegates များ” ဟုသာဆိုပြီး မည်သူဖြစ်သည်ကို အတိအကျ မပြောသော်လည်း အမေရိကန်သံတမန်ကြီးကိုပင် ရည်ညွှန်းနေသလိုဖြစ်သည်။

မစ္စတာကမ့်ပ်ဘဲလ်က ထိတွေ့ဆက်ဆံရေး လုပ်ငန်းစဉ် အောင်မြင်ရေးအား သံသယဖြစ်လာနေခြင်းကို ဧပြီ ၁၄ ရက်နေ့က ဝါရှင်တန်ရှိ ”မဟာဗျူဟာမြောက် နိုင်ငံတကာလေ့လာရေး သုတေသနဌာန” နှင့် တွေ့ဆုံမေးမြန်းခန်းတွင် ပြောထားသည်။

” တချို့နောက်ဆက်တွဲ သတင်းစကားတွေ ပေးနိုင်လိမ့်မယ်လို့ ကျနော်တို့က ထင်ထားပေမယ့် တစုံလုံးကိုခြုံကြည့်ရင် လုပ်ငန်းစဉ်ရှေ့ကိုဆက်သွားနေဖို့ဆိုတာ (မြန်မာ့) ခေါင်းဆောင်ပိုင်းကလည်း ရွှေ့လျားမှုတချို့ လုပ်တာလိုနေတယ်” ဟု မစ္စတာကမ့်ပ်ဘဲလ်က ပြောခဲ့သည်။

မြန်မာ့နိုင်ငံရေး အကျပ်အတည်းကို ဖြေရှင်းရာတွင် ပါဝင်သင့်သူများအားလုံး တွေ့ဆုံဆွေးနွေးရန် နိုင်ငံတကာက တိုက်တွန်းနေသော်လည်း စစ်အစိုးရက တဘက်သတ် ဆုံးဖြတ်၍ ရွေးကောက်ပွဲ ကျင်းပရန် စီစဉ်နေသဖြင့် ရွေးကောက်ပွဲရလဒ်အား နိုင်ငံတကာက အသိမှတ်ပြုမည်ဟု မဟုတ်ကြောင်း ခရီးစဉ်အပြီး အမေရိကန် ကိုယ်စားလှယ်က သတိပေးလိုက်သည်။

နအဖပြောခွင့်ရ အဖွဲ့ခေါင်းဆောင် ဦးကျော်ဆန်းက အန်အယ်ဒီ ပါတီက “အခြေခံဥပဒေကို ညှိနှိုင်း ပြင်ဆင်ခွင့်” တောင်းဆိုနေခြင်းမှာ မဖြစ်နိုင်ကြောင်း ပြောဆိုလိုက်ပြီး၊ ရွေးကောက်ပွဲ ဥပဒေများကို ထုတ်ပြန်ပြီးဖြစ်သဖြင့် နိုင်ငံရေးပါတီ ၃၆ ခု တည်ထောင်ခွင့် လျှောက်ထားကြရာတွင် တိုင်းရင်းသား များလည်းပါဝင်သဖြင့် ၂ဝ၁ဝ ရွေးကောက်ပွဲသည် တရားဝင်ကြောင်း ဆင်ခြေပေးထားသည်။

ပြည်တွင်း-ပြည်ပ အတိုက်အခံများက ၂ဝဝ၈ ခု ဖွဲ့စည်းပုံတွင် ပါဝင်နေသော စစ်သားအမတ်များကို တပ်မတော်ဦးစီးချုပ်မှ တိုက်ရိုက်ခန့် မည့် ကိစ္စ၊ ဖွဲ့စည်းပုံပြင်ဆင်ရန် ခက်ခဲစေမည့် မဲခွဲစနစ်များကို ထည့်သွင်းထားခြင်း စသည့် အချက်များ ကို ထောက်ပြဝေဖန်နေကြသည်။

မစ္စတာ ကမ့်ပ်ဘဲလ်က အမေရိကန်နိုင်ငံအနေဖြင့် မြန်မာနိုင်ငံနှင့် ဆက်သွယ် ညှိနိုင်းဆောင်ရွက်ရာတွင် နှစ်နိုင်ငံ သံအရာရှိများမှတဆင့် ဆောင်ရွက်လိုကြောင်း ထုတ်ဖော်ပြောဆိုခဲ့သည်ဟု သတင်းစာတွင် ပါရှိသည်။

ဦးဥာဏ်ဝင်းကမူ မြန်မာအနေဖြင့် ဝန်ကြီးဌာနများက ကိုင်တွယ်စိစစ်ပြီးမှ သံရုံးကတဆင့် အကြောင်းပြန်လိုကြောင်း တုံ့ပြန်လိုက်သည်။

အမေရိကန် ကိုယ်စားလှယ်က စိတ်ဝင်စားမှုတခုဖြစ်သောမည်သည့်နေ့ရက်တွင် ရွေးကောက်ပွဲ လုပ်မည်ကို မြန်မာဘက်က တိတိကျကျ ပြောဆိုခြင်းမရှိသလို ရွေးကောက်ပွဲတွင် နိုင်ငံတကာ လေ့လာရေးအဖွဲ့များကို လာရောက်ခွင့်မပြုကြောင်းလည်း တုံ့ပြန်ပြောဆိုလိုက် သည်။

ထို့အပြင် အမေရိကန်၏ စီးပွားရေးပိတ်ဆို့မှု၊ ဗီဇာကန့်သတ်မှုနှင့် ဖိအားပေးမှုများကြောင့် အားနည်းခဲ့ခြင်းဖြစ်သည်ဟု မြန်မာဘက်က အပြစ်ဖို့ ပြောဆိုခဲ့သည်။

(ကိုဝိုင်းတည်းဖြတ်သည်)
http://www.mizzimaburmese.com/news/inside-burma/5364-2010-05-12-12-12-48.html