မြ၀တီ ညဈေးအနီး ဗုံးကွဲ

VOA News သောကြာ, 06 သြဂုတ် 2010

(KIC သတင်းအရ နှစ်ဦးသေ ခုနှစ်ဦးဒဏ်ရာ ရရှိတယ်လို့  သိရပါတယ် တွဲဆက်သတင်း အောက်တွင် ဆက်ဖတ်ပါ)

ဒီကနေ့ည မြန်မာစံတော်ချိန် ၈ နာရီခွဲလောက်မှာ ထိုင်း-မြန်မာ နယ်စပ် မြို့ဝတီမြို့က မြို့တွင်း အဓိက လမ်းမကြီးပေါ်မှာရှိတဲ့ ညဈေးအနား ပြင်းထန်တဲ့ ဗုံးပေါက်ကွဲမှုတခု ဖြစ်ပါတယ်။ ညနေပိုင်းဖွင့်တဲ့ ဈေးဆိုင်တွေကို လာကြတဲ့သူတွေအတွက် ဆိုင်ကယ်နဲ့ စက်ဘီးများအပ်နှံရာ နေရာအနီး ပေါက်ကွဲမှု ဖြစ်ခဲ့တာဖြစ်တယ်လို့ ဒီပေါက်ကွဲမှုကို မျက်မြင်တွေ့ခဲ့သူ မြ၀တီမြို့ခံတဦးက ဗွီအိုအေ မြန်မာပိုင်းကို အခုလို ပြောပြပါတယ်။

“ည ၈ နာရီခွဲလောက်မှာ။ ညဈေးရှေ့၊ ညဈေး ဆိုတာက မြို့လယ်ခေါင်ဈေးပေါ့။ လမ်းမဈေးပေါ့။ ဖောက်ဖောက်ချင်း လူကြီးတွေက ရောက်လာပြီးတော့ လမ်းပိတ်ထားတော့ အနားက မပေးကြည့်ဘူး။ အသံကြီးကတော့ တုန်ခါသွားတာပေါ့။ လူကတော့ ထိတယ်၊ တစစီ ဖြစ်ကုန်တယ်။ မိုင်းကပြင်းတော့ ထိတဲ့သူတွေ အူတစ အသားတစ ဖြစ်ကုန်တယ်။ လူစည်ကားတဲ့နေရာဆိုတော့။”

မြ၀တီမြို့ခံ ပြောပြခဲ့တာပါ။ အခုပေါက်ကွဲမှုဖြစ်ခဲ့တဲ့ ညဈေးဟာ လူစည်ကားတဲ့ နေရာလည်း ဖြစ်ပါတယ်။ ခုချိန်ထိတော့ ဘယ်လောက် သေဆုံးမှုရှိသလဲ ဆိုတာ အတိအကျ မသိရသေးပါဘူး။ အခုပေါက်ကွဲတဲ့နေရာကို ဒေသခံ အာဏာပိုင်တွေ ရောက်နေကြပြီး လမ်းတလျောက် စစ်ဆေးမှုတွေလည်း ပြုလုပ်နေကြသလို အများပြည်သူ သွားရောက်ကြည့်ရှုဖို့ကိုလည်း ပိတ်ပင်ထားတယ်လို့ မြ၀တီမြို့ခံတွေက ပြောပါတယ်။

သြဂုတ်လ ၆ရက်။ ကေအိုင်စီ

ထိုင်း-မြန်မာနယ်စပ် မြ၀တီမြို့တွင် ယနေ့ည မြန်မာစံတော်ချိန် ၈နာရီခွဲခန့်၌ ဗုံးတစ်လုံး ပေါက်ကွဲရာ ၂ဦး ပွဲချင်းပြီး သေဆုံး ကာ ၇ဦး ဒဏ်ရာရှိသွားခဲ့သည်ဟု ကေအိုင်စီက စုံစမ်းသိရှိရသည်။

မြ၀တီမြို့နေ အမျိုးသမီးတစ်ဦးက “ဗုံးပေါက်တယ်လေ။ ဘုရင့်နောင်လမ်းမက ညဈေးဘက်မှာ။ သစ်သီးဆိုင်ရှေ့မှာ ဖြစ်တာ။ ၂ယောက်ကတော့ တစစီ လွှင့်စင်ထွက်သွားတာ ပွဲချင်းပြီးပဲ။ ဆိုင်ကယ်နှစ်စီးတော့ ပျက်စီးသွားတယ်။”ဟု ဆိုသည်။

“ဗုံးကတော့ ပေါက်တာ အတော်ကျယ်တယ်။ ကြည့်ရတာ အတော်ပြင်းမဲ့ပုံပဲ။ မြ၀တီတစ်မြို့လုံး မကြားတဲ့သူ မရှိဘူး။”ဟု ကုန် သည်တစ်ဦးက ပြောသည်။

ဖြစ်ပုံမှာ မြ၀တီမြို့ ဘုရင့်နောင်လမ်းမရှိ မွေးမြူရေးဘဏ်အနီးရှိ သစ်သီးဆိုင်ရှေ့တွင် သစ်သီးဝယ်ရန်လာသည့် ရှမ်းလေးဆို သူတို့လင်မယားသည် ဆိုင်ကယ်ကိုရပ်ခိုက် ၎င်းတို့နောက်နားတွင် ပြောက်ကျားအင်္ကျီဝတ်လူနှင့် အငှားဆိုင်ကယ်သမား ရောက်ရှိလာပြီးမှ ဗုံးထပေါက်ခြင်းဖြစ်သည်ဟု သိရသည်။

ပေါက်ကွဲမှုကြောင့် ပွဲချင်းပြီး သေဆုံးသွားသူနှစ်ဦးအနက် တစ်ဦးမှာ မမှတ်မိနိုင်လောက်အောင် ဖြစ်သွားပြီး ပြောက်ကျားအကျီင်္ ၀တ်ဆင်ထားသူမှာ ကိုယ်အထက်ပိုင်း လွှင့်တက်သွားပြီး အောက်ပိုင်းမှာ တစစီ ဖြစ်သွားသည်ဟု မြင်တွေ့သူများက ပြောသည်။

မြ၀တီဆေးရုံသို့ ရောက်ရှိလာသည့် လူနာ ၇ဦးနှင့် ပတ်သက်၍ နီးစပ်သူတစ်ဦးက ယခုလို ပြောသည်။ “လူနာက ၇ယောက် လေ။ အတွင်းလူနာက ၄ယောက်ရှိတယ်။ ဒဏ်ရာ နည်းနည်းပါးပါးရတဲ့ လူနာ ၃ယောက်ကတော့ ဆေးထည့်ပြီး ပြန်သွားပြီ။” ဟု ဆိုသည်။

ယခု ဗုံးပေါက်ကွဲမှုမှာ မည်သူ့လက်ချက်ဖြစ်မှန်း မသိရသေးသော်လည်း လက်ရှိအချိန်တွင် မြ၀တီမြို့တွင်း၌ အရှေ့တောင် တိုင်း စစ်ဌာနချုပ်တိုင်းမှူး ဗိုလ်မှူးချုပ်သက်နိုင်ဝင်း၊ ဒုတိုင်းမှူး ဗိုလ်မှူးချုပ်ဇော်မင်းနှင့် ကမ်းရိုးတန်းတိုင်းမှူး ဒုဗိုလ်မှူးကြီးခင် ဇော်တို့ ရောက်ရှိနေပြီး နေ့ခင်းကပင် နယ်စပ်ဂိတ်များကို သွားရောက်စစ်ဆေးခဲ့သေးသည်။

Rest of your postRest of your post