Tuesday, 10 August 2010 17:51 မွေခေါဝ်
မိုင်းထားအခြေချစခန်းမှ နအဖစစ်သား တပ်မှထွက်ပြေးကာ စ၀်ယွတ်စစ်လက်အောက်ခံ ထိုင်း-မြန်မာနယ်စပ် လွယ်လမ် အခြေစိုက် တောင်ပိုင်း SSA တပ်ဖွဲ့နှင့် ပူပေါင်းကြောင်း စုံစမ်းသိရှိရသည်။
“ဒီလ ၄ ရက်နေ့က ရောက်လာတာ။ စိုင်းသန်းစိန်လို့ခေါ်တယ်။ သူ့မှာ MA-1 သေနတ် ၁ လက်၊ လက်ပစ်ဗုံး ၁ လုံး၊ ကျည်ကပ် ၃ ကပ်၊ M 14 အမျိုးအစား မြေမြုပ်မိုင်း ၁ လုံးပါလာတယ်” ဟု လွယ်လမ်ပြောရေးဆိုခွင့်ရှိသူတစ်ဦးက ပြောပြပါသည်။
တပ်ပြေးစိုင်းသန်းစိန်က “တပ်ထဲမှာ တရားမျှတမှုမရှိဘူး။ တပ်မှူးကအနိုင်ကျင့်တယ်။ တိုင်းရင်းသားဆိုရင် အလုပ်ပိုခိုင်းတယ်။ ကင်းစောင့်တာဝန်မကျလဲ သူတို့အစားစောင့်ပေးရတယ်။ မစောင့်ပေးရင် နရင်းအုပ်တယ်။ အခုနားတစ်ဖက်ကောင်းကောင်း မကြားရတော့ဘူး” ဟု ပြောပြပါသည်။
နအဖစစ်သား
နအဖစစ်သား
တာချီလိတ်အခြေစိုက် ခမရ ၅၂၉ မှ မိုင်းထားအခြေချတပ်စခန်း၌ ပအိုဝ်းအမျိုးသား စစ်သားတစ်ယောက်လည်း ထိုကဲ့သို့အနိုင်ကျင့်ခံနေရကြောင်း၊ မတ်လ၌ ကွန်ဟိန်းမြို့နယ်သို့ လိမ္မော်သီးသွားရောက်ရောင်းစဉ် လမ်းတ၀က်၌ နအဖစစ်သားများ ပေါ်တာဖမ်းသွားရာမှ အတင်းအဓမ္မစစ်သားလုပ်ခိုင်းကြောင်းကို ၎င်းကဤကဲ့သို့ဆက်လက်ပြောပြပါ သည်။
“ပြီးခဲ့တဲ့ လိမ္မော်သီးရာသီက ကွန်ဟိန်းမြို့နယ်ဘက်သို့ သွားရောင်းရင်းနဲ့ အဓမ္မပေါ်တာထမ်းသမားအဖြစ် ဆွဲခေါ် ခံရတယ်။ နောက်တော့ပေးမပြန်တော့ဘဲ စစ်သားအဖြစ်အတင်းအကြပ်အကောက်ခံရတယ်။ သုံးလစစ်သင်တန်း တက်ပြီး မိုင်းတော့-မိုင်းထားဘက် လာရောက်တာဝန်ထမ်းဆောင်ရတယ်”
အသက် ၂၆ နှစ်ရှိ စိုင်းသန်းစိန်သည် သျှမ်းပြည်တောင်ပိုင်း လဲချားဇာတိဖြစ်၏။ နအဖစစ်သားမဖြစ်မှီအထိ လိမ္မော်သီး ကုန်သည်ဖြစ်၏။
အမည်မဖော်လိုသည့် ထိုင်းနယ်စပ်လုံခြုံရေးအရာရှိတစ်ဦးက အဆိုပါဒေသမှ နအဖစစ်သားမက အမှတ် ၁၇၁ စစ်ဒေသ ၀ တပ်ဖွဲ့မှ စစ်သားများလည်း ထွက်ပြေးကြောင်း၊ ဂျူလိုင်လအတွင်း ထိုင်းနိုင်ငံသို့ ထွက်ပြေးသည့် ၀ တပ်သား ၂ ဦး၊ ယခုလတွင် ၄ ဦး ဖမ်းဆီးမိကြောင်း သျှမ်းသံတော်ဆင့်သို့ ပြောပြပါသည်။Rest of your post
Tuesday, August 10, 2010
သျှမ်းလူမျိုး နအဖစစ်သား တပ်မှထွက်ပြေး တောင်ပိုင်း SSA တပ်ဖွဲ့နှင့်ပူးပေါင်း
Subscribe to:
Post Comments (Atom)
No comments:
Post a Comment