မဲပေးသူနည်းသည့် ရွေးကောက်ပွဲပေါ်သံသယပိုလာ

မဇ္ဈိမသတင်းဌာန | ဗုဒ္ဓဟူးနေ့၊ နိုဝင်ဘာလ ၁၀ ရက် ၂၀၁၀ ခုနှစ် ၂၃ နာရီ ၁၃ မိနစ်

ချင်းမိုင် (မဇ္ဈိမ) - ၂ဝ၁ဝ မြန်မာရွေးကောက်ပွဲ၏ ထူးခြားချက်မှာ ပါတီများ အကြောင်းနှင့် ရွေးကောက်ပွဲ မူဝါဒများအကြောင်း လူတွေသိပ်မသိကြခြင်း ဖြစ်သည်။

ဆန္ဒမဲပေးခွင့်ရှိသူ ၄,ဝဝဝ ကျော်ကို မေးမြန်းခဲ့သော မဇ္ဈိမ စစ်တမ်းအရ စီးပွားရေးလုပ်ငန်းရှင်များ၊ အလုပ်သမားများနှင့် ဘာသာရေးအသိုင်းအဝိုင်းမှ ပုဂ္ဂိုလ်များက ပါတီများနှင့် ကိုယ်စားလှယ်များအကြောင်း ၅ဝ ရာနှုန်း ကျော်သိသည်ဟု ပြောဆိုကြသည်။ ဘာသာရေး အုပ်စုက ဖြေဆိုသူ အရေအတွက်မှာ မပြောပလောက်ပါ။ မည်သည့်အုပ်စုကမှ ၆၃ ရာနှုန်းကျော် နားလည်သည် မပြောကြပေ။

သို့သော် ကိုယ်စားလှယ်များ၏ မူဝါဒများအကြောင်း သိနားလည်မှုမှာ ထိုကိုယ်စားလှယ်များ အကြောင်းသိရှိခြင်းထက်ပင် နည်းသေးသည်။ မဲဆွယ် မှုအများဆုံးလုပ်ခဲ့သော၊ ဖြေဆိုသူ အများဆုံး နေထိုင်သော ရန်ကုန်လို နေရာမှာပင် ထိုသို့သိနားလည်မှု ခေါင်းပါးကြောင်း ပြနေသည်။

ထိပ်ဆုံးက ပြေးနေသော ပါတီနှစ်ခုဖြစ်သည့် NDF နှင့် ပြည်ထောင်စုကြံ့ခိုင်ရေး နှင့်ဖွံ့ဖြိုးရေးပါတီ (USDP) တို့အနက် အန်ဒီအက်ဖ်ကို ပုဂ္ဂလိကနှင့်နိုင်ငံတကာအန်ဂျီ အိုဝန်ထမ်းများ၊ မှီခိုများ၊ နှင့် အခြားပုဂ္ဂိုလ်များ က ထောက်ခံမှုပိုများကြောင်း တွေ့ ရသည်။

ပုဂ္ဂလိကကဏ္ဍမှ ဖြေဆိုသူ လုပ်သား ၁၉၅ ဦးအနက် ၉၈ ဦးက NDF ကို ထောက်ခံသည် ဆိုသည်။ နိုင်ငံတကာ အန်ဂျီအိုဝန်ထမ်း ဖြေဆိုသူ ၁၂၃ ဦးအနက် ၈၇ ဦး သို့မဟုတ် ၇ဝ ရာနှုန်း ကျော်က ထို အမျိုးသားဒီမိုကရေစီအဖွဲ့ချုပ်မှ ပဲ့ထွက် လာသော ခွဲထွက် NDF အဖွဲ့ကို ထောက်ခံမဲပေးမည် ပြောသည်။

ကြံ့ခိုင်ရေးပါတီကမူ သူတို့ကို အများဆုံး မဲပေးမည့်သူမှာ အစိုးရဝန်ထမ်းများ၊ ပင်စင်စားများ၊ ပျံကျလုပ်သားများ နှင့် အလုပ်လက်မဲ့များဟု သိထားသည်။ သို့သော် အစိုးရ ဝန်ထမ်းနှင့် အလုပ်လက်မဲ့များသာ ထောက်ခံမဲရရန် စိတ်ချရသည့်အုပ်စုနှစ်ခု ဖြစ်သည်။

ဖြေဆိုသူ အစိုးရဝန်ထမ်း ၁၄၅ ဦးအနက် ၆၅ ရာနှုန်း က ကြံ့ခိုင်ရေးကိုယ်စားလှယ်လောင်းများ ကို ထောက်ခံမဲပေးမည် ပြောခဲ့သည်။ ဤပါတီသည် လက်ရှိမြန်မာစစ်အစိုးရ၏ အရပ်သားမျက်နှာဖုံးစွပ်ထားသော ကိုယ်ပွားပါတီသာဖြစ်သည်ဟု အများကယုံကြည်နေကြသည်။ မဲဝယ်သည်ဟု ကျယ်ကျယ်ပြန့်ပြန့်စွပ်စွဲခံနေရသည့် ကြံ့ခိုင်ရေးပါတီ လာဘ်ထိုးမှုကို တောင့်ခံနိုင်စွမ်းမရှိဟု ယူဆရသည့် အလုပ်လက်မဲ့ဖြေဆိုသူ တဝက်နီးပါးက အဆိုပါ စစ်အစိုးရပါတီကိုထောက်ခံမည်ဟု ထုတ်ဖော်ပြောကြသည်။

အတိုက်အခံဘက်က အမာခံများဖြစ်ကြသော နိုင်ငံရေးသမားများ၊ ကျောင်းသားများ တို့ကြား မဲပေးရေးနှင့်ပတ်သက်၍ အမျိုးကွဲပြားနေကြကြောင်း စိတ်ဝင်စားဖွယ်တွေ့ ရှိရသည်။ ဖြေဆိုသူ ၁၄၁ ဦးအနက် သုံးပုံတပုံမပြည့်သော ၄၃ ဦးက တသီးပုဂ္ဂလ အမတ်လောင်းများကို မဲပေးမည်ဆိုကြသည်။ စစ်အစိုးရ၏ကြံ့ခိုင်ရေးကို ထောက်ခံမည့်သူမှာ NDF ကို မဲပေးမည့်သူထက် နှစ်ဆ ရှိသည်။ ကျောင်းသား ၂၄ ဦးက ကြံ့ဖွတ်ကိုမဲပေးမည်ဟုဖြေသည်။

သို့သော် အဆိုပါကျောင်းသားများမှာ အမျိုးသားဒီမိုကရေစီ အဖွဲ့ချုပ်က တောင်းဆို ထားသော မဲမပေးရေးကို လိုက်နာမည့်သူများ ဖြစ်ဖွယ်ရှိသည်။ ဒီချုပ်ခေါင်း ဆောင်များ၏ အပြင်းအထန်ဝေဖန်ခြင်းကိုခံနေရသော ဒီချုပ်ခွဲထွက် အဖွဲ့ NDF ကို ထောက်ခံသည်ထက် ဒေါ်အောင်ဆန်းစုကြည်၏ ခေါင်းဆောင်မှုနောက်ကို လိုက်ရန် ပိုလိုလားကြသည်။

၅၉ ရာနှုန်းသော လယ်သမား အဖြေရှင်များက ကိုယ်စားလှယ်လောင်းများ၏ မူဝါ ဒများကို သိနားလည်ကြောင်းဖြေဆိုကြသည်။ ဤသို့ ဝင်စားမှုများခြင်းက ၄င်းတို့ ဆင်းရဲကြပ်တည်းမှုကြောင့် နိုင်ငံရေးအပြောင်းအလဲတွင် လူမှုရေးနှင့် ဖွံ့ဖြိုးရေး ပြောင်းလဲမှုကိုလိုလားနေကြသောကြောင့်ဖြစ်သည်။

ကျောင်းသားနှင့် စီးပွားရေးလုပ်ငန်းရှင်များမှအပ ကျန်ဖြေဆိုသူအုပ်စုအားလုံးအတွက် ကိုယ်စားလှယ်လောင်းများနှင့် တိုက်ရိုက်ထိတွေ့မှုရခြင်းကသာ သူတို့ဘို့ အထိရောက်ဆုံးဖြစ်နေသည်။ သတင်းအချက်အလက်ဖြန့်ဖြူးရာတွင် လက်ကမ်းကြော်ငြာများသည် အထိရောက်ဆုံးဖြစ်ကြောင်း တွေ့ရသည်။

စီးပွားရေးလုပ်ငန်းရှင် ၂၇၉ ဦးအနက် ၁၃၇ ဦးက လူချင်းသိကျွမ်းရင်းနှီးမှုနှင့် အလုပ်အကိုင်ချင်း နီးစပ် ဆက်စပ်မှုတို့ကြောင့် တသီးပုဂ္ဂလကိုယ်စားလှယ်လောင်းများ ကို မဲပေးမည် ဖြေဆိုကြသည်။

မကြာခင်နှစ်များက မီဒီယာလုပ်ငန်းသိသိသာသာတိုးတက်လာသော်လည်း လက်ကမ်းကြော်ငြာစာရွက်များကို အားကိုးနေရခြင်း၊ ကိုယ်စားလှယ်လောင်းများနှင့် တိုက်ရိုက်ထိတွေ့ခြင်းတို့က နည်းပညာတိုးတက်မှု ချို့တဲ့ပြီး သတင်းလွတ်လပ်ခွင့်မရှိသော မြန်မာ့နိုင်ငံရေးလောက၏ စီးပွားရေး သင်္ကေတဖြစ်နေတော့သည်။Rest of your post