လော်စပီကာ သံတမန်ရေးနှင့် ဥပဒေနည်းကျ အုပ်ချုပ်ရေး

http://www.irrawaddy.org/bur/Articles2008/September/02.html


ရဲနည် | စက်တင်ဘာ ၃၊ ၂၀၀၈


ဒေါ်အောင်ဆန်းစုကြည်က ကုလသမဂ္ဂ အထူသံကိုယ်စားလှယ် မစ္စတာ အီဗရာဟင် ဂမ်ဘာရီနှင့် တွေ့ဆုံရန် ငြင်းပယ်ခဲ့ပြီး အပတ်စဉ် သူ့ထံပို့ပေးနေရသည့် အစားအသောက်များကိုလည်း လက်ခံရန်ငြင်းပယ်ကာ ဆက်လက် အသံတိတ်ဆန္ဒပြပွဲ ဆင်နေသည်ဟု အတည်မပြုနိုင်သည့် သတင်းများ ကြားလာရသည်။ ဒေါ်စုက မည်သည့်ရည်ရွယ်ချက်ဖြင့် ဤသို့ပြုမူ နေပါသနည်းဟု မေးခွန်းများဖြစ်လာရသလို၊ သူ၏ ကျန်းမာရေးအတွက်လည်း စိုးရိမ်ပူပန်မှု ရှိလာကြသည်။

အမျိုးသားဒီမိုကရေစီ အဖွဲ့ချုပ် (NLD) ၏ ခေါင်းဆောင်များက ဧရာဝတီမဂ္ဂဇင်းသို့ ပြောကြားရာတွင် ယခု နောက်ဆုံး ဒေါ်အောင်ဆန်းစုကြည် ဆောင်ရွက်နေသည့် ငြင်းဆန်အာခံမှုသည် သူ့ကို ဆက်လက်ဖမ်းဆီးထားခြင်း၊ သူ့ကို ဝေယျာဝစ္စ ကူညီပေးနေသည့် သူများအပေါ် အာဏာပိုင်များက ဖိနှိပ်ချုပ်ချယ်မှု ပြုနေသည်ကို မကျေနပ်၍ ဖြစ်ဖွယ်ရှိသည်ဟု ပြောလာ ခဲ့သည်။ သူ၏ ကိုယ်ရေးကိစ္စ ဆောင်ရွက်ပေးနေသူများသည် မည်သည့်စွပ်စွဲချက်များနှင့်မျှ အရေးယူခံထားရခြင်း မရှိကြ သော်လည်း အာဏာပိုင်များက အထူးကန့် သတ်ချုပ်ချယ်မှုများ ပြုထားကြသည်။

ဒေါ်အောင်ဆန်းစုကြည်ကို လွန်ခဲ့သည့်မေလက နေအိမ် အကျယ်ချုပ်သက်တမ်းကို အာဏာပိုင်များက တနှစ်ထပ်မံ တိုးလိုက်ပြန်သည်။ ဒေါ်စုက ၂၀၀၃ ခုနှစ် မေလ ဒီပဲယင်း သွေးထွက်သံယို တိုက်ခိုက်လုပ်ကြံမှုအပြီး ကာလမှစ၍ ဖမ်းဆီးထိန်းသိမ်း ခံခဲ့ရခြင်းဖြစ်ပြီး နိုင်ငံတကာက သူ့ကို လွှတ်ပေးရန် မြန်မာစစ်ဗိုလ်ချုပ်များထံ တောင်းဆိုနေကြသည့် ကြားမှ၊ အကျယ်ချုပ်သက်တမ်းကို ထပ်မံမတိုးရန် မေတ္တာရပ်ခံနေသည့်ကြားမှ ဤသို့ ထပ်တိုး၍ ထိန်းသိမ်းထားခဲ့ခြင်း ဖြစ်သည်။

ဒီ/ချုပ်ကမူ ဒေါ်စုကို ဆက်လက်ထိန်းသိမ်းထားခြင်းသည် ဥပဒေကြောင်းအရ မညီကြောင်းနှင့် သူ့ကို ဆက်လက် ထိန်းသိမ်းထားသည့်အပေါ် အယူခံမှုကို လက်ခံပါရန် စစ်အစိုးရထံသို့ တောင်းဆိုနေခဲ့သည်။ ဒေါ်စုက မစ္စတာဂမ်ဘာရီ မြန်မာနိုင်ငံသို့ မလာမီကာလလေးတွင်ပင် ဒေါ်စုက သူ့ရှေ့နေနှင့် တွေ့ဆုံနိုင်ခဲ့ပြီး သူ့ကိုထိန်းသိမ်းထားသည့် အမှုကြောင်း အပေါ်လည်း ဆွေးနွေးတိုင်ပင်ခဲ့သေးသည်။

ဒေါ်စုက ကုလသမဂ္ဂ အထူးသံကိုယ်စားလှယ်နှင့် တွေ့ဆုံရန် ငြင်းဆန်ပြီးခဲ့သည့်နောက်ပိုင်း သူ့ကို တင်းကျပ်စွာ ချုပ်ချယ် ခံထားရသည့် အခြေအနေ၊ လွတ်လပ်ခွင့် ဆုံးရှုံးနေရသည့် အခြေအနေကို မီးမောင်းထိုး ပြသနိုင်ခဲ့သည်ဟု ဒီ/ချုပ်မှ သူ၏ ရှေ့နေက ပြောပြသည်။ ပုံမှန်အခြေအနေတွင် ဒေါ်အောင်ဆန်းစုကြည်ကို နေအိမ်မှ ထွက်ခွါသွားလာရန် ပိတ်ပင်ထားပြီး၊ နိုင်ငံရပ်ခြားသံများနှင့် တွေ့ဆုံခွင့်ကိုလည်း ပိတ်ပင်တားမြစ်ထားခဲ့သည်။

စစ်အစိုးရက ချမှတ်ထားသည့် ဥပဒေများကိုလည်း အလွယ်တကူပင် လျစ်လျူရှုထား နေခဲ့သည်။ ဒီ/ချုပ်အဖွဲ့၏ ရှေ့နေက ပြောရာတွင် ကုလသမဂ္ဂ ၀န်ထမ်းများနှင့် စစ်အစိုးရ၏ ၀န်ထမ်းများက ဒေါ်အောင်ဆန်းစုကြည်၏ အိမ်ရှေ့တွင် လော်စပီကာ အော်၍ ထွက်တွေ့ရန် ပြောဆိုတိုက်တွန်းခြင်းသည် စစ်အစိုးရက ချမှတ်ထားသည့် “ချုပ်ချယ်ထားမှုများကို ဆန့်ကျင်ချိုး ဖောက်ရန် အတင်းအကျပ်တိုက်တွန်းမှု” ပင် ဖြစ်သည် ဟု မှတ်ချက်ပေးခဲ့သည်။

ဤအနေအထား အတိုင်းဆိုလျှင် ဒေါ်အောင်ဆန်းစုကြည်က မစ္စတာဂမ်ဘာရီနှင့် မတွေ့ဆုံဘဲ နေခဲ့ခြင်းသည် လုံးဝ တရား မျှတနေသည်။ ပြောရမည်ဆိုလျှင် မစ္စတာဂမ်ဘာရီသည် ဒေါ်စုလွတ်မြောက်ရေးအတွက် ဆောင်ရွက်ပေးရမည့်သူ ဖြစ်သင့်ပြီး၊ သူ့ကို ဆက်လက်ချုပ်ချယ်ထားရန် စစ်အစိုးရကို အကြောင်းပြချက်ရစေမည့် အပြုအမူကို ပြုမူရန် တိုက်တွန်းသူ မဖြစ်သင့်ပေ။

ကုလသမဂ္ဂ လုံခြုံရေးကောင်စီက ဒေါ်အောင်ဆန်းစုကြည် လွတ်မြောက်ရေးသည် မြန်မာနိုင်ငံတွင် နိုင်ငံရေး ဆွေးနွေး ညှိနှိုင်းမှုများ စတင်ရေးနှင့် အမျိုးသားပြန်လည်သင့်မြတ်ရေးအတွက် ပထမအဆင့်ဖြစ်သည်ဟု ထုတ်ဖော်ပြောကြားခဲ့ပြီး ဖြစ်သည်။ သို့သော်လည်း ကမ္ဘာ့ဦးဆောင်အဖွဲ့ကြီး ကုလသမဂ္ဂက မြန်မာ့အရေးကြိုးပမ်းချက်တွင် မစွမ်းနိုင်ဖြစ်နေရပုံက တဖြည်းဖြည်း ထင်ရှားလာနေသည်။ ကုလသမဂ္ဂက နိုင်ငံရေးအကျဉ်းသား ၂,၀၀၀ ကျော် လွတ်မြောက်ရေးအတွက် မဆောင်ရွက်နိုင်ရုံမျှမက ပြီးခဲ့သည့် မေလက ကျင်းပခဲ့သည့် ဆန္ဒခံယူပွဲတွင်လည်း “လွတ်လပ်၊ တရားမျှတသည့်” ကျင့်ထုံးများအတိုင်း ဆောင်ရွက်စေရန် စစ်အစိုးရကို တိုက်တွန်းနားချခြင်း မပြုနိုင်ခဲ့ပါ။ စစ်အစိုးရက သူထင်သလိုသာ စိတ်ကြိုက်ပြုမူနေခဲ့သည်။

ပြောရမည်ဆိုလျှင် ကုလသမဂ္ဂ အဖွဲ့ကြီးကိုလည်း စစ်အစိုးရကဲ့သို့ပင် ကိုယ်ချမှတ်ထားသည့် စည်းမျဉ်းဥပဒေများကို ကိုယ်ကိုယ်တိုင် လိုက်နာကျင့်သုံးပါရန် တိုက်တွန်းရတော့မည့်ဟန် ဖြစ်နေသည်။

မြန်မာနိုင်ငံရှိ နိုင်ငံရေးတက်ကြွ လှုပ်ရှားသူများမှာ မတရားဖမ်းဆီး ထိန်းသိမ်းထားခြင်း ခံရသည်မှာ ကြာမြင့်နေပြီ ဖြစ်သည်။ ကုလသမဂ္ဂက ဤသို့ အရုပ်ဆိုးအကျည်းတန်လှသည့် အခြေအနေကိုလည်း မည်သို့မျှ တိုးတက်မှုရရှိအောင် မစွမ်းသာခဲ့။ နီးစပ်သူ မိသားစုဝင်များ၏ အဆိုအရ ယခုအခါ ထိန်းသိမ်းခံထားရသူ ၈၈ မျိုးဆက်ကျောင်းသား ခေါင်းဆောင်များက သူတို့ကို လူအများရှေ့တွင် တရားဝင် တရားခုံရုံးတင်စစ်ဆေးရန်၊ အကျဉ်းထောင်တွင်း ဥပဒေများအရ သူတို့၏အခွင့်အရေး များ ခံစားခွင့်ရရှိစေရန် တောင်းဆိုနေကြသည်ဟု ကြားသိနေရသည်။

သို့သော်လည်း မစ္စတာ ဂမ်ဘာရီ၏ နောက်ဆုံးခရီးစဉ်တွင် လက်ရှိ မြန်မာနိုင်ငံအတွင်း နိုင်ငံရေးလွတ်လပ်ခွင့်များ ဆိတ်သုဉ်းနေမှု၊ ဥပဒေအတိုင်း စီမံအုပ်ချုပ်မှု ကင်းမဲ့နေမှုတို့ကို အလေးထား ပြောဆိုကိုင်တွယ်ရန် ပျက်ကွက်ခဲ့သည်။ ထိုမျှမက စစ်အစိုးရနှင့် အတိုက်အခံအဖွဲ့များအကြား တွေ့ဆုံညှိနှိုင်းမှုများ ဖြစ်ပေါ်လာစေရန် ဆောင်ရွက်ရမည့် သူ့အပေါ် တာဝန်ပေးအပ်ချက်ကို မေ့လျော့ထားခဲ့ပြီး၊ စစ်အစိုးရ အလိုကျ ပြုမူဆောင်ရွက်နေခဲ့သည်။ စစ်အစိုးရ ကျင်းပမည့် ၂၀၁၀ ခုနှစ် ရွေးကောက်ပွဲများကို ကူညီပေးရန်ပင် ကမ်းလှမ်းခဲ့သေးသည်။

မစ္စတာဂမ်ဘာရီက ယခုအချိန်တိုင် ယခုခရီးစဉ်နှင့် ပတ်သက်၍ မည်သည့်အောင်မြင်မှု ရရှိသည်ဟု ထုတ်ဖော်ပြောဆို သည်ကို မကြားကြရသေးပါ။ အကြောင်းမှာ မည်သည့်အောင်မြင်မှုမျှ မရရှိခဲ့သောကြောင့်လည်း ဖြစ်သည်။ ယခုအချိန်သည် ကုလသမဂ္ဂနှင့် တရုတ်၊ အိန္ဒိယ၊ အရှေ့တောင်အာရှ နိုင်ငံများအဖွဲ့ (အာဆီယံ) တို့က မြန်မာနိုင်ငံအတွင်း ရှေ့မတိုး နောက်မဆုတ်သာဖြစ်နေသည့် အခြေအနေများကို မည်သို့ကျော်လွှား ဆောင်ရွက်နိုင်မည်ကို ပွင့်လင်းရိုးသားစွာနှင့် တွန်းတွန်း တိုက်တိုက် ပြောဆိုဆောင်ရွက်ကြရတော့မည့် အချိန်ဖြစ်ပါသည်။

ယခုအချိန်သည် ကုလသမဂ္ဂနှင့် ၎င်း၏ “မြန်မာ့မိတ်ဆွေနိုင်ငံများအဖွဲ့” တို့က စစ်အစိုးရ၏ ထိပ်သီးခေါင်းဆောင် ဗိုလ်ချုပ် မှူးကြီးသန်းရွှေကို သူ၏ နေပြည်တော်ဝပ်ကျင်းမှ ထွက်လာ၍ ဒေါ်အောင်ဆန်းစုကြည်နှင့် တွေ့ဆုံဆွေးနွေးပါရန် တောင်း ဆိုကြရတော့မည့်အချိန် ဖြစ်ပါသည်။ ဤသို့ဆိုလျှင် ယခုအချိန်သည် လော်စပီကာ အမှန်တကယ် သုံးရတော့မည့်အချိန် ဖြစ်ပါတော့သည်။ ။

ရဲနည်ရေးသားသည့် Loudspeaker Diplomacy vs. the Rule of Law ကို ဆီလျော်အောင်ပြန်ဆိုဖော်ပြပါသည်။


Rest of your post