မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စတာ သောမတ်စ် အိုဟေး ကင်တားနား (Tomas Ojea Quintana) ဟာ မြန်မာ့ လူ့အခွင့်ရေး ဆိုင်ရာ အခြေအနေများကိုလေ့လာဖို့ အတွက် ယနေ့ နံနက်ပိုင်းက လေယာဉ်နဲ့ ရန်ကုန်လေဆိပ်ကို ရောက်ရှိလာခဲ့ပါတယ်။
မစ္စတာ သောမတ်စ် အိုဟေး ကင်တားနား ဟာ ပထမအကြိမ်အဖြစ် ၂၀၀၈ခုနှစ် သြဂုတ်လက တကြိမ်နဲ့ ၊ ၂၀၀၉ခုနှစ် ဖေဖေါ်ဝါရီလ ၁၉ရက်နေ့မှာ တကြိမ် မြန်မာနိုင်ငံကို လာရောက်ခဲ့ဖူးပြီး အခုအကြိမ်ဟာ သူ့ရဲ့ တတိယမြောက် ခရီးစဉ်လဲဖြစ်ပါတယ်။
သူအနေနဲ့ မြန်မာနိုင်ငံကို တတိယအကြိမ် မလာရောက်ခင် ကတည်းက စစ်အစိုးရ အာဏာပိုင်တွေကို ၁၉၈၈ခုနှစ် မြန်မာနိုင်ငံကို စတင်ခြေချပြီးတဲ့ အချိန်က စလို့ ၂၁နှစ်အတွင်းမှာ ၁၄နှစ်ကျော် အကျဉ်းကျ ခံနေခဲ့ရတဲ့ လက်ရှိ နေအိမ်အကျယ်ချုပ် ကျခံနေရသူနဲ့ ကမ္ဘာမှာ လူသိအများဆုံး နိုင်ငံရေး အကျဉ်းသား တဦးဖြစ်သူ ဒေါ်အောင်ဆန်းစုကြည်နဲ့ တွေ့ဆုံခွင့်ရချင်ပါတယ်လို့ ကြိုတင် မေတ္တာရပ်ခံ ထားခဲ့ပါတယ်။
ကုလသမဂ္ဂရဲ့ အရာရှိတွေ ပြောပြတာကတော့ ယခုအချိန်အထိ သူဟာ ထိန်းသိမ်းခံနေရတဲ့ အတိုက်အခံ ဒီမိုက်ရေစီ ခေါင်းဆောင် ဒေါ်အောင်ဆန်းစုကြည်နဲ့ တွေ့ခွင့်ရမယ် မရဘူးဆိုတာနဲ့ ပါတ်သက်ပြီး စစ်တပ် ဗိုလ်ချုပ်ကြီးများ ထံက တစုံတရာ ပြန်ကြားချက် မရရှိသေးဘူးလို့ သိရပါတယ်။
ဒါပေမယ့်လို့ သူအနေနဲ့ ဒေါ်အောင်ဆန်းစုကြည်ကို အကျယ်ချုပ်ဖေါက်ဖျက်မူနဲ့ စွပ်စွဲပြီး တရားစွဲဆို စဉ်ကတည်း ကစပြီး သူမရဲ့ ရှေ့နေအဖြစ်ဆောင်ရွက်ခဲ့သူများဖြစ်တဲ့ ဦးကြည်ဝင်း၊ ဦးဥာဏ်ဝင်း၊ ဦးလှမျိုးမြင့်နဲ့ ဒေါ်ခင်ဌေးကြွယ် တို့ကိုတော့ ယနေ့ နေခင်းပိုင်းမှာ မြရ်ိပ်ညိုဟိုတယ်မှာ ဒီနေ့ နေ့ခင်းပိုင်းက တွေ့ဆုံခွင့် ရခဲ့တယ်လို့ သိရပါတယ်။
အဲဒီတွေ့ဆုံဆွေးနွေးမူ အပြီးမှာ မစ္စတာ သောမတ်စ် အိုဟေး ကင်တားနား ဟာရခိုင်ပြည်နယ်၊ စစ်တွေမြို့ကို ညနေပိုင်းမှာ လေယာဉ်နဲ့ သွားရောက်ပြီးတော့ မြန်မာ-ဘင်္ဂလားဒေရှ့် နယ်စပ်ဒေသမှာရှိတဲ့ လူ့အခွင့်အရေး အခြေအနေများကို သွားရောက်လေ့လာ လိမ့်မယ်လို့လဲ သိရပါတယ်။
တချိန်ထဲမှာပဲ ပြီးခဲ့တဲ့ တနင်္ဂနွေနေ့ ညနေပိုင်းကမှ လွတ်မြောက်လာခဲ့တဲ့ NLD ဒုဥက္ကဌ ဗိုလ်ချုပ်ကြီးဟောင်း သူရ ဦးတင်ဦးဟာ ယနေ့ တနလာင်္နေ့ နံနက်ပိုင်းက စပြီး NLD ရဲ့ ဗဟိုဌာနချုပ်မှာ သူ့ရဲ့ တာဝန် ဝတ္တရားတွေကို စတင်ထမ်းဆောင်ခဲ့ပါတယ်။
ဦးတင်ဦးက NLD ပါတီရဲ့ ကိုယ်စား ပြောပြခဲ့တာကတော့ သူတို့ပါတီ အနေနဲ့ ကုလသမဂ္ဂ လူ့အခွင့်အရေး အထူး ကိုယ်စားလှယ် မြန်မာနိုင်ငံကို လာရောက်တဲ့ ကိစ္စအပေါ် လှိုက်လှိုက်လှဲလှဲ ကြိုဆိုလိုက်ပြီး မစ္စတာ သောမတ်စ် အိုဟေး ကင်တားနား ဟာ အနေနဲ့ မြန်မာနိုင်ငံအတွက် ပိုမိုကောင်းမွန်တဲ့ ဖြစ်ပေါ်တိုးတက် ပြောင်းလဲမှုတွေကို ဖေါ်ဆောင်ပေးနိုင်မယ်လို့ ယုံကြည်ကြောင်း ပြောပြခဲ့သလို သူ့အနေနှင့် ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့် တွေ့ခွင့်ရရေး အတွက် စစ်အာဏာပိုင်များထံတောင်းဆို သွားမည်ဟု ပြောဆို သွားခဲ့ပါသည်။
ပြည်တွင်းသတင်းထောက် (ရွှေဝါရောင် သတင်းလွှာ )
Monday, February 15, 2010
ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စတာ သောမတ်စ် အိုဟေး ကင်တားနား (Tomas Ojea Quintana) မြန်မာနိုင်ငံသို့ရောက်ရှိ
Subscribe to:
Post Comments (Atom)
No comments:
Post a Comment