ရှမ်းပြည်နယ် မြောက်ပိုင်း တွင် နှစ် ၅၀၀ ခန့် ရှိ ကျိုက်ထီးရိုး ပုံစံ စေတီ တစ်ဆူ တွေ့ရှိ

မွန်ပြည်နယ် ကျိုက်ထိုမြို့တွင် တည်ရှိသည့် ကမ္ဘာကျော် ကျိုက်ထီးရိုး စေတီ ကဲ့သို့ ကျောက်တုံး နှစ်တုံး ဆင့် တည်ရှိ နေသော စေတီ တစ်ဆူ ကို ရှမ်းပြည်နယ် မြောက်ပိုင်း ကွတ်ခိုင် မြို့နယ်တွင် တွေ့မြင်နိုင် ကြောင်း ထိုဒေသသို့ သွားရောက် လေ့လာမှုများ အရ မျက်မြင် တွေ့ရှိ ရသည်။ ယင်း စေတီမှာ ကျိုက်ထီးရိုး စေတီ နှင့် အလားသဏ္ဍန် တူပြီး ကွတ်ခိုင်မြို့နယ် မန်လည် ကျေးရွာတွင် တည်ရှိ နေကြောင်း ဒေသခံ များက ဆိုသည်။ ကွတ်ခိုင် မြို့နယ်မှ လားရှိုး၊ မူဆယ်လမ်း အတိုင်း မိုင် ၂၀ ခန့် သွားပြီးနောက် မန်လည် ကျေးရွာ အတွင်း တောလမ်း အတိုင်း မိနစ် ၂၀ ခန့် ဆိုင်ကယ်ဖြင့် ခရီးဆက်လျှင် ထိုစေတီသို့ ရောက်ရှိ ကြောင်း လေ့လာ ချက်များ နှင့် ဒေသခံများ၏ အဆိုအရ သိရသည်။

ယင်းစေတီကို ဓာတ်တော်ရှင် ကျိုက်ထီးရိုး စေတီ ဟု ဒေသခံ များက အမည်ပေးထား ပြီး ယခု အချိန်တွင် ဘုရားဖူး လာရောက်သည့် သူများ မရှိ သလောက် နည်းပါးကြောင်း ဒေသခံများက ဆိုကြသည်။ မိုးတွင်း ကာလ တောလမ်းများ ပျက်စီး သဖြင့် ယင်းကဲ့သို့ ဘုရားဖူး နည်းပါးရခြင်း ဖြစ်ကြောင်း နှင့် ပွင့်လင်း ရာသီတွင် နယ်စပ် ဒေသ များမှ တိုင်းရင်းသား များ အများဆုံး လာရောက်ပြီး ဘုရား ဝန်းကျင် တိုးတက် ကောင်းမွန် ရေးကို ဆောင် ရွက်လေ့ ရှိကြောင်း ယင်းစေတီ အနီးရှိ ဗုဒ္ဓဘာသာ ဘုန်းတော်ကြီး ကျောင်းမှ ကျောင်းထိုင် ဆရာတော်က မိန့်ကြားသည်။ သို့သော် ယင်းစေတီ၏ သမိုင်းကြောင်းကို လေ့လာ နေဆဲ ဖြစ်ပြီး သက်တမ်း အားဖြင့် နှစ်ပေါင်း ၅၀ဝ နီးပါး သမိုင်း ရှိနိုင်ကြောင်း ဆရာတော် ကပင် ထပ်မံ မိန်ကြားသည်။ ယင်း စေတီတွင် သဘာဝလွန် ထူးဆန်းသည့် ကိစ္စရပ် အများ အပြား နှစ်စဉ် ပေါ်ပေါက်လေ့ ရှိကြောင်း ယင်း ဒေသ များတွင် နေထိုင် ကြသည့် ရှမ်း၊ ပလောင်၊ တရုတ် စသည့် ဒေသခံများက ၄င်းတို့ မျက်မြင် ယုံကြည်မှု များကို ပြောပြကြသည်။


၃ . ၇ . ၂၀၁၀Rest of your post