သေမှသာသေ ဖမ်းမဲ့သာဖမ်းပါစေ မြန်မာပြည်မှာ အငတ်ခံ အနှိပ်အစက်ခံပြီး တော့မသေရရင်ပြီးရော။
ထိုင်းနိုင်ငံ တောင်ပိုင်း ဖူးကက်မြို့သို့ အလုပ်သွားလုပ်ရန် ကြိုးစားခဲ့သော တရားမ၀င် မြန်မာနိုင်ငံသား ၅၂ ဦးကို ထိုင်း အာဏာပိုင် များက ယနေ့ နံနက်တွင် ဖမ်းဆီးလိုက်ကြောင်း သိရသည်။ 
ယနေ့ နံနက်တွင် ဖမ်းဆီးခံခဲ့ရသူများ(ဓာတ်ပုံ - krobkruakao.com)
အဖမ်းခံရသူများသည် မိသားစုလိုက်ဖြစ်ပြီး ကလေးများပါ အဖမ်းခံရကြောင်း ၎င်းတို့ကို ထိန်းသိမ်းထားသော ချုံဖော်မြို့နယ်ရှိ ဖလာတို့ ရဲစခန်းမှ တာဝန်ကျ ရဲတဦးက ဧရာဝတီသို့ ပြောသည်။
အဖမ်းခံရသူများ အားလုံးကို ရဲစခန်းတွင် ခေတ္တ ထိန်းသိမ်းထားပြီး မြို့နယ် တရားရုံးကို ပို့ဆောင်မည်ဖြစ်ကြောင်း၊ အဖမ်းခံရ သူ များထဲတွင် အသက် ၁ နှစ်မှ ၁၅ နှစ်အရွယ် ကလေးများလည်း ပါဝင်ကြောင်း၊ ကားမောင်း သမားမှာမူ ထွက်ပြေးလွတ်မြောက် သွားကြောင်း ၎င်း ရဲက ဆိုသည်။
ယခု အဖမ်းခံရသူများသည် ထိုင်းတရား ဥပဒေအရ အရေးယူခံရဖွယ် ရှိကြောင်း သိရသည်။
ပြီးခဲ့သည့် ဇွန်လ ၂ ရက်နေ့က ထိုင်း ၀န်ကြီးချုပ် အဖိဆစ် ဝေ့ချာချီဝက ထိုင်းနိုင်ငံသို့ နည်းမျိုးစုံဖြင့် တရားမ၀င် လာရောက် လုပ် ကိုင်နေသော ရွှေ့ပြောင်း အလုပ်သမား အရေးနှင့် ပတ်သက်၍ “နှိမ်နင်း ရေး၊ ဖမ်းဆီးရေးနှင့် တရားစွဲဆိုရေး အထူးဌာန” ဖွင့်လှစ် ရန် ညွှန်ကြားချက်ကို လက်မှတ်ရေးထိုးထားသည်။
လွန်ခဲ့သည့် ၂၀၀၉ ခုနှစ် ဧပြီလလယ်တွင် ထိုင်းနှင့် မြန်မာ လူကုန်ကူးမှု ပူးပေါင်း တိုက်ဖျက်ရေး နားလည်မှု စာချွန်လွှာကို နှစ်နိုင်ငံ တာဝန်ရှိသူများက လက်မှတ် ရေးထိုး ခဲ့သည်။
ယင်း လက်မှတ် ရေးထိုးပွဲသို့ မြန်မာ ဘက်က လူကုန်ကူးမှု တားဆီး ကာကွယ်ရေး ဗဟိုအဖွဲ့ ဥက္ကဌ ပြည်ထဲရေး ၀န်ကြီးဌာန ၀န် ကြီး ဗိုလ်ချုပ် မောင်ဦး တက်ရောက်၍ ထိုင်းနိုင်ငံ လူမှု ဝန်ထမ်းနှင့် လူမှုဖွံ့ဖြိုးရေး ဝန်ကြီးဌာန ဝန်ကြီး Mr. Issara Somchai တို့ တက်ရောက် ခဲ့ကြောင်း သိရသည်။
ထိုင်းနိုင်ငံ တောင်ပိုင်းရှိ ဖန်ငခရိုင် နှင့် တခြားခရိုင်များတွင် မြန်မာပြည်သား အလုပ်သမား တသန်းခန့် အလုပ် လုပ်ကိုင်လျက်ရှိ သည်ဟု အလုပ်သမား အရေး ဆောင်ရွက် နေသော အဖွဲ့များက ပြောသည်။Summary Rest of your post
No comments:
Post a Comment