တိုးတက်နေသော..မြန်မာပြည်ကြီး။ ( Before and After)

အငြိမ်းစားဗိုလ်ချုပ်ကြီး သူရဦးတင်ဦး၏ ယခင် နှင့် ယခု စင်္ကာပူအတွေ့အကြုံများ
By ရော်နီညိမ်း တနင်္ဂနွေ, 17 အောက်တိုဘာ 2010
တပ်မှူးတပ်သား ပြောစကား (၀၃၀)

စင်္ကာပူနိုင်ငံမှာ အောင်မြင်စွာ မျက်စေ့ခွဲစိပ်ကုသမှုခံယူခဲ့တဲ့ အမျိုးသားဒီမိုကရေစီအဖွဲ့ချုပ် ဒုတိယဥက္ကဌ အငြိမ်းစားဗိုလ်ချုပ်ကြီး သူရဦးတင်ဦးဟာ အောက်တိုဘာလ(၁၂)ရက်နေ့က ရန်ကုန်မြို့ကို ပြန်ပြီး ရောက်ရှိလာခဲ့ပါတယ်။ စစ်မှု ထမ်းဘ၀မှာ စစ်ရေးတာဝန်တွေနဲ့ စင်္ကာပူကို ရောက်ရှိခဲ့စဉ်က စစ်ရေးလေ့ကျင့်မှုနဲ့ဆက်စပ်နေတဲ့ စစ်ရေးနိုင်ငံရေး အတွေ့အကြုံ တွေကို ဦးတင်ဦးက ဒီတပတ် “တပ်မှူးတပ်သား ပြောစကား” ကဏ္ဍမှာ ပြောပြထားပြီး ဦးရော်နီညိမ်းက စီစဉ်တင်ဆက်ထားပါတယ်။


ဦးရော်နီညိမ်း ။ ။ အန်ကယ်ဦးတင်ဦး ခင်ဗျာ၊ ကျနော်တို့ ၀မ်းသာပါတယ်။ သတင်းတွေမှာ အန်ကယ်ရဲ့ မျက်စေ့ ဆေးကုသမှုဟာ အပြည့်အ၀ အောင်မြင်ပြီးတော့၊ အန်ကယ်ဟာ အခုဆိုရင် မိတ်ဟောင်း၊ ဆွေဟောင်းတွေက အစ ကြည်ကြည်လင်လင် ပြတ်ပြတ်သားသားနဲ့ ပြန်မြင်ရတယ်။ နောက် စင်္ကာပူမှာလည်း ၀ိုင်းဝန်းပြီးတော့ အန်ကယ့်အပေါ်မှာ မေတ္တာ စေတနာနဲ့ မြန်မာနိုင်ငံသားတွေရဲ့ ထားရှိတဲ့ ဂါရ၀ ကိုလည်း ၀မ်းသာပါတယ် အန်ကယ်။ အခု အန်ကယ်နဲ့ မေးရင်းပြောရင်းနဲ့ပဲ ကျနော် ပြောသွားလိုက်တော့မယ် နော်။

ဦးတင်ဦး ။ ။ ဟုတ်ကဲ့၊ ဟုတ်ကဲ့။

ဦးရော်နီညိမ်း ။ ။ ၁၉၈၈ ခုနှစ် အရေးအခင်းကာလမှာ ဗိုလ်မှူးချုပ်ဟောင်း ဦးအောင်ကြီးရဲ့ (၄၁) မျက်နှာစာတမ်းမှာ သူ ရေးသားခဲ့တယ်။ သူလည်း ဂျပန်စစ်လျှော်ကြေး စစ်မစ်ရှင် အဖွဲ့တွေနဲ့ နိုင်ငံခြားခရီး သွားဖူးတာပဲ။ သို့သော်လည်း သူ အကြာကြီး နိုင်ငံခြား မသွားဖြစ်ဘဲနဲ့ မသွားနိုင်ဘဲနဲ့၊ ၁၉၈၈ နီးတော့မှ သူ သွားခွင့်ရလို့ သွားတဲ့အခါမှာ သြစတြေလျကို သွားတာ။ သွားတဲ့အခါမှာ ထိုင်းနိုင်ငံ ဘန်ကောက်မြို့က ဒွန်မောင်းလေဆိပ်ကို ရောက်ရုံနဲ့တင် မျက်ရည်ဝဲခဲ့ရတယ်ပေါ့။ သူများ တိုင်းပြည် တိုးတက်ကြီးပွားနေတာကြည့်ပြီးတော့ သူက အဲဒီလို ခံစားခဲ့ရဖူးပါတယ် ဆိုပြီးတော့ သူ ရေးသွားခဲ့ဖူးပါတယ်။ နောက်ပိုင်းမှ သူ့ရဲ့နိုင်ငံရေးကိစ္စတွေမှာ အပြောင်းအလဲတွေ ဖြစ်တာက တပိုင်းပေါ့ နော်။ တလောလေးကပဲ “နိုင်ငံတော် ငြိမ်ဝတ်ပိပြားမှုတည်ဆောက်ရေး ကော်မတီ” အဖွဲ့ဝင် အဖြစ်ကနေ အနားယူသွားတဲ့ အငြိမ်းစား ဒုတိယဗိုလ်ချုပ်ကြီးထွန်းကြည်ကလည်း သူရေးခဲ့တဲ့ စာအုပ်ထွက်လာတဲ့ အခါမှာ၊ သူလည်း တပ်မှူးငယ်ဘ၀မှာ အမေရိကားကို သွားပြီး သင်တန်းတက်တဲ့အခါကျတော့ သူ့စိတ်ထဲမှာ ဒွန်မောင်းလေဆိပ် ကိုရောက်တဲ့အခါ မှာ ထိုင်းနိုင်ငံက ဒွန်မောင်း လေဆိပ်ဟာ ငါတို့ ရန်ကုန်က မင်္ဂလာဒုံလေဆိပ်လောက်တောင် မသားနားဘူး၊ ဒို့က သာတယ် ဆိုတာမျိုး သူခံစားမိတဲ့ အကြောင်း သူရေးခဲ့တယ်ပေါ့။ ဒီလိုဆိုတော့ အန်ကယ်ရော စင်္ကာပူလေဆိပ်ကို စရောက်ပြီး စင်္ကာပူနိုင်ငံကို မြင်လိုက်တဲ့အခါမှာ အန်ကယ် စတင်ပြီး ဘယ်လိုခံစားရပါသလဲ ခင်ဗျ။

ဦးတင်ဦး ။ ။ ဘယ်လိုခံစားရသလဲဆိုတော့ MRTV တို့ ဘာတို့မှာ တလောတုန်းက လေယဉ်ကွင်းကြီး ပြီးသွားတာကို ခမ်းနားကြီးကျယ်ပုံတွေ၊ လုပ်ငန်းတွေ ဘယ်လို အထွေ ထွေ များပုံတွေ၊ ဆန်းကျယ်ပုံတွေ စသည်ဖြင့် သီချင်းဆိုပြီး ပြတော၊့ ကျနော်တို့ကလည်း ဒီမှာ အပြင်လည်း မရောက်တော့ကာ၊ ဒီမှာ ရှိနေတဲ့ ထပ်မံပြီး မွမ်းမံချယ်သထားတဲ့ မင်္ဂလာ ဒုံလေဆိပ်ကြီးဟာ တော်တော်ပဲ ကြီးကျယ်ခမ်းနားပြီးတော့ ဖြစ်နေပါပြီလား ဆိုပြီးတော့၊ ဪ ဒါ ပြည်သူပြည်သားတွေအတွက် သူတို့ လုပ်သင့်လုပ်ထိုက်တာကို လုပ်ကိုင်ပေးလိုက် တာပဲ၊ တောတော်ကြီးက်ျပါလားလို့ ထင်လိုက်တာပေါ့ ဗျာ။ ကိုယ်ကလည်း မတွေ့ဖူးပဲကိုး။ ဒါနဲ့ သွားရင်းနဲ့ပဲ ချန်ဂိ (Changi) လေဆိပ်ကို ဆင်းလိုက်တာနဲ့ တပြိုင်တည်းပဲ၊ ချန်ဂိလေ ဆိပ်ဟာ ကျနော်တို့ မင်္ဂလာဒုံမှာရှိတဲ့လေဆိပ်နဲ့က အပြတ်ကွာသွားတာပေါ့ဗျာ။ ကျနော် ဟိုး စစ်အတွင်းတုန်းက တပ်မှူးငယ်ဘ၀နဲ့ ဒီ ချန်ဂိလေဆိပ်ကို ဆင်းဖူးတယ် ခင်ဗျ။ ချန်ဂိလေ ဆိပ်ဟာ အဲဒီတုန်းကတော့ တောလေဆိပ်လို ပါပဲ။ ဒီလောက် မကြီးဘူး မကျယ်ဘူး ခင်ဗျ။ နောက်တခေါက် ဆင်းတုန်းကလည်း၊ အဲဒီအခါ ကျနော် တပ်ရင်းမှူးအနေနဲ့ သွားတဲ့အခါကျ တော့ ချန်ဂိလေဆိပ်ဟ အလတ်တန်းစားလောက်ပဲ။ နောက်ဆုံးတခါ ဆင်းတော့ ကျနော် ဒုကာကွယ်ရေးဦးစီးချုပ်ဘ၀နဲ့ ဒုဝန်ကြီးပေါ့ ဗျာ။

ဦးရော်နီညိမ်း ။ ။ ကာကွယ်ရေးဝန်ကြီးဌာနရဲ့ ဒုဝန်ကြီး အနေနဲ့ သွားတာပေါ့ နော်။

ဦးတင်ဦး ။ ။ ဟုတ်ကဲ့ ဒုဝန်ကြီး ဘ၀နဲ့ on transit ပေါ့ဗျာ၊ ကျနော်က ပထမဦးဆုံး ကွာလာလမ်ပူ (Kuala Lumpur) ကနေ ဆာရာဝက် (Sarawak) သွားတယ်။ ဆာရာဝက်က အပြန်မှာ ချန်ဂိမှာ ဆင်းတာပေါ့။

ဦးရော်နီညိမ်း ။ ။ သြော် မလေးရှားက အပြန်ပေါ့။

ဦးတင်ဦး ။ ။ ကျနော် ကျောင်းတက်ခဲ့တဲ့နေရာ Bokujima ကျောင်းတောင်မှ မရှိတော့ဘူး။ အဲဒီနေရာမှာ တိုက်တွေ ဘာတွေ ဖြစ်နေပြီ။

ဦးရော်နီညိမ်း ။ ။ ဟုတ်ကဲ့ အဲဒီတော့ အန်ကယ် ဘယ်လိုခံစားရပါသလဲ ခင်ဗျ။ အရင်တုန်းက ကိုယ်ကသာ နေရာ ကနေ အခု သူများက ကိုယ့်ထက် အပြတ်သာသွားတာကို။

ဦးတင်ဦး ။ ။ အရင်တုန်းက ကျနော်တို့က သာနေတယ် ခံစားရတာကိုး။ အခုတော့ …….။ ပြောနေရင်း ဗျာ၊ ဦးရော်နီညိမ်း ရေ။ အခု ခင်ဗျားနဲ့ ကျနော် ပြောနေရင်း မီးပြတ်သွားလို့ မီးငြိမ်းသွားပြီး ဗျ။ မှောင်သွားပြီ။ အဲဒီတော့ ကိစ္စ မရှိဘူး၊ အမှောင်ထဲမှာ ပဲ။ အမှောင်ထဲမှာ စမ်းပြီး ပြောကြတာပေါ့။

ဦးရော်နီညိမ်း ။ ။ ဗိုလ်ချုပ်အောင်ကြီးကတော့ မြန်မာ့ဆိုရှယ်လစ်လမ်းစဉ်ကို လုပ်လိုက်တဲ့ အတွက်ကြောင့်မို့လို့ ကိုယ့်တိုင်းပြည်ဟာ အရမ်းကို ခေတ်နောက်ကျသွားတယ်လို့ သူ့ စိတ်ထဲမှာ ခံစားရတဲ့သဘောမျိုး ရေးထားပါတယ်။ အန်ကယ်ကော နိုင်ငံရေးအရ အခု ဘယ်လိုခံစားရပါသလဲ။

ဦးတင်ဦး ။ ။ အဲဒီလိုပဲ ခံစားရတာပေါ့။ တော်တော့်ကို နောက်ကျသွားတယ်လို့ ခံစားရတာပေါ့။ နောက်ကျတယ် ဆိုတာက ဒီလိုလေ။ ကျနော့်တို့ မြန်မာနိုင်ငံမှာ တချိန်တုန်းက ပညာရေးဌာနနဲ့ပတ်သက်ပြီးတော့ အကြီးအကဲလုပ်သွားခဲ့ဖူးတဲ့ ပုဂ္ဂိုလ်တယောက်က ကုလသမဂ္ဂကိုသွားပြီး ပညာရေးဌာနမှာ ၀န်ထမ်းကောင်းတစ်ယောက်အဖြစ်နဲ့ တာဝန် ထမ်း ဆောင်ခဲ့ပြီး အခုတော့ အငြိမ်းစား ယူသွားပြီ။ နံမည်တော့ မပြောတော့ပါဘူး။ သူက ကျနော်နဲ့ အင်မတန် ခင်မင်ပါတယ်။ အခု ဒီရောက်တော့ သူ့ကို ကျနော်လှမ်းပြီး ဆက်သွယ်လိုက် တော့ ကျနော်တို့ စကားပြောဖြစ်တဲ့အခါ၊ ကျနော်က စင်္ကာပူနဲ့ ကျနော်တို့ နိုင်ငံနဲ့ဟာ တော်တော်လေးကို ကွာခြားသွားပြီ နှစ်(၅၀)လောက် နောက်ကျသွားပြီလို့ ပြောတော့ အဲဒီ ပညာရှင်ကြီးက ပြန်ပြောပါတယ်။ သူက မဟုတ်ဘူးတဲ့။ နှစ်(၁၀၀) လောက်တောင် နောက်ကျ သွားပြီ တဲ့။ သေချာကြည့်ပါ တဲ့။ အားလုံး နှစ်(၁၀၀)လောက် နောက်ကျသွားတယ်တဲ့။ အစစအရာရာပေ့ါ လေ။ သူက အဲဒီ လို နောက်ကျသွားပြီလို့ ပြောတာပါပဲ။

ဦးရော်နီညိမ်း ။ ။ သူတို့က ၁၉၆၅ ခုနှစ်ကမှ လွတ်လပ်ရေးရတာ။ ကျနော်တို့ထက် အများကြီး နောက်ကျတယ်။ (၁၇)နှစ်လောက် နောက်ကျတယ်။ နောက် သူတို့ စင်္ကာပူမြို့ကြီး ရဲ့ စည်ပင်သာယာရေး ဆိုရင်၊ ဒါကို ဘယ်လိုလုပ်ရမလဲ ဆိုပြီးတော့ ရန်ကုန်မြို့မှာ လာပြီး လေ့လာခဲ့ရတဲ့ ဘ၀။ အဲဒီလိုမျိုးကနေမှ အခု ဒီလောက် အနေအထား ဖြစ်သွားတဲ့အပေါ်မှာ အန်ကယ် ကျနော်တို့ တိုင်းပြည်ကို ဘယ်လိုမျိုး ပြန်ဖြစ်စေချင်သလဲ ခင်ဗျ။

ဦးတင်ဦး ။ ။ အဲဒီလိုမေးတော့ ကျနော်ပြောရဦးမယ်။ ကျနော်က ဗိုလ်ချုပ်အောင်ဆန်းကို အများကြီး ကျေးဇူးတင်တယ်။ ကျနော်တို့ရဲ့ လွတ်လပ်ရေး ဗိသုကာ၊ အမျိုးသားခေါင်း ဆောင်ကြီး၊ တပ်မတော်ဖခင်ကြီးပေါ့ဗျာ။ အင်မတန်မှကို သူ့ ဂုဏ်ကျေးဇူးက ကြီးမားပါတယ် ခင်ဗျ။ ကျနော်တို့ commission (စစ်အရာရှိအဖြစ် စတင် ခန့်အပ်ခံရခြင်း) ရတော့၊ ကျနော်တို့ဟာ British Subject Commission (ဗြိတိသျှစစ်အရာရှိ အဖြစ် စတင်ခန့်အပ်ခံရခြင်း) သဘောမျိုးပေ့ါ လေ။ ဗြိတိသျှတပ်မတော်မှာရှိတဲ့ အရာရှိဆိုတော့၊ အရာရှိငယ်တွေ အနေနဲ့ ကျနော်တို့ အဲဒီမှာ ကျောင်းသွား တက်ရတာပေါ့။ အဲဒါက ၁၉၄၇ခုနှစ်၊ ဗိုလ်ချုပ်အောင်ဆန်း ကျဆုံးတဲ့နှစ် နောက်ပိုင်းမှာ ကျနော်တို့ ကျောင်းတက်ရတာပေါ့ နော်။

ဦးရော်နီညိမ်း ။ ။ အန်ကယ် ဘယ်နိုင်ငံမှာ သွားတက်တာလဲ ခင်ဗျ။

ဦးတင်ဦး ။ ။ အဲဒီမှာ ပေါ့။ စင်္ကာပူပေါ့ ဗျ။ ၁၉၄၇ ခုနှစ်မှာ သွားတက်ရတာ။

ဦးရော်နီညိမ်း ။ ။ အန်ကယ် သွားတဲ့အချိန်တုန်းက မလေးနဲ့ စင်္ကာပူနဲ့က မခွဲရသေးဘူး ပေါ့။

ဦးတင်ဦး ။ ။ မခွဲရသေးဘူး။ လွတ်လပ်ရေး မရသေးဘူး။ ဘာမှ မရသေးဘူး။ ဒီ State Settlement (ဗြိတိသျှ အစိုးရလက်အောက်ခံ) ပဲ။ မလေးယား (Malaya) ပဲ။ British Settlement Malaya (ဗြိတိသျှအစိုးရ လက်အောက်ခံ မလေးယား)ပဲ။ မလေးရှား (Malaysia) တွေ ဘာတွေ မဟုတ်သေးဘူး။ အဲဒီမှာ ဘယ်မှာ တက်ရသလဲဆိုတော့ Royal Army Service Corps (ဗြိတိသျှ ဘုရင့်တပ်မတော် စစ်ဝန်ထမ်းကျောင်း)၊ RASC ဆိုတာက ကျနော်တို့ အရာရှိငယ်တွေကို Regimental Duty (တပ်ရင်းအဆင့် တာဝန်များ) သင် ပေးတဲ့ ကျောင်းပေ့ါဗျာ။ အဲဒီမှာ ကျောင်းတက်တုန်းက ကျနော်တို့ကို သိပ်ပြီးတော့ လေးစားကြတယ်ခင်ဗျ။ ဟိုတုန်းကတော့ သိတဲ့အတိုင်းပဲ၊ တနိုင်ငံနဲ့တနိုင်ငံ သွားကြလာကြ ဆို တော့၊ မြန်မာဆိုတာကို တော်တော်ကို ရိုသေတယ် လေးစားတယ်၊ မြန်မာ commissioned officer တယောက်အနေနဲ့ သူတို့က တော်တော်လေးစားကြတယ်။ ဗိုလ်ချုပ်အောင်ဆန်း ကို ကျနော်က အများကြီး ကျေးဇူးတင်တယ် ဆိုတာက အဲဒါကြောင့်။ အဲဒီအချိန်တုန်းက မြန်မာပြည်မှာ အုပ်ချုပ်ရေးပညာနဲ့ ပတ်သက်လို့ သိပ်ပြီးတာ့ မြင့်မားနေတယ်။ ဘာဖြစ်လို့ လည်းဆိုတော့ ဒီမှာ ICS (Indian Commissioned Service) (အိန္ဒိယပဋိဥာဉ်ခံဝန်ထမ်း) လို တော်တော်များများ trained လုပ်ထားတဲ့ အဖွဲ့တွေရှိတော့ သူတို့လာပြီး အုပ်ချုပ်ရေး ပညာသင်ရတဲ့ အကြောင်းတွေလည်း ပြောတယ်ခင်ဗျ။ အထူးသဖြင့် နောက်တခုက CID (Criminal Investigation Department) (မှုခင်းစုံ စမ်းစစ်ဆေးရေးဌာန) ပေါ့။ မှုခင်းစစ် ဆေးတာနဲ့ ပတ်သက်တဲ့ ပညာရပ်ကို သူတို့ ဒီမှာ (မြန်မာနိုင်ငံမှာ) လာပြီး သင်တယ်။ နောက်ပြီးတော့ ရဲအရာရှိသင်တန်းတက်ဖို့ ဆိုပြီးတော့လည်း မန္တလေးက ဆပ်ကျောင်း (ရဲသိပ္ပံ) ၊ ရဲအုပ် ဖြစ်အောင် သင်ပေးတဲ့ကျောင်းမှာ သူတို့တွေ လာပြီး တက်နေကြရတဲ့အချိန်မျိုးမှာ၊ ကျနော်တို့က ဒီက (မြန်မာနိုင်ငံက) လာတာဆိုတော့ သူတို့ တော်တော်လေးစားကြတယ်။ ဒါ တကြိမ်ပေါ့။ နောက်တခါ တပ်ရင်းမှူးဘ၀နဲ့ ကျနော်သွားတဲ့ အချိန်ကျတော့ ဥပမာ မြူနီစီပယ်(စည်ပင်သာယာ) ဌာနပိုင်းက ပုဂ္ဂိုလ်တွေဆိုလည်း အရင်က ဒီဘက်မှာ(မြန်မာနိုင်ငံ မှာ) ပညာလာသင်ပြီး ဟိုမှာ (စင်္ကာပူမှာ) ပြန်ပြီး ဖြန့်ဖြူးသင်ကြားပို့ချပေးတဲ့ သဘောမျိုးလေးတွေ ရှိတယ်။ နောက်ပြီးတော့ ရေနံကိစ္စနဲ့ပတ်သက်လို့လည်း သူတို့ ပြောတာတွေ ရှိ တယ်။ ရေနံကတော့ ဒီမှာ သိပ်အများကြီး ရှိပုံတော့ မပေါ်ဘူး။ သို့သော်လည်း ပညာရပ်နဲ့ပတ်သက်လို့ ချောက်မှာလည်း သင်ဖူးတယ် တဲ့။ ဓနိတောက ဘီအိုစီမှာလည်း သင်ဖူး တယ်တဲ့။ အဲဒီတော့ ဟိုတုန်းက ပညာက ဟိုက ဒီကို လာသင်ကြတာ၊ အခုကျတော့ ဒီလို မဟုတ်တော့ဘူး။ ကျနော်တို့က အကုန် ကျကျန်ရစ်ခဲ့ပြီး၊ အဲဒီလို ဖြစ်ကုန်တာပဲ။

ဦးတင်ဦး ။ ။ တနည်းအားဖြင့် ပြောရရင်တော့လည်း ဗျာ၊ လွတ်လပ်ရေးရပြီးစ အချိန်မှာ ဒီမှာက insurrection (ပုန်ကန်ထကြွမှု) ဖြစ်တာကိုး။ သူတို့ဆီမှာလည်း insurrection ဖြစ်တာပဲဗျ၊ ဒါပေမယ့် သူတို့ဆီမှာ ဖြစ်တဲ့ insurrection ကို သူတို့ စီမံခန့်ခွဲပြီးတော့ အုပ်ချုပ်ပုံနည်းလမ်းက စနစ် သိပ်ကျသွားတယ်။ ဘယ်လိုလဲဆိုတော့ အဲဒီ ကျနော်တို့ သွားတက် တုန်းက ကျနော်က Tangalli မှာလေ၊ ကျနော်တို့ Far Eastern Land Forces Headquarter (အရှေ့ဖျားဒေသ ဗြိတိသျှမြေပြင်တပ်ဖွဲ့များ ဌာနချုပ်) ခေါ်တာပေါ့လေ။ အဲဒီမှာ ကျနော်တို့က တက်ရတာ၊ Advance Senior Officer Course (အဆင့်မြင့် အရာရှိကြီးများ သင်တန်း) တက်ရတာကိုး၊ တပ်ရင်းမှူးတွေ ဆိုတော့ အဲဒီမှာ တက်ကြရတယ်။ အဲဒီမှာ တက်တုန်းက၊ သူတို့မှာက သောင်းကျန်းမှုရှိပေမယ်လိှု့Singapore itself (စင်္ကာပူ တခုထဲ အနေနဲ့) ကတော့ အေးချမ်းတယ်။ လုံခြုံရေးကတော့ တော်တော်ယူထားတယ်။ ဒါပေမယ့် ဒီ Main Malaya (မလေး ကျွန်းဆွယ်ဒေသ) ပေါ့နော်၊ အဲဒီမှာ သောင်းကျန်းမှုက တော်တော်လေး ဖြစ်တယ်။ အဲဒီမှာ ကျနော်တို့ သင်တန်းသွား တက်တဲ့ အခါကျတော့ သူတို့ Briggs’s Plan ဆိုတာရှိတယ်။ Strategic Hamlet Policy (ဗျူဟာမြောက်စုစည်းခြင်း) ပေါ့။ Brigadier General Briggs (ဗြိတိသျှစစ်တပ်မှ ဗိုလ်မှူးချုပ် ဘရစ်ဂ်စ်) ဗျ။ General Tembla (ဗိုလ်ချုပ်ကြီး တယ်မ်ဘလာ)က General Brigg ကို တာဝန်ပေးတာက strategic hamlet တွေလုပ်တာပေါ့ဗျာ။ အဓိပ္ပါယ်ကတော့ဗျာ၊ အေးဆေးတဲ့မြို့တွေ မှာ ဘေးနားမှာရှိတဲ့ ရွာတွေကို စုပြီးတော့ အရံအတားနဲ့ ထားပြီးတာ့ အရပ်သူအရပ်သားတွေ ကို identity card (မှတ်ပုံတင်ကဒ်) ထုတ်ပေးပြီးလို့ရှိရင်၊ သူတို့ စားဖို့သောက်ဖို့ provision (ရိက္ခာ) အတွက် ၀ယ်ချင်တယ် ဆိုရင်၊ လုံခြုံရေး အစီအစဉ်နဲ့ သွားဝယ်၊ ပြီးရင် ပြန်လာကြပေါ့လေ၊ (၇) ရက်စာဖြင့် (၇) ရက်စာ၊ (၁၀)ရက်စာ ဖြင့် (၁၀) ရက်စာပေ့ါ၊ strategic hamlet ဗျူဟာမြောက် ကျေးရွာများပေါ့။ အဲဒါတွေကို တည်ဆောက်တယ်။

ဦးရော်နီညိမ်း ။ ။ ဟုတ်ကဲ့ အန်ကယ်။ အဲဒီဟာက ကျနော်တို့ဆီမှာ ဟိုဟာနဲ့ သွားမတူဘူးလား ခင်ဗျာ။ ကျနော်တို့ ဆီမှာ မြစ်ဝကျွန်းပေါ် ရှင်းလင်းရေး လုပ်တုန်းက “ဖြတ်(၄)ဖြတ်” နဲ့ နည်းနည်း မတူဘူးလား။

ဦးတင်ဦး ။ ။ အဲဒီလိုမဟုတ်ဘူးဗျ၊ သူတို့က ညက်တယ်၊ ကျနော်တို့ဟာက သိပ်မညက်လှဘူး ခင်ဗျ၊ ကျနော် ကာကွယ်ရေးဦးစီးချုပ်တုန်းက ဒီ ကိစ္စ လုပ်ဖူးပါတယ်။ သိပ်မညက်ဘူး။ မညက်ဘူး။ သူတို့က သိပ်ညက်တယ်။ ကျနော် ပြောပြမယ်။ လူတွေကို ဒီမိုကရေစီနဲ့ ပတ်သက်ပြီး လူသားအမြင်နဲ့ ညက်တာကို ကျနော်ပြောတာပါ။

ဦးတင်ဦး ။ ။ ဘယ်လိုလုပ်သလဲ ဆိုရင် မလေးယားကျွန်းဆွယ်တခုလုံးမှာ အင်မတန် သောင်းကျန်းမှုဖြစ်တဲ့ နေရာတွေမှာ အဲဒီလိုပဲ လုပ်ကြရတယ်။ ပထမတော့ ကျနော်တို့သွား တုန်းက လူတွေက ဆူတယ်ခင်ဗျ၊ ဆူတယ် ဆိုတာက ဒီလို လုပ်တာ မလွတ်လပ်ဘူး၊ တရား မမျှတဘူး၊ သူတို့ လူမျိုးကို နှိမ်တယ်ပေါ့ ဗျာ၊ ဒါပေမယ့် နောက်ပိုင်းကျတော့ လူတွေက သူတို့ဘာသာ သူတို့ သဘောပေါက်သွားပြီးတော့ သိပ်ကြိုက်သွားတယ် ဗျ၊ ဘာကြိုက်သွားလဲ ဆိုတော့ နံပါတ်(၁)က သူတို့ စားဖွယ်သောက်ဖွယ်နဲ့ ပတ်သက်တာ အားလုံးကို သူတို့ အကုန်လုံး စားရတယ်။ ဟိုပေး ဒီပေး (သူပုန်ထနေသော မလေးရှားကွန်မြူနစ်များသို့) လုပ်စရာမလိုတော့ဘူး။ နောက်တစ်ခုက သူတို့ ရတဲ့ လုပ်ခလခတွေ သူတို့ အပြည့်သုံးရတယ်။ ခွဲကြေး ဆက်ကြေး မပေးရတော့ဘူး။ နောက်ပြီးတော့လည်း လုံခြုံနေတော့၊ ဟိုက (သူပုန် ဘက်က) ခေါ်ခိုင်းတဲ့ကိစ္စတွေလည်း သွားပြီး အပိုလုပ်ပေးရတာ မရှိတော့ဘူး။ သူတို့ တော်တော်လေး သဘောကျသွားပြီးတော့၊ သူတို့က ကျေနပ်သွားတော့၊ ပြီးတာနဲ့ တစ်နှစ်တောင် မကြာပါဘူး။ ဘာမှ မကြာပါဘူး။ နောက် တစ်နှစ်လောက်မှာ ဒါ Merdeca (မလေးဘာသာ) လွတ်လပ်ရေး ရသွားတာပါပဲ။ အဲဒါနဲ့ မလေးရှားဟာ ငြိမ်းချမ်းသွားခဲ့တာပဲ။

ဦးရော်နီညိမ်း ။ ။ ဟုတ်ကဲ့ အန်ကယ်၊ ဟိုဟာကော မကွာဘူးလား ခင်ဗျ၊ ဟိုမှာလုပ်သလို ဒီမှာလည်း လုပ်တဲ့အခါ ကျတော့ ဟိုဘက်က သူပုန်ဘက်ကတော့ ရပ်သူရွာသားတွေ ကို ဘာမှ လာပြီး ဒုက္ခပေးလို့ မရတော့ဘူး။ ဒါပေမယ့် ကိုယ့်တပ်က ပြန်ပြီးတော့ အဲဒီ ရပ်သူရွာသားတွေကို ဒုက္ခ ပြန်ပေးနေတာကျတော့၊ အန်ကယ် ဘယ်လိုနှိုင်းယှဉ်ပြီး ပြောမလဲ။

ဦးတင်ဦး ။ ။ အဲဒါက ကျနော်တို့ ဒီမှာလည်းပဲ ဟိုပုံစံတော့ မဟုတ်ဘူးလေ။ ဒီ Briggs’s Plan, Strategic Hamlet ဆိုတာ ကျနော် တပ်ထဲမှာကတည်းက စလုပ်မယ် ဆိုပြီး တော့လည်း နောက်ပိုင်း “ဖြတ်(၄)ဖြတ်” တို့ ဘာတို့ဆိုတာ အဲဒီကနေ လာတာပဲလေ။ ဒါပေမယ့် တစ်ခုတော့ ရှိတာပေါ့လေ။ နောက်ပိုင်းတော့လည်းပဲ အေးဆေးတော့ အေးဆေးသွား တယ်။ လူထုကတော့ အတော်ခံလိုက်ရတာတော့ ဖြစ်သွားခဲ့တာပေါ့လေ။

ဦးရော်နီညိမ်း ။ ။ ဒုတိယကမ္ဘာစစ်ကြီးပြီးစ မြန်မာနိုင်ငံ၊ မလေးရှားနိုင်ငံ၊ စင်္ကာပူနိုင်ငံတွေ ဗြိတိသျှ လက်အောက်ကနေ လွတ်လပ်ရေး မရခင်မှာ ဗြိတိသျှတွေအုပ်ချုပ်ကွပ်ကဲတဲ့ ဗမာ့တပ်မတော်ရဲ့ တပ်မှူးငယ်တယောက်အနေနဲ့ အငြိမ်းစားဗိုလ်ချုပ်ကြီး သူရဦးတင်ဦး စင်္ကာပူနဲ့မလေးရှားကဗြိတိသျှစစ်တပ်မှာ စစ်ဘက်ဆိုင်ရာသင်တန်းတွေ တက်ရောက်ခဲ့စဉ်က အတွေ့အကြုံ၊ တပ်ရင်းမှူးအဆင့် ဒုတိယကာကွယ်ရေးဦးစီးချုပ်(ကြည်း) စတဲ့ အဆင့်မြင့်ရာထူးကြီးတွေမှာ ထမ်းဆောင်ခဲ့စဉ် မလေးရှားနဲ့ စင်္ကာပူက အတွေ့အကြုံတွေကို တင်ဆက် ပေးခဲ့တာပါ ခင်ဗျာ။ နောက်သီတင်းပတ် အောက်တိုဘာလ(၂၄)ရက် တနင်္ဂနွေနေ့မနက် “တပ်မှူးတပ်သား ပြောစကား” အပတ်စဉ်ကဏ္ဍမှာတော့ “အမျိုးသား ဒီမိုကရေစီအဖွဲ့ချုပ် ” နိုင်ငံရေးပါတီရဲ့ ဒုတိယဥက္ကဌ လူထုခေါင်းဆောင်ဘ၀မှာ မြန်မာနိုင်ငံသားတဦးအနေနဲ့ စင်္ကာပူမှာ သွားရောက် မျက်စေ့ခွဲစိတ်ကုသမှုခံယူစဉ် မတူခြားနားကွဲပြားတဲ့ အတွေ့အကြုံတွေနဲ့ ပတ်သက်ပြီး အငြိမ်းစားဗိုလ်ချုပ်ကြီး သူရဦးတင်ဦးရဲ့ ပြောစကားတွေကို တင်ဆက်သွားမှာ ဖြစ်ပါတယ် ခင်ဗျာ။ စောင့်မျှော်နားဆင်ကြပါ။ ကျနော် ရော်နီညိမ်းပါ။
http://www.voanews.com/burmese/news/soldier-talk/10_17_10_soldiers_talk030-105101094.html
အငြိမ်းစားဗိုလ်ချုပ်ကြီး သူရဦးတင်ဦး၏ ယခင် နှင့် ယခု စင်္ကာပူအတွေ့အကြုံများ (၂) ရော်နီညိမ်း တနင်္ဂနွေ, 24 အောက်တိုဘာ 2010

တပ်မှူးတပ်သား ပြောစကား (၀၃၁)
စင်္ကာပူနိုင်ငံမှာ အောင်မြင်စွာ မျက်စေ့ခွဲစိပ်ကုသမှုခံယူခဲ့တဲ့ အမျိုးသားဒီမိုကရေစီအဖွဲ့ချုပ် ဒုတိယဥက္ကဌ အငြိမ်းစားဗိုလ်ချုပ်ကြီး သူရဦးတင်ဦးဟာ စစ်ခေါင်းဆောင်ဘ၀နဲ့ စင်္ကာပူကို ရောက်ရှိခဲ့စဉ်က အတွေ့အကြုံတွေနဲ့ အခုတခေါက် သာမန်မြန်မာနိုင်ငံသားတဦးအနေနဲ့ စင်္ကာပူကိုရောက်ရှိခဲ့စဉ်က အတွေ့အကြုံတွေကို ဗီအိုအေကို ပြောပြထားပါ တယ်။ ဦးတင်ဦးရဲ့ စင်္ကာပူအတွေ့အကြုံ အပိုင်း(၂) ကို၊ ဒီတပတ် “တပ်မှူးတပ်သား ပြောစကား” အပတ်စဉ်ကဏ္ဍ မှာ ဦးရော်နီညိမ်းက စီစဉ်တင်ဆက်ထားပါတယ်။

ဦးရော်နီညိမ်း။ ။အန်ကယ် ဦးတင်ဦး ခင်ဗျာ၊ တပ်မတော် ခေါင်းဆောင်ဟောင်းတယောက်ဟာ ကိုယ်က အရင်တုန်းက တပ်မတော်ရဲ့တာဝန်ယူထားတုန်းက စစ်မစ်ရှင်တွေနဲ့ သွားတာတွေဟာ ကိုယ့်ရဲ့အစီအစဉ်နဲ့ မဟုတ်ဘူးပေါ့ နော်။ ဘောင်တွေ အကန့်အသတ်တွေနဲ့ ရှိတယ်။ အခု မိမိအစီစဉ်နဲ့ မိမိ လွတ်လွတ်လပ်လပ်သွားတဲ့အခါမှာ မြန်မာနိုင်ငံထဲက နေ ထွက်သွားပြီးတဲ့အခါမှာ နိုင်ငံခြားမှာ ရောက်ရှိနေတဲ့ မြန်မာတွေပေါ့နော်၊ အန်ကယ့်ကို လာပြီး ဂါရ၀ပြုကြ တဲ့သတင်းတွေ ကျနော်တို့ တွေ့ရတယ်။ ဂါရ၀ပြုတာက အခု သတင်းစာ တွေထဲမှာ တွေ့ရတာမျိုး မဟုတ်ဘူး။ သတင်းစာထဲမှာကတော့ မြန်မာ့ရိုးရာအစဉ်အလာအရ ဂါရ၀ပြုခံတယ်ဆိုပြီး သံရုံးတွေကို ရောက်တဲ့အခါမှာ၊ သံရုံးမိသားစုဝန်ထမ်းတွေက စိတ်ပါ လား မပါလားလည်း မသိဘူး၊ အားလုံး ထိုင်ကန်တော့ရတဲ့ဟာမျိုးတွေ ကျနော်တို့ တွေ့နေရတယ်။ အန်ကယ့်ပွဲက အဲဒီလိုမဟုတ်ဘူး။ အန်ကယ် အဲဒီ စင်္ကာပူကို ရောက်တဲ့ အချိန်က စပြီးတော့ မြန်မာနိုင်ငံသားတွေရဲ့ အန်ကယ့်အပေါ်ထားရှိတဲ့ မေတ္တာစေတနာနဲ့ ပတ်သတ်ပြီး အန်ကယ် ဘယ်လိုတွေ့ကြုံရလဲ၊ အန်ကယ် မျှော်လင့်ထားတာမျိုးလား၊ မျှော်လင့်ထား တာထက် မကတာ မျိုးလား၊ ဒါမှမဟုတ် ဘယ်လိုပါလဲ၊ ဘယ်လိုအနေအထားရှိပါ သလဲ၊ အဲဒါလေး အန်ကယ် ပြောပြပေးပါ ခင်ဗျာ။

ဦးတင်ဦး။ ။ အမှန်ကတော့ ကျနော် ဒီက သွားတယ်ဆိုတော့လည်း သိပ်ပြီးတော့ ဟိုဘက်မှာ အသိတွေ ဘာတွေလည်း မရှိဘူးပေါ့။ ဒီလောက်တောင် ကြိုကြဆိုကြ၊ တွေ့ဆုံ ကြမယ်လို့တော့ မတွက်ပါဘူး။ အသင့်အတင့်တော့ သူတို့ စီမံစီစဉ်ထားတဲ့အတိုင်း လာကြမယ် ပြုကြမယ် လုပ်ကိုင်ပေးမယ်၊ ဒီလို ထင်တာပါ။ သူတို့လည်းပဲ မြန်မာတွေ အချင်းချင်း လူကြီးတယောက် ရောက်လာတယ်ဆိုပြီး ဂါရ၀ပြုချင်တယ်ဆိုတော့ သွားတာပေါ့၊ သွားတဲ့အခါမှာ ကျနော် အင်မတန်သတိထားသွားပါတယ်။ သူတို့ကန်တော့တဲ့ လက်အုပ်ချီမှမဟုတ် ပါဘူး။ သူတို့ မေတ္တာစေတနာနဲ့ ကျနော့် ကို ချစ်ကြည်လေးစားစွာပေါ့လေ၊ ကြိုဆိုတဲ့အတွက်၊ ကြိုဆိုတဲ့နေရာကလည်း ဗုဒ္ဓမြတ်စွာဘုရားရဲ့ရုပ်ပွါးတော်ရှေ့မှာ ရှိတဲ့ အဆောက်အအုံ ကြီးထဲမှာ ၀င်ရတယ်ဆိုတော့၊ ဂါရ၀တရားနိဝါရတရားများ ထားပြီးတော့ ကျနော်ကလည်း လက်အုပ်ချီပြီး ၀င်သွားတာပါ။ လက်အုပ်ချီပြီး ၀င်သွားပြီးတော့မှ …….

ဦးရော်နီညိမ်း။ ။ ဟုတ်ကဲ့ပါ အန်ကယ်၊ ပြည်သူလူထုကို ကိုယ်စားပြုထားတဲ့ နိုင်ငံရေးပါတီရဲ့ ခေါင်းဆောင်တယောက်အနေနဲ့ ကိုယ့်ရဲ့ ကျန်းမာရေးကိစ္စနဲ့ သွားတဲ့အခါမှာကို ပဲ၊ အန်ကယ့်ကို ဆေးရုံမှာရှိတုန်း၊ ဟိုတယ်မှာရှိတုန်း လာတွေ့ကြ၊ သတင်းမေးကြပေါ့ လေ၊ တချို့တွေဆိုလို့ရှိရင် နိုင်ငံရေးပါတီတခုရဲ့ ခေါင်းဆောင်တယောက်ကို လာတွေ့ဖို့ဆိုရင် သူတို့အတွက် အင်မတန် ၀န်လေးတယ်၊ သူတို့မှာ အန္တရာယ်ရှိတယ် ဆိုတာမျိုး ခံစားနေရတဲ့ ကြားထဲကနေ လာကြတဲ့အပေါ်မှာ အန်ကယ် ဘယ်လိုမြင်ပါသလဲ လို့။

ဦးတင်ဦး။ ။ ကျနော်တို့ မျှော်မှန်းတာထက်ပိုပြီးတော့ သူတို့က မေတ္တာကြီးမားစွာ ကျနော်တို့ကို ကူညီစောင့်ရှောက်တဲ့အတွက်ကြောင့်လည်းပဲ အင်မတန်လည်း ကျနော်တို့က ကျေးဇူးတင်ပါတယ်။ အင်မတန်လည်း ၀မ်းမြောက်ပါတယ်။ ကြည်နူးမိတယ်။ စိတ်ထဲမှာလည်း ခံစားမိတယ်ပေါ့လေ။ ခံစားရတယ်ဆိုတာကလည်း ဒီလောက်တောင် မိဝေးဘဝေးနဲ့ သွားရောက်နေထိုင်ရပြီးတော့ အခုလို လူကြီးတယောက် လာတဲ့အခါမှာ၊ သူတို့ဟာ စေတနာမေတ္တာ ရိုသေလေးစားမှုနဲ့ ကြိုဆိုကြတယ့်အတွက်လည်း အတိုင်းအဆမရှိဝမ်းသာမိတာ ပေါ့၊ နောက်ပြီး စိတ်ထဲမှလည်း ကြည်နူးတာလည်း ရှိပါတယ်။ နောက်တခုက စိတ်ထဲမှာ ၀မ်းနည်းတာလည်း ဖြစ်တာပေါ့။ စိတ်ထဲမှာ ခံစားရတာလည်း ရှိတာပေါ့။ သွားတာ လာတာ တင်မကဘူး။ ကျနော်တို့ နေတဲ့နေရာတွေမှာက အစ လုပ်တတ်ကိုင်တတ်အောင် ဆိုပြီး သူတို့က လူတွေပါ တာဝန်ပေးချထားပြီး အလှည့်နဲ့လာပြီး စောင့်ရှောက်ကြတာတွေ များတော့ စိတ်ထဲမှာ အင်မတန်ပဲ ကျေးဇူးဥပကာရ တင်တာပေါ့ဗျာ။ ၀မ်းသာမိတာပေါ့၊ ကျနော့်ကိုယ်ကျနော်လည်းပဲ ခေါင်းဆောင်တယောက်ရယ်လို့လည်း မထင်ပါဘူး။ ဘာဖြစ်လို့လဲဆိုတော့ ကျနော်လာရတာလည်းပဲ ရောဂါကုဖို့လာရတာ ဖြစ်တဲ့အတွက်ကြောင့်မို့လို့၊ ရောဂါသည်တယောက်အနေနဲ့ပဲ ကျနော် နေလိုက်ပြီးတော့ကာ တတ်နိုင်သမျှ သူတို့ရဲ့ အားပေးမှု စောင့် ရှောက်မှု ပြုစုတာကိုပဲ အင်မတန် ၀မ်းသာဝမ်းနည်း ကြည်နူးမိပြီး စိတ်ထဲမှာ နှစ်ထောင်းအားရလည်း ဖြစ်တာပေါ့ဗျာ။

ဦးရော်နီညိမ်း။ ။ ကိုယ့်နိုင်ငံအပြင်ထွက်ပြီး အလုပ်လုပ်နေရတဲ့ မြန်မာနိုင်ငံသားတွေအပေါ်မှာ အန်ကယ်က၊ ဪ သူတို့တွေဟာ၊ ပညာတွေလည်း ဒီလောက်တတ်ရဲ့သားနဲ့ ကိုယ့်တိုင်းပြည်ထဲမှာ အလုပ်လုပ်လို့ မရပဲနဲ့ တခြား မှာ ထွက်ပြီး အလုပ်လုပ်ရတဲ့အပေါ်မှာ အန်ကယ် ဘယ်လိုမြင်မိပါသလဲ။

ဦးတင်ဦး။ ။ ကျနော့်ကို ခွဲစိတ်ကုသပေးတဲ့ ဆရာဝန်ကြီးတွေကလည်းပဲ မြန်မာဆရာဝန်ကြီးတွေပဲ၊ သမားတော်ကြီးတွေပဲ၊ နောက်ပြီးတော့ သူနာပြုဆရာမတွေကလည်း တယောက်က ပုသိမ်က သူနာပြုသင်တန်းကျောင်း ဆင်းတဲ့၊ နောက်တယောက်က မြောင်းမြက ကျောင်းဆင်းတဲ့၊ သူတို့ ဟိုမှာသင်တန်းဆင်းပြီးတော့ ဒီဘက်ကို ပြောင်းလာတော့ အခြေခံကစပြီး သင်တန်းတက်ရတယ်ပေါ့လေ၊ အဲဒီတက်ပြီးတဲ့ အချိန်ကစလို့ သူတို့လည်း ခွဲစိတ်ဖို့အတွက် ပါလာတယ်တဲ့။ brain drain (မိမိနိုင်ငံမှာ ပညာတတ်များ တခြားနိုင်ငံ များသို့ ရောက်ကုန်သော ဥနှောက်ယိုစီးခြင်း) ဖြစ်တာပေါ့ဗျာ၊ ကိုယ့်နိုင်ငံမှာရှိနေတဲ့ ကိုယ့်ပြည်သူပြည်သားတွေနဲ့ပတ်သက်လို့ ကုသပေးနိုင်ဖို့၊ ပညာသင်တုန်းက ရန်ကုန်မှာပဲ သင်ကြ တာပဲလေ၊ နောက်ဆုံးကျတော့လည်းပဲ သူတို့တတ်တဲ့ ပညာတိုးတက်ပြီး နိုင်ငံခြားမှာသွားပြီး လုပ်ကိုင်ပေးတယ်ဆိုတော့ ကိုယ့်ပြည်သူပြည်သား ခံစားရဖို့ထက် အခြားပြည်သူပြည် သား ခံစားရဖို့အတွက် သွားလုပ်ရတဲ့ သဘောမျိုးဆိုတော့ brain drain ဖြစ်တာပေါ့၊ သူတို့လာပြီးတော့ လုပ်ကိုင်နေရတဲ့နေရာမှာလည်း တကယ်တမ်းကျတော့ မိဝေးဘဝေးနဲ့ အား လုံး နေကြရတော့၊ သူတို့ မိဘနဲ့ဝေးနေတာဖြစ်လို့ ပြန်ပြီး ကိုယ့်တိုင်းပြည်မှာ အခြေအနေ ကောင်းပြီးဆိုရင်လည်း သူတို့ မြန်မြန်ပြန်လာနိုင်အောင်ပေ့ါ၊ လုပ်ကိုင်ပေးချင်တဲ့စိတ်ဓါတ်တွေ စေတနာတွေ ပိုပြီး ပေါ်ပေါက်လာတာပေါ့လေ။ ဒါ့ကြောင့်မို့ ကျနော် အင်မတန်မှဝမ်းသာကြည်နူးတဲ့အပြင် ကျေးဇူးအထူးတင်တယ်၊ ဒါကြောင့် မို့ ကျေးဇူးဆပ်နိုင်ဖို့အတွက်ကိုတော့ ကျနော်တတ်နိုင်သမျှ ကိုယ်စွမ်းညဏ်စွမ်းရှိသရွေ့ အသက်ပင်စွန့်ရစွန့်ရ ဗျာ၊ အဲဒီလောက်ထိ ကျနော် ကြိုးစားပြီး ဆောင်ရွက်သွားမယ်ဆိုတဲ့အထိ ကျနော် သူတို့အပေါ်မှာ စေတနာ စိတ်နဲ့ ကြည်နူးမိပါ တယ်။ အမှန်အတိုင်း ပြောတာပါ။ ဒီကလေးတွေဟာ တကယ်ကိုပဲ၊ ကိုယ့်မိဘသဖွယ်သဘောထားပြီး သူတို့ရဲ့ဆွေမျိုးရင်းချာကြီးတယောက် ရောက်လာသကဲ့သို့ ပါပဲ။ ပြုစုကြ၊ နှုတ်ဆက်ကြ၊ ခေါ်ကြ၊ နောက်ပြီး သူတို့ ရှိသမျှလေးတွေ ကူကြ၊ လှူကြ၊ ထောက်ပံ့ကြ၊ အဲဒီလိုဆိုတော့ စိတ်ထဲမှာ ၀မ်းနည်းမိတာပေါ့ဗျာ၊ စိတ်ထဲမှာ ထိခိုက်မိတာပေါ့ဗျာ။

ဦးရော်နီညိမ်း။ ။ ဟုတ်ကဲ့ခင်ဗျ၊ အန်ကယ်က ဘာပဲပြောပြော ကိုယ့်မြန်မာနိုင်ငံသားတွေနဲ့ ကိုယ့်ကျန်းမာရေး အတွက် သွားနေတုန်းမှာ တွေ့ရဆုံရတာဆိုတော့၊ ဟိုတုန်းက ကာကွယ်ရေးဦးစီးချုပ်၊ တပ်မတော်ခေါင်းဆောင် တယောက်အနေနဲ့ နိုင်ငံခြားသွားတာမျိုးမဟုတ်ပဲ၊ ကိုယ်ဟာ လွတ်လွတ်လပ်လပ် ပုဂ္ဂိုလ်တယောက်အနေနဲ့၊ တခါ တိုင်းပြည်ထဲမှာ ပြန်ကြည့်ရင်လည်း နိုင်ငံရေးပါတီတခုရဲ့ ခေါင်းဆောင် လူထုခေါင်းဆောင်အနေနဲ့ သွားတဲ့အခါမှာ အန်ကယ် ဒီလိုမျိုး လူထုမေတ္တာကို ရရှိတယ်လို့ ကျနော်တို့ ပြောရမှာပါ။

ဦးတင်ဦး။ ။ နောက်တခုက ဒီလိုဗျ၊ ကျနော် ဟိုတုန်းက သွားတယ်ဆိုတာကတော့၊ သဘောက လူကြီးလာတဲ့ အတွက် အောက်မှာရှိနေတဲ့ တာဝန်အသီးသီး ထမ်းဆောင်ေ ကြတဲ့ပုဂ္ဂိုလ်တွေက တာဝန်အရ တွေ့ရတယ် ပြုရတယ် နှုတ်ဆက်ရတယ် ဆိုတဲ့ သဘောသက်သက်ပဲ။ အဲဒီတော့ တာဝန်အရ နှုတ်ဆက်တာပဲ ရှိတယ်လေ၊ အခုဟာက ဒီလို မဟုတ် ဘူး။ တာဝန်အရမဟုတ်ဘူး။ သူတို့က အသိစိတ်ဓါတ်နဲ့လာတာ၊ ဘယ်သူမှ ခိုင်းလို့မဟုတ်ဘူး။ သူတို့ စိတ်ဓါတ်နဲ့သူတို့ တခါတည်းကို တယောက်ကို တယောက် လက်ကုတ်ပြီးတော့ ဒို့ ဒီလိုလုပ်ကြဖို့ရှိတယ် ဆိုတာမျိုး။ စာတွေပေတွေနဲ့ ထုတ်ပြန်ပြီး လုပ်တာလည်းမဟုတ်ဘူး။ တယောက်ကိုတယောက် ဟိုတယ်လီဖုန်းဆက် ဒီတယ်လီဖုန်းဆက်ပြီး ဒို့လုပ်ကြမယ် ဟေ့ ဆိုပြီး စုဝေးပြီးတော့ ရောက်လာကြတာ။ သူတို့ စိတ်ဓါတ်နဲ့စေတနာနဲ့ လာတာပဲ။ အဲဒီတော့ အခုဟာက သူတို့ စိတ်ဓါတ်စေတနာ အရင်းခံပြီးလာတာနဲ့ ဟိုတုန်းက တာဝန်အရ တပ်မတော်ခေါင်းဆောင် တယောက်ကို လက်အောက်ခံပုဂ္ဂိုလ်တွေ တာဝန်အရလာတွေ့ကြတာနဲ့ ယှဉ်လိုက်ရင် အခုလာပြီးလုပ်တဲ့ဟာက ဘယ်လောက်ပဲ သေးသေးမွှားမွှား ဖြစ်ပါစေ၊ ဟိုတုန်းက လာကြတာထက် အများကြီးတန်ဘိုးရှိတယ်၊ ဂုဏ်ယူစရာကောင်းတယ်၊ အဲဒီ လိုတော့ ခံစားမှုဖြစ်မိပါတယ်။

ဦးရော်နီညိမ်း။ ။ အဲဒီတော့၊ လူထုမေတ္တာကို အန်ကယ် ရတယ်၊ နောက် သူတို့ကလည်း ပြတာက နိုင်ငံရေးအရ သူတို့ရဲ့ ဆန္ဒကို ထုတ်ဖော်ပြသတာပဲ။ တိုင်းပြည်ထဲမှာ လူထုခေါင်းဆောင်ဖြစ်နေတဲ့ ပါတီတခုရဲ့ ခေါင်းဆောင်လာတာကို သူတို့ လာပြီးတော့ တွေ့ဆုံနှုတ်ဆက်ဂါရ၀ပြုတဲ့အခါမှာ အန်ကယ်ကလည်း သူတို့ကို ဘာပြောခဲ့ လဲ၊ ဆုံးမခဲ့သလဲ ဆိုတော့ “တိုင်းပြည်ကို မမေ့နဲ့၊ တိုင်းပြည်မှာ ဖြစ်ပျက်နေတာတွေကို မျက်ခြည်မပြတ်စေနဲ့” ဆိုပြီး အန်ကယ် ဆုံးမခဲ့တယ်။ အဲဒါ တန်ဘိုးအရှိဆုံးပါပဲ။ အားလုံးသိကြရအောင် အဲဒါကို အန်ကယ် ပြန်ပြီး ပြောပြပေးပါဦး။

ဦးတင်ဦး။ ။ ဟုတ်တယ်၊ ဒီလိုဗျ၊ ကျနော်ပြောတဲ့အထဲမှာကတော့ သူတို့ အကြောင်းအမျိုးမျိုးနဲ့ နိုင်ငံခြားကိုထွက်လာရတဲ့ဟာက ဒီမှာ ဒုက္ခသုက္ခ ကြီးမားတာတော့ မှန်တယ် ပေါ့၊ အကြောင်းအမျိုးမျိုး ဘယ်လိုဖြစ်ခဲ့ဖြစ်ခဲ့၊ ကိုယ့်တိုင်းပြည်မှာ ဒီနေ့ လိုအပ်နေတာက ဘာလဲဆိုတာ သိဘို့လိုတယ်။ အဲဒီတော့ အခုလာရတဲ့ အကြောင်းရင်းပေါ်မှာ အခြေခံပြီးတော့ အကုန်လုံး ညီညီညွတ်ညွတ် နေနိုင်ကြဖို့၊ စည်းစည်းလုံးလုံး ရှိပြီး နေနိုင်ကြဖို့ ဆိုတာကိုပဲ ကျနော်က အသားပေးပြီးပြောတယ်။ ကိုယ့်တိုင်းပြည်အခြေအနေကို အမြဲတမ်း လေ့လာ အကဲခတ်နေပြီးရင် ကိုယ့်တိုင်းပြည် တိုးတက်ရာ တိုးတက်ကြောင်းပေါ့လေ၊ ကိုယ့်က ဒီမှာ အဆင်ပြေပြီးကြီးပွါးနေတယ်ဆိုရင် ကိုယ်နဲပတ်သက်လို့ ပြည့်စုံရင် အခြားအခြားသော လူ တွေကို ပြည့်စုံအောင်လုပ်ဖို့ တာဝန်ရှိတယ်။ ထို့အတူပဲ၊ နိုင်ငံနဲ့ချီပြီး ဖြစ်လာရင် ကိုယ့်နိုင်ငံနဲ့ ပတ်သက်တဲ့ ကိစ္စရပ်အ၀၀ အကျိုးရှိရာရှိကြောင်းကို မျက်ခြည်မပြတ် လုပ်ကိုင်နေဖို့ တာ ၀န်လည်းရှိတယ်၊ ဆိုတဲ့ အကြောင်းကို ကျနော် အလေးအနက်ပြောခဲ့တယ်။ တခြားဟာတွေ ပြောတယ်ဆိုရင် တခုခုဖြစ်ခဲ့ရင် ကျနော်တို့က ကယ်နိုင်တာလည်း မဟုတ်တော့၊ ကျနော် က ထိန်းထိန်းသိမ်းသိမ်းနဲ့ တတ်နိုင်သမျှ သူတို့ကို နားလည်လွယ်အောင် သူတို့ စိတ်ထဲခေါင်းထဲဝင်သွားနိုင်အောင် ကျနော်က စကားလုံးကို တတ်နိုင်သမျှ ဆက်စပ်မိအောင် ဒီလိုပဲ ကျနော် ပြောခဲ့ပါတယ်။ ကျနော်တို့လည်းပဲ ငြိမ်းချမ်းရေးရတာနဲ့ တပြိုင်တည်း၊ ပြေပြေလည်လည် ဖြစ်လာရင်လည်းပဲ ကိုယ့်တိုင်းပြည်ထဲ လုပ်စရာရှိတာ အစွမ်းကုန် ၀ိုင်းလုပ်ကြရင် တော့ တနည်းတလမ်း တိုးတက်လာနိုင်မှာပါ။ အဲဒါ ၀ိုင်းပြီးတော့ ကြုံးလုပ်ကြဖို့ အတွက် ကြိုးစားဖို့ လိုတာပါပဲလေ။ ဒါပါပဲ။

ဦးရော်နီညိမ်း။ ။ ဟုတ်ကဲ့ အန်ကယ်၊ ကျေးဇူးတင်ပါတယ်။ ဒါနဲ့ အန်ကယ်၊ မီးပြန်လာပြီလား။

ဦးတင်ဦး။ ။ ခင်ဗျာ၊..မလာသေးဘူး၊ မလာသေးဘူး၊ မီးက အခု ဒီမှာ ပျက်တယ်ဆိုတာ အရင်လို မဟုတ်ဘူးဗျ၊ အရင်တုန်းကဆို ဆယ်မိနစ်၊ ဆယ့်ငါးမိနစ် အတွင်းပြန်လာ တယ်။ အခုလို အချိန်ပျက်ရင် ကျနော်ထင်တယ်၊ ည (၁၁) နာရီလောက်မှ လာတော့မယ်။

ဦးရော်နီညိမ်း။ ။ ရွေးကောက်ပွဲနီးတော့ မဲဆွယ်တဲ့အနေနဲ့ လျှပ်စစ်မီးတွေ အပြည့် ပေးနေတယ်ကြားလို့ပါ။ အဲဒီလို မဟုတ်ဘူးလား ခင်ဗျ။

ဦးတင်ဦး။ ။ မဟုတ်ဘူးဗျ၊ အမှန်ကတော့ ဒီလိုအခါမျိုးမှာ ပိုပြီးတော့ တိုင်းပြည်နဲ့ပတ်သက်ပြီး လုပ်လို့ကိုင်လို့ ကောင်းအောင် အကုန်လုံးပြည့်စုံအောင် လုပ်ဖို့တော့ ကောင်း တာပေါ့ဗျာ။

ဦးရော်နီညိမ်း။ ။ စင်္ကာပူမှာ အောင်မြင်စွာ မျက်စေ့ခွဲစိတ်ကုသမှု ခံယူခဲ့ပြီးတော့ အောက်တိုဘာလ(၁၂)ရက်နေ့က ရန်ကုန်မြို့ကို ပြန်ပြီး ရောက်ရှိလာခဲ့တဲ့ အမျိုးသားဒီမိုက ရေ စီအဖွဲ့ချုပ် ဒုတိယဥက္ကဌ၊ တပ်မတော်ကာကွယ်ရေး ဦးစီးချုပ်ဟောင်း အငြိမ်းစားဗိုလ်ချုပ်ကြီး သူရဦးတင်ဦးက စစ်မှုထမ်းဘ၀မှာ စစ်ရေးတာဝန်တွေနဲ့ စင်္ကာပူကို ရောက်ရှိခဲ့စဉ်က အတွေ့အကြုံနဲ့ အခုတခေါက် အတွေ့အကြုံတွေကို နှိုင်းယှဉ်ပြီးတော့ ပြောကြားသွားတာတွေကို တင်ဆက်ပေးခဲ့တာပါ ခင်ဗျာ၊ ကျနော် ရော်နီညိမ်းပါ။
http://www.voanews.com/burmese/news/soldier-talk/10_24_10_soldiers_talk031-105620843.html