မြန်မာ့နည်းမြန်မာ့ဟန် အာဏာရှင် ဒီမိုကရေစီ

သျှမ်းပြည်အနယ်နယ်က အဓမ္မကြိုတင်မဲကောက်ယူမှု Sunday, 07 November 2010 09:33 သျှမ်းသံတော်ဆင့်
နမ့်ခမ်းမြို့
နိုဝင်ဘာ ၅ ရက်က နမ့်ခမ်းမြို့ ရပ်ကွက် ၂ ဥက္ကဌ နှင့် ရွှေလီရေအားလျှပ်စစ်ကန်ထရိုက်တာ(တရုပ်သျှမ်းကပြား) ဦးစံညွန့်မှာ တရုတ်လူဦးရေများ သည့် ၄င်းရပ်ကွက်အတွင်းကြိုတင်မဲကောက်ယူရာ အယောက် ၄၀၀ ကျော်ရှိပြီ ဖြစ်ကြောင်း။ ကြံ့ခိုင် ရေးပါတီကိုသာမဲပေးခိုင်းသည့်ကြားမှ တရုတ် လူမျိုးအချို့နှင့် ဗမာလူမျိုးအချို့ ကမူကျားဖြူ ပါတီကို ထောက်ခံ မဲထည့်ကြ ကြောင်းသိရသည်။ ရပ်ကွက် ၂ တွင် ကောင်းနောင်မိုရပ်၊ မိုခမ်းရပ်နှင့် စာလေးတန်း (တရုတ် အနေများ) တို့ရှိ၏။ ရပ် ကွက် ၃ တွင်လည်း ပန်းဆေးတိုက်နယ်မှလာရောက် နေထိုင်သော တရုတ်လူဦးရေ ၂၅၀ ခန့်မှာ ပြည်ခိုင်ဖြိုးကို ထောက်ခံ သည့် ကြိုတင်မဲထည့်ပြီးသွားကြကြောင်းသိရသည်။ နမ့်ခမ်းမြို့တွင် ၁၆ ရပ်ကွက်အနက် ၁၂၀၀ ကြိုတင်မဲထည့်ခဲ့ကြရ ကြောင်း၊ ၇၅ % မှာ အာဏာပိုင်များ၏ ဖိအားပေး ခြိမ်းခြောက်မှုကြောင့် ကြံ့ဖွံ့ကို ထောက်ခံမဲပေးကြရသည်ဟု ကြားသိရ၏။ ကြိုတင်မဲကိုလည်း မဲရုံသို့ သွားမပေးခိုင်းဘဲ သက် ဆိုင်ရာရယက ရုံးသို့သာသွားပေးရသည်။ ရင်အုပ်ခန့် အမြင့်ရှိ သုံးဖက်ကာခုံပေါ် မဲခြစ်ရာ၌ အနီးပါတ်ဝန်းကျင်မှ လှမ်းမြင်နိုင်ကြောင်း၊ မဲထည့်နည်း သရုပ်ပြစဉ်ကနှင့် လုံးဝ မတူ ကြောင်း ရပ်ကွက် ၂ သားတဦးက ပြန်လည် ပြောပြသည်။ ပန်းဆေး ဦးကျော်မြင့်ကိုယ်တိုင်ပါသည့်ဖြစ်စေ မပါသည် ဖြစ်စေ ၄င်း၏ ပြည်သူ့စစ်အင်အား ၃/၄ ယောက်မှာ ရယကရုံး ကြိုတင်မဲကောက်တိုင်း လိုက်ပါသွား လေ့ရှိပြီး လွန်ခဲ့သည့် ၃-၄ ရက်က တခြားပါတီများမူ မသိ လိုက်ရသဖြင့် လိုက်ပါခြင်းမရှိခဲ့ရဟု ကျားဖြူပါတီဝင်တဦးကပြောသည်။ ရွေးကောက်ပွဲကော်မရှင်၏ အကြောင်း ပြချက်မှာ နိုဝင်ဘာ ၇ ရက်၌ မဲထည့်မည့်သူအလွန်တရာများပြားသဖြင့် အရှည်ကြီးတန်းစီရဖွယ်ရှိကြောင်း အချိန် ကုန်အလုပ်ပျက် မည်ဖြစ်ကြောင်း၊ ကြိုတင်မဲထည့်ပါက လွယ်ကူအဆင်ပြေမည်ဖြစ်ကြောင်း ပြောကြားသည်ဟု သိရပါသည်။

မူဆယ်မြို့

(၁) ၄-၁၁-၂၀၁၀ ဟိုမွန်ရပ်ကွက်ကော်မရှင်က ခရိုင်/မြို့နယ်ရဲ နှင့် အချုပ်သားများ၊ ဌာနဆိုင်ရာဝန်ထမ်းများနှင့်  အခြား တာဝန်ဖြင့် ခရီးထွက်မည့်သူ ၁၀၀၀ ကျော် (ဖိအားပေးထည့်ခိုင်းသည်များအပါအ၀င်) တို့အား ကြိုတင်မဲထည့်ခဲ့ရသည်။
(၂) ၅-၁၁-၂၀၁၀ မူဆယ်မြို့ ကောင်းမူးတုံ့ရပ်ကွက်မဲရုံတွင် လျှောက်လွှာမတင်ရဘဲ ကြိုတင်မဲလက်မှတ် ၂၄ စောင် အပို လာထည့်သွားသည်ကို ခရိုင်ကော်မရှင်မှ စိစစ်တွေ့သဖြင့် ဖယ်ထုတ်ထားသည်ဟုဆို၏။
(၃) မူဆယ်မြို့နယ် နောင်ဆိုင်ကျေးရွာအုပ်စု နောင်ဆိုင်ရွာမှမဲပေးခွင့်ရှိသူ သက်ကြီးရွယ်အို ၁၀ ဦးကို ကျေးရွာအုပ်စု စာရေးမက စာရင်းမှပယ်ဖျက်လိုက်သဖြင့် မဲမထည့်ရသူများ မကျေနပ်ဖြစ်နေကြ၏။

လားရှိုးမြိ်ု့

အောက်တိုဘာ ၂၁ ရက်မှစ၍ မယက၊ ရယက နှင့်ရွေးကောက်ပွဲကော်မရှင်တို့က ဆယ်အိမ်မှူး၊ ရာအိမ်မှူး ယရကများအား မဲပေးပိုင်ခွင့်ရှိသူ နာမည်စာရင်းပေးသွင်းကြရန် ဆင့်ဆိုညွှန်ကြားခဲ့၏။ ရရှိလာ သော နာမည် စာရင်းများအနက် သျှမ်းဦးရေ များသော ရက်ကွက်နှင့် ကျားဖြူပါတီထောက်ခံမည့် သူများသည့် ရပ်ကွက်မှ နာမည် စာရင်းအချို့ ပါယ်ဖျက်ခံရ သည်ဟုဆို၏။ မဲပေးခွင့်ရှိသူများနာမည်စာရင်းကိုလည်းကော်မရှင်ရုံး၊ မဲရုံတို့၌ မကပ်ဘဲ ရပ်ကွက်ရုံး၌သာ ကပ်ထားပြီး လူထုအားဆော်သြ အသိပေးပြောကြားခြင်းလည်းမရှိ။ထက်ထက်မြက်မြက် ရှိသူ၊ နားလည်ပါးလည်သူနှင့် စိတ်ဝင်စားသူ တချို့သာ နာ မည်စာရင်းသွားကြည့်ကြ ကြောင်း၊ အချို့ကမူမဲပေးခွင့်ရှိ သူများစာရင်း၌မပါကြောင်း၊ မြို့နယ် ရွေး ကောက်ပွဲ ကော်မရှင်သို့ သွားတိုင်ကြားလျှင်မူနာမည်ပြန် ထည့်ပေးကြောင်း ကိုယ်တိုင်ကြုံတွေ့ခဲ့ရသူ အမည်မဖော်လို သည့် ကျားဖြူပါတီဝင်တဦး၏ သမီ (ဘဏ်ဝန်ထမ်း တယောက်) က သျှမ်းသံတော်ဆင့်သို့ပြောပြသည်။ စိတ်မ၀င်စားသော (နာမည်စာရင်းဖျက်ခံရသူ)အချို့ကမူတိုင်ကြား ခြင်းမရှိ။ ထို့ကြောင့်မဲပေး ပိုင်ခွင့်လည်းရှုံးခဲ့ရပြီး လားရှိုးမြို့၁၂ ရပ်ကွက်စလုံး မဲပေးပိုင်ခွင့်ရှုံးသူ ၃၅% ခန့်ရှိမည်ဟု သိရသည်။ ရပ်ကွက် ၅/၆/၇/၁၀/၁၁/၁၂ တို့မှာ သျှမ်းလူမျိုး ၅၀% အထက် နေထိုင် ၏။ ရပ်ကွက် ၂/၃/၅/၈ တွင်မူ တရုတ် လူမျိုးများပြီး ၁ နှင့် ၄ ၌ ဗမာလူမျိုးများ၏။ မဲပေးခွင့်ရှိသူများ နာမည်စာရင်းကြေငြာ ခြင်း မရှိသဖြင့် သိရှိနားလည် စိတ်ဝင်စားသူနည်းပါးကြောင်း ကျားဖြူပါတီထောက်ခံသူဒေသခံ များကြားတွင်မူ ကျားဖြူပါတီနိုင် သည်ဖြစ်စေ ရှုံးသည်ဖြစ်စေ SNLD ပါတီကဲ့သို့ပင် သမိုင်းတွင်ရစ်မည်မှာမြင်ယောင် မိကြောင်းပြောဆိုနေကြရသည်။


မိုင်းကိုင်မြို့

နိုဝင်ဘာ ၄ ရက် သျှမ်းပြည်တောင်ပိုင်း မိုင်းကိုင်မြို့နယ်ကော်မရှင်ရုံးအဖွဲ့ဝင်တဦးက ကျားဖြူပါတီ လွှတ်တော်ကိုယ်စား လှယ်လောင်း စိုင်းပန် အား- ကတ်ဖွီး၊ မိုင်းယွမ်း၊ စုံလောင်း၊ ခေးအုံအွေ့၊ ဆန်ဟာ့ ကျေးရွာအုပ်စုများသည် လုံခြုံရေး အခြေ အနေကြောင့် မူလ ကြေငြာထားသည့်အတိုင်း မဲရုံထောင်တော့မည်မဟုတ်။ ၄င်းအုပ်စုများမှ မဲဆန္ဒရှင်များ ၀ိန်းငင်းရွာသို့ မဲသွားထည့်ရမည် ဟုဆိုသည်။ ၀ိန်းငင်းသည် မိုင်းယွမ်းနှင့် မိုင် ၂၀ ကျော်ကွာ ဝေးပြီးအခြားကျေးရွာ အုပ်စုများနှင့်လည်း ၅ မိုင်မှ ၁၅ မိုင်အထိ ကွာဝေးသည်။ လမ်းခရီးကြမ်းလှသဖြင့် မဲဆန္ဒရှင်များသည်ဆန္ဒမဲထည့်လိုသည့် တိုင် သွားရောက်မဲထည့် ရန်ခက်ခဲ လိမ့်မည်ဟု စိုင်းပန်ကပြောသည်။ အာဏာပိုင်များသည် ကြိုတင်ဆန္ဒမဲများအတင်း အဓမ္မ ကောက်ယူပြီး ယနေ့ အထိ မယက ဥက္ကဌ ဦးလင်းမောင်မောင် (အသက် ၂၈ နှစ်ခန့်) ထံသိမ်းဆည်းထားသည်မှာ ကြိုတင်ဆန္ဒမဲပြား တထောင် ကျော် ရှိကြောင်းမယကရုံးအသိုင်းအ၀ိုင်း အဆိုအရသိရသည်။ မြို့နယ်ကော်မရှင် ဥက္ကဌ ဦးကျော်စိုးမှာ ကျန်းမာရေးမကောင်း ၍ ဆေးရုံတက်နေရပြီး ကော်မရှင်အတွင်းရေးမှူးမှာလည်း ခရီးလွန်နေသည်ဟု ဆိုသည်။ ဒီအခြေ အနေမှာ အာဏာပိုင်တို့၏ ကြိုတင်ဆန္ဒမဲရယူလိုမှုနှင့် ရရှိပြီးသောကြိုတင်ဆန္ဒမဲများ လိုသလိုအသုံး ချနိုင်ရန် တမင်လုပ်ကြံဖန်တီးထား သည့်အခင်းအကျင်းဖြစ်နိုင်ကြောင်းဒေသခံများ သုံးသပ်ပြောဆိုနေကြပါသည်။


လင်းခေးမြို့
နိုဝင်ဘာ ၅ ရက် သျှမ်းပြည်တောင်ပိုင်း လင်းခေးမြို့နယ်လွယ်လုံကျေးရွာအုပ်စု ပန်တ၀ိ၊ပန်ပိကျေးရွာ ပြည်သူ့စစ်ခေါင်း ဆောင်ဂန္ဒမာက ကျေးရွာ ၂၀ ရွာထဲမှ လူထု ၁၀၀ ကျော်အား ကြံ့ခိုင်ရေးပါတီမှလွှဲ၍ မည်သည့်ပါတီမှမဲမပေးရ။ ကျားဖြူပါတီ အား မဲပေးကြောင်း နောက်ပိုင်း သိရှိခဲ့ပါကကြီးလေးသော ပြစ်ဒဏ်ခံရမည်ဟု ခြိမ်းခြောက်ဖိအားပေး ပြောဆိုခဲ့ကြောင်း တောင်ကြီးမြို့ ကျားဖြူ ပါတီဝင်တဦး ကပြောသည်။ ထိုကိစ္စနှင့်ပါတ်သက်၍ ကျားဖြူပါတီအနေဖြင့် ကန့်ကွက်ကြောင်းလင်းခေးမြို့နယ် ရွေးကောက်ပွဲကော်မရှင်ထံစာတင်ထားသည်ဟု ၄င်းကပြောပြသည်။ လင်းခေးမြို့ အရှေ့တောင်ဘက်အရပ် တောင်ပေါ်ရှိ ပအိုဝ်းနှင့် လိဆောလူမျိုးများနေထိုင်သည့် ပန်တ၀ိ အုပ်စုတွင် မဲပေးခွင့်ရှိသူ ၁၈၀၀ ကျော်ရှိရာ ကျားဖြူပါတီအား ထောက်ခံလိုသူ များသည်ဟု သိရသည်။ Rest of your post