ဘင်္ဂလားပင်လယ်အော်၌ မုန်တိုင်းငယ်ဖြစ်ပေါ်နိုင်ကြောင်း ထုတ်ပြန် လက်ရှိကာလမှ မေလအထိ မုန်တိုင်းကို သတိပြုရမည်ဟုသိရ

ဘင်္ဂလားပင်လယ်အော်၌ မုန်တိုင်းငယ် ဖြစ်ပေါ်နိုင်ကြောင်း မိုးလေ၀သနှင့် ဇလဗေဒ ညွှန်ကြားမှုဦးစီးဌာနမှ ဧပြီလ တတိယ ၁၀ ရက်ပတ်အတွက် ခန့်မှန်းချက်တွင် ဖော်ပြထားချက်အရ သတင်းရရှိပါသည်။

ဧပြီလ ၂၁ ရက်နေ့မှ ၃၀ ရက်နေ့အထိ အကျုံးဝင်သည့် ဧပြီလတတိယ ၁၀ ရက်ပတ် အတွင်းတွင် ဘင်္ဂလား ပင်လယ်အော်တောင် ပိုင်း၌ လေဖိအားနည်းရပ်ဝန်းတစ်ခု ဖြစ်ပေါ်နိုင်ပြီး အဆိုပါလေဖိအားနည်းရပ်ဝန်းမှာ မုန်တိုင်းငယ်အဖြစ်သို့ ရောက်ရှိလာနိုင်သည် ဟု ခန့်မှန်းထုတ်ပြန်ထားသည်။

ဧပြီလလယ်မှ မေလလယ်ပိုင်းအထိသည် မြန်မာနိုင်ငံ၏ မိုးကြိုကာလဖြစ်ပြီး မိုးကြိုကာလအတွင်း ဖြစ်ပွားတတ် သောသဘာဝ ဘေးအန္တရာယ်များမှာ အပူပိုင်းမုန်တိုင်း၊ လေဆင်နှာမောင်း၊ မိုးကြိုးပစ်ခြင်း၊ လျပ်စီးလက်ခြင်း၊ နေ ရာကွက်၍ မိုးကြီးခြင်းစသည်တို့ ဖြစ်သည်ဟု သိရှိရသည်။

ယခုနောက်ပိုင်းနှစ်များတွင် မိုးကြိုကာလ၌ မုန်တိုင်းဝင်ရောက်မှုများ ရှိလာသဖြင့် ယင်းသဘာဝဘေး အန္တရာယ်မှာ မိုးကြိုကာလ၏ သတိပြုဖွယ်သဘာဝ ဘေးအန္တရာယ်တစ်ခု ဖြစ်လာသည်ဟု လည်း သိရှိရသည်။

''မုန်တိုင်းကတော့ ဖြစ်မှာပဲ။ မြန်မာနိုင်ငံကို ၀င်၊ မ၀င်ဆိုတာက တော့ စောင့်ကြည့်ဖို့လိုမှာပေါ့။ သတိပြု ဖို့ လိုအပ်တာကို သက်ဆိုင်ရာက ထုတ်ပြန်ပါလိမ့်မယ်။ ထုတ်ပြန်ချက်တွေကို တော့ သတိပြုစေချင်တယ်''ဟု မိုးလေ၀သပညာရှင် ဒေါက်တာထွန်းလွင်က ဆိုပါသည်။

လက်ရှိကာလသည် ဒေသအသီးသီး၌ အပူချိန်မြင့်တက်လျက်ရှိပြီး အပူချိန်ဆက်လက်မြင့်တက်မှုကိုလည်း တွေ့ကြုံရနိုင်သည်ဟု သိရှိရသည်။

ထို့ပြင် ယခုနှစ်သည် မုတ်သုံ အ၀င်နောက်ကျနိုင်သည့် နှစ်တစ်နှစ် ဖြစ်လာနိုင်ပြီး မုတ်သုံအ၀င်နောက်ကျခြင်း သည် မိုးကြိုကာလကို ရှည်လျားစေမည့် သဘောလည်းဖြစ်သည်ဟု လေ့လာသူများ၏ အဆိုအရသိရသည်။

''ဘင်္ဂလားပင်လယ်အော်မှာ မုန်တိုင်းဖြစ်တာ နောက်ပိုင်းနှစ်တွေမှာ လျော့လာပေမယ့် မြန်မာနိုင်ငံအ နေနဲ့ တော့ သိပ်ပြီးအထောက်အကူ မပြုပါ ဘူး။ ဘာလို့လဲဆိုတော့ မုန်တိုင်းဖြစ်တာ လျော့နည်းတာက မိုးတွင်းမှာ ဖြစ်နေလို့ပါ။ မိုးတွင်းမှာဖြစ်တဲ့မုန်တိုင်းတွေက မြန်မာနိုင်ငံကိုမ၀င်ပါဘူး'' ဟု ဒေါက်တာထွန်းလွင်က ရန်ကုန် မြို့တွင်ပြုလုပ်ခဲ့သော ဟောပြောပွဲတစ်ခု တွင် ပြောကြားခဲ့သည်။

၁၈၇၇ ခုနှစ်မှ ၂၀၀၉ ခုနှစ် အတွင်း ဘင်္ဂလားပင်လယ်အော်တွင် မုန်တိုင်း ၁၂၈၄ လုံးဖြစ်ပွားခဲ့ပြီး ယင်း အနက် ၈၃ လုံးမှာ မြန်မာနိုင်ငံသို့ ၀င်ရောက်ခဲ့ကြောင်း၊ ၄၀ ဒသမ ၄၉ ရာခိုင်နှုန်းမှာ မိုးလွန်ကာလဖြစ်သော အောက် တိုဘာနှင့် နိုဝင်ဘာလတို့တွင် ၀င်ရောက်ခဲ့ကာ ကျန်မုန်တိုင်း များက မိုးကြိုကာလဖြစ်သော ဧပြီနှင့် မေလများ တွင် ၀င်ရောက်ခဲ့ကြောင်း သိရှိ ရသည်။
မြန်မာနိုင်ငံသို့ မုတ်သုံဝင်ရောက်မှုသည်လည်း ယခုနောက်ပိုင်း နှစ်များတွင် နောက်ကျလာခဲ့ကာ မုတ်သုံ အထွက်စောလာခဲ့ပြီး မုတ်သုံရက် တိုတောင်းလာခြင်းက မိုးကြိုကာလနှင့် မိုးလွန်ကာလကို ပိုမို ရှည်ကြာစေ လာ သည်ဟု လေ့လာသူတို့က သုံးသပ်သည်။

မြန်မာနိုင်ငံတွင် ၂၀၀၆၊ ၂၀၀၇နှင့်၂၀၀၈ ခုနှစ်များက မုန်တိုင်းသုံးနှစ်ဆက်၍ သက်ရောက်ခဲ့ပြီး ယင်းသို့ သက် ရောက်ခဲ့သော ကာလမှာ မိုးကြို ကာလပင် ဖြစ်သည်ဟု သိရှိရသည်။

ပူပြင်းခြောက်သွေ့သော လက်ရှိကာလမှ မေလ၀န်းကျင်အထိ မြန်မာနိုင်ငံအရပ်ရပ်တွင် နေ့အပူချိန်များ တိုး လာမည်ဖြစ်သည့်အတွက် မွန်းလွဲ ပိုင်းနှင့်ညနေပိုင်းတို့တွင် မိုးတိမ်တောင်များဖြစ်ပေါ်နိုင်ကာ မိုးတိမ်တောင် များမှတစ်ဆင့် ရံဖန်ရံခါ လေပြင်းများ တိုက်ခတ်နိုင်ကြောင်း သတင်းတစ်ရပ် ကိုလည်း မိုးလေ၀သနှင့် ဇလဗေဒ ညွှန်ကြားမှုဦးစီးဌာနက ထုတ်ပြန်ခဲ့သည်ဟု သိရှိရသည်။
http://www.news-eleven.com/index.php?option=com_content&view=article&id=2741:2010-04-21-08-16-15&catid=42:2009-11-10-07-36-59&Itemid=112