ခြံစည်းရိုး ကာရံနေသည့် စစ်တပ် စခန်းများမှ ဖမ်းမိသည့် ပြည်တံဆာ ၁၈ ဦးကို မောင်တောတွင် ရုံးတင်
4/24/2010
မောင်အေး(နိရဉ္စရာ)
ဘင်္ဂလားမြန်မာ နယ်စပ်တလျှောက် ခြံစည်းရိုးကာရံနေသည့် မြန်မာစစ်တပ် စခန်းများမှ ဖမ်းဆီးရမိသည့် ပြည်တံဆာ အမျိုးသမီး ၁၈ ဦးကို မောင်တောမြို့နယ် တရားရုံးတွင် သောကြာနေ့က ရုံးတင် စစ်ဆေးခဲ့ကြောင်း သတင်း ရရှိသည်။
“အားလုံးက အသက် ၁၈ နှစ် ကနေ အသက်၂၀ ၀န်းကျင်လောက်ဘဲ ရှိကြပါတယ်။ သူတို့ကို ဖမ်းထားတာကတော့ တပတ်ကျော် လောက်ရှိပြီ ဖြစ်တယ်လို့သိရတယ်။ မနေ့ကမှ ရုံးထုတ်ပီးတော့ အမူကို စစ်ဆေးတာ ဖြစ်ပါတယ်။ ဘာဆက် ဖြစ်မလဲ ဆိုတာကိုတော့ ကျွန်တော်လည်းမသိပါဘူး။”ဟု တရားရုံးသို့ သွားရောက်ကြည့်ရှု့ခဲ့သူ မျက်မြင် တဦးက ပြောသည်။
ရုံးတင် ခံရသည့် အမျိုးသမီးများထဲတွင် ရခိုင်အမျိုးသမီး ၁၂ ဦး၊ တခြား မူဆလင် အမျိုးသမီးနှင့် ဗမာ အမျိုး သမီး ၆ ဦး စုစုပေါင်း ၁၈ ဦးဖြစ်သည်။
အဆိုပါ အမျိုးသမီးများမှာ နေ့ခင်းပိုင်းတွင် နတလ စံပြကျေးရွာများတွင် နေထိုင်ပြီး ညဥ့်ပိုင်းတွင် ခြံစည်းရိုးကာရံနေသောတပ်စခန်းများ သို့ သွားရောက်ပြီး ပြည်တံဆာ အလုပ် လုပ်ကိုင်နေကြသည်ကို မောင်တောရဲမှ သတင်းရပြီး များမကြာမီက အသုတ် လိုက်ဖမ်းဆီးခဲ့ ခြင်း ဖြစ်သည်ဟု ရဲတပ်ဖွဲ့ဝင် တဦးမှ ပြောသည်။
အဖမ်းခံရသည့် ရခိုင် အမျိုးသမီးများမှာ ကျောက်တော်၊ မြောက်ဦးနှင့် မင်းပြား မြို့နယ်မှ ဖြစ်ကြပြီး တခြား ဗမာ နှင့် မူဆလင်အမျိုးသမီး များမှာ စစ်အစိုး ရမှ နေရာ ချပေးထားသည့် ရွှေရင်အေးနှင့် ခရေမြိုင် စံပြ ကျေးရွာအပါအ၀င် အနီးတ၀ိုက် မူဆလင် ကျေးရွာများမှ အမျိုးသမီးများ ဖြစ်ကြောင်း သူက ပြောသည်။
၎င်းပြင် အဆိုပါရဲတပ်သားက “သူတို့ကို ညနေကျရင် စစ်တပ်က အရာရှိ တွေက ခေါ်ထားတယ်။ နေ့ခင်းပိုင်း ကျရင်တော့ အနားက နတလ ရွာတွေမှာ သူတို့ သွားနေကြတယ်။ ဘာအလုပ်မှ မရှိတော့ သူတို့လည်း ဒီလမ်းနဲ့ ၀င်ငွေရနေကြတာ ဖြစ်ပါတယ် ”ဟု ပြောသည်။
မြန်မာ နအဖ စစ်အစိုးရ လက်အောက်တွင် ရခိုင်ပြည်နယ်၏ စီးပွားရေးမှာ အဆိုးရွားဆုံး ကျဆင်းနေရာ ရခိုင် အမျိုးသမီးငယ် အများ အပြားမှာ စားဝတ်နေရေး အကျပ်အတည်းကြောင့် ဖါသည်မ ဘ၀သို့ ကျရောက် နေကြရသည်ဟု စုံစမ်း သိရှိရသည်။
http://www.narinjara.com/detailsbur.asp?id=2456
Saturday, April 24, 2010
စစ်တပ်ရှိတဲ့နေရာ..ဖာရှိတယ်..
Subscribe to:
Post Comments (Atom)
No comments:
Post a Comment